Čysly 28:26 - Библия - Пэ Балтитко Романи чиб (Романэс) 2019

²⁶ И дро дывэ́с, ке́ли янэ́на пэ́рва барьякирдэ́ (пло́ды) и ке́ли янэ́на Ра́скэ-Дэвлэ́скэ нэво́ маруно́ яныбэ́н дрэ эфтангирья (седмицы) тумарэ́, мэк тэ явэ́л тумэ́ндэ свэ́нто скэдыибэ́н; нисави́ буты́ тэ на кэрэ́н;

Biblija - Pe Baltitko Romani čib (Romanes) 2019

²⁶ I dro dyvés, kiéli janéna pérva barjakirdé (plódy) i kiéli janéna Ráske-Devléske nevó marunó janybén dre eftangirja (siedmicy) tumaré, mek te javél tuménde svénto skedyibén; nisaví butý te na kerén;

Čysly 28:26 Referans Kwoze

Vygiiben 34:22

И свэнкин свэ́нко седмица (эфтуны), свэ́нко, ке́ли лэ́на тэ укэдэн пшэница (парной гив) и свэ́нко скэдыибэ́н плодэнгиро пэ бэршэскиро ко́нцо (яго́ро);

Vygiiben 23:16

дыкх (ракх) и свэ́нко убияныпнаскиро пэрвонэ́ барьякирдэнца (плодэнца) пхарэ́ бутя́тыр, савэ́ ту почхудян пэ фэ́лда, и свэ́нко плодэнгиро скэдыибэ́н дро бэршэскиро ко́нцо (яго́ро), ке́ли укэдэса фэлдатыр тыри́ буты́.

Левито 23:10

“Дэ тэ джинэ́н Израилёскирэ чхавэ́нгэ и пхэн лэ́нгэ: ‘Ке́ли явэ́на пэ пхув, сави́ Мэ да́ва тумэ́нгэ, и явэ́на тэ чхинэн пэ ла́тэ жатва, тэды янэ́н пэ́рво тумарэ́-жатвакиро ґарбо (снопо) кэ раша́й;

1 Коринфянэнгэ 15:20

Нэ Христо́со отджидыя́ мэрибна́стыр, са́мо пэ́рво одолэ́ндыр, кон мыя́.

Jakov 1:18

Ёв выкэдыя́ пир Пэ́скири во́ля тэ дэл джиибэ́н амэ́нгэ чачунэ́ лавэ́са, соб (кай) амэ́нгэ тэ явас Лэ́скирэ пэрвонэнца, савэ́н Ёв создыя́.

Čysly 28:18

Пэ пэ́рво дывэ́с мэк тэ явэ́л тумэ́ндэ свэ́нто скэдыибэ́н, нисави́ буты́ тэ на кэрэ́н;

Čysly 28:27

и янэ́н цэ́ло схачкирибэ́н дро гудло́ тхув Ра́скэ-Дэвлэ́скэ: кхэритконэ́ мурдалэстыр (барэ́ ското́стыр) дуе́н гуруворэ́н, екхэ бакрэ́с и эфта́ екхэ-бэршытконэ бакрэ́н,

Čysly 29:1

И дро эфта́то чхон, пэ пэ́рво-чхонэ́скиро дывэ́с, мэк тэ явэ́л тумэ́ндэ свэ́нто скэдыибэ́н; на кэрэ́н нисави́ буты́; мэк тэ явэ́л дава́ тумэ́ндэ радымакиро дывэ́с рогоскирэ зникоса (трубакирэ звукоса).

Vygiiben 12:16

И дро англатуно́ дывэ́с мэк тэ явэ́л тумэ́ндэ свэ́нто скэдыибэ́н, и пэ эфта́то дывэ́с свэ́нто скэдыибэ́н: ни сави́ буты́ тумэ́нгэ нашты́ тэ кэрэ́н дрэ далэ́ дывэса́; екх со тэ хал кажно ману́ш, екх дава́ сашты́ тэ кэрэ́н тумэ́нгэ.

Левито 23:8

и дрэ сарэ́ эфта́ (битринэ́нгиро дэш) дывэса́ янэ́н Ра́скэ-Дэвлэ́скэ свэ́нта дыибэна́; пэ эфта́то дывэ́с адя́кэ-паць свэ́нто скэдыибэ́н; нисави́ буты́ на кэрэ́н.”