Čysly 28:2 - Библия - Пэ Балтитко Романи чиб (Романэс) 2019

² “Припхэн Израилёскирэ чхавэ́нгэ и пхэн лэ́нгэ: ‘Дыкхэ́н, соб (кай) Миро яныбэ́н, маро́ Миро сыр свэ́нто яныбэ́н Ма́нгэ, дро гудло́ тхув Ма́нгэ, тэ янэ́н Ма́нгэ дро пэ́скиро часо.’”

Biblija - Pe Baltitko Romani čib (Romanes) 2019

² “Priphen Izrailjoskire čhavénge i phen lénge: ‘Dykhén, sob (kaj) Miro janybén, maró Miro syr svénto janybén Mánge, dro gudló thuv Mánge, te janén Mánge dro péskiro časo.’”

Čysly 28:2 Referans Kwoze

Левито 3:11

раша́й схачкирэ́ла дава́ пэ алта́рё; дава́ исын ягакиро маро́ – свэ́нто дыибэ́н Ра́скэ-Дэвлэ́скэ.

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Filipiicenge 4:18

Мэ дорэсцём буты́р, сыр ма́нгэ трэй, мэ сом радо, ке́ли дорэсцём Епафодитостыр саро́, со тумэ́ бичхадэ́ ма́нгэ сы́рбы гудло́ аромато, сыр дро́го свэ́нто дыибэ́н, саво́ исын лачхо́ Дэвлэ́скэ.

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

2 Коринфянэнгэ 2:15

Пал-дова́ со амэ сам сы́рбы гудло́ тхув (дымо), со Христо́со янэ́ла Дэвлэ́скэ ваш одолэ́нгэ, савэ́ исын зракхнэ́ и ваш одолэ́нгэ, савэ́ хасёна;

Малахия 1:12

“Нэ тумэ́ тэлякирэна Ман, адя́кэ ракири́: ‘Сками́нд Ра́скирэ-Дэвлэ́скиро исын нажужо, и нанэ лачхипэ́н лэ́стыр, лэ́скиро хабэ́н исын бипатывакиро.’

Малахия 1:7

Тумэ́ янэ́на дошвало (магирдо́) маро́ пэ Миро алта́рё, и ишчо (инкэ́) тумэ́ пхэнэ́на: “Дро со амэ дошвалякирдям Тут?” Дро дова́, со тумэ́ ракирэ́на: “Сками́нд Ра́скирэ-Дэвлэ́скиро исын бипатывакиро.”

Езэкилё 20:41

Мэ прилава тумэн сыр гудло́ тхув смолэндыр, ке́ли вылыджава Мэ тумэн явирэ нацые́ндыр, скэда́ва Мэ тумэн тхэмэндыр, кай тумэ́ сан росчхудэ тэ дживэ́н, Мэ ява́ва Свэ́нто машки́р тумэ́ндэ, соб (кай) тэ дыкхэ́н Наюды́тка на́цыи.

Езэкилё 16:19

“И Миро хабэ́н, саво́ Мэ давас ту́кэ, и маро́ кучонэ́ яржэстыр и оливкитко дзэт, и авги́н (мэда), савэ́нца Мэ чалякиравас тут, ту чхувэсас анги́л лэ́ндэ, соб (кай) тэ явэ́л гудло́ тхувипэн, и дава́ сыс,’” – ракирэ́ла Рай Дэвэ́л, Дэвэ́л.

Psalmy 81:3

лэн тэ бага́н гилы́, янэ́н бубно (тамбурино) адари́к, и милонэ-башаибнаскирэ гусли лутаса.

Čysly 15:24

тэды, ко́ли пир манушэ́нгиро надодыкхибэн кэрды дош, мэк саро́ скэдыибэ́н тэ янэл екхэ гурувэ́с дро цэ́ло схачкирибэ́н ваш гудло́ тхув, лачхо́ Ра́скэ-Дэвлэ́скэ, марунэ яныбнаса и чхуибнаса лэс, пир упхэныбэ́н, и екхэ бузнэ́с (козлос) дро свэ́нто дыибэ́н пал грэ́хо;

Čysly 15:7

И мол тэ вычхувэс ян три́то паш гиноскиро дро гудло́ тхув, лачхо́ Ра́скэ-Дэвлэ́скэ;

Čysly 15:3

и явэ́на тэ янэ́н свэ́нто дыибэ́н Ра́скэ-Дэвлэ́скэ, цэ́ло схачкирибэ́н, ци тэ явэ́л свэ́нто дыибэ́н зачхиндлэ́ гурувэндыр и бакрэ́ндыр, соб (кай) тэ кэрэ́л пир совла́х, ци пир паты́в, ци дрэ тумарэ́ свэ́нки, соб (кай) тэ кэрэ́н гудло́ тхув, лачхо́ Ра́скэ-Дэвлэ́скэ,

Čysly 9:13

а кон исын жужо́ и нанэ дро дром, и на кэрэ́ла Патради́, – хасёла дова́ ди пэ́скирэ манушэ́ндыр, пал-дова́ со ёв на яндя́ свэ́нто дыибэ́н Ра́скэ-Дэвлэ́скэ дрэ пэ́скиро часо: лыджа́ла пэ пэ́стэ грэ́хо одова́ ману́ш,

Čysly 9:7

и пхэндлэ́ лэ́скэ одолэ́ мануша́: “Амэ сам нажужэ́, со чиладямпэ кэ манушы́тка тру́пы; ваш со амэ́нгэ тэ на дас дова́, соб (кай) амэ тэ янас свэ́нто дыибэ́н Ра́скэ-Дэвлэ́скэ дрэ упхэндло́ часо машки́р Израилёскирэ чхавэ́ндэ?”

Левито 21:8

Высвэнцын лэн, пал-дова́ со ёнэ янэ́на маро́ тырэ́ Дэвлэ́скэ: мэк тэ явэ́н ёнэ ту́тэ свэ́нта, пал дова́ со Мэ сом свэ́нто Рай Дэвэ́л, Саво́ свэнцякирэла тумэн.

Левито 21:6

Лэ́нгэ трэй тэ явэ́н свэ́нта пэ́скирэ Дэвлэ́скэ, и лэ́нгэ нашты́ тэ тэлякирэн пэ́скирэ-Дэвлэ́скиро лав, пал-дова́ со ёнэ янэ́на Ра́скэ-Дэвлэ́скэ свэ́нто дыибэ́н (жэ́ртва) пэ яг, маро́ пэ́скирэ Дэвлэ́скэ, и палдава́ исын бангэ́ тэ явэ́н свэ́нта.

Левито 1:17

и пхагирэ́ла ла (чирикля́) дрэ ла́кирэ пхака́ (крылы), на отлыи лэн, и схачкирэ́ла ла раша́й пэ алта́рё, пэ кашта́, савэ́ исын пэ яг: дава́ исын цэ́ло схачкирибэ́н, свэ́нто дыибэ́н, гудло́ тхув, Ра́скэ-Дэвлэ́скэ.

Левито 1:13

а паша́ андрыпнастыр (букорэ) и ґэра́ выморэла пане́са, и саро́ янэ́ла раша́й, и пэ алта́рё схачкирэ́ла, дава́ исын цэ́ло схачкирибэ́н, свэ́нто дыибэ́н (жэ́ртва), гудло́ тхув, Ра́скэ-Дэвлэ́скэ.

Левито 1:9

а свэнтонэ́ дыибнаскирэ паша́ андрыпнастыр (букорэ) и ла́кирэ ґэра́ выморэла ёв пане́са, и схачкирэ́ла раша́й саро́ пэ алта́рё: дава́ исын цэ́ло схачкирибэ́н, свэ́нто дыибэ́н, гудло́ тхув Ра́скэ-Дэвлэ́скэ.

Vygiiben 29:18

и схачкир сарэ́ бакрэ́с пэ алта́рё. Дава́ исын цэ́ло схачкирибэ́н Ра́скэ-Дэвлэ́скэ, гудло́ тхув, свэ́нто дыибэ́н, Ра́скэ-Дэвлэ́скэ.

Vygiiben 23:15

дыкх (ракх) свэ́нко апреснокэнгиро: эфта́ дывэса́ ха пресно маро́, сыр Мэ ракирдём ту́кэ, дро упхэндло́ часо чхонэ́скиро Авиво; пал-дова́ со дро дава́ чхон ту выгиян Египто́стыр; и мэк тэ на явэ́н мануша́ анги́л Ма́ндэ чхучэ́ вастэ́нца;

Čysly 28:1

И пхэндя́ Рай Дэвэ́л Мойза́скэ, ракири́:

Е́здра 3:3

И ёнэ кэрдэ́ алта́рё пэ лэ́скиро фунда́менто пал доя́ дар, со сыс лэ́ндэ Наюдытконэ́ манушэ́ндыр долэ́ тхэмэндыр, и ёнэ лынэ́ тэ янэ́н цэ́ла схачкирибэна Ра́скэ-Дэвлэ́скэ, злокоскирэ и бэльвэлякирэ цэ́ла схачкирибэна.

Čysly 29:39

Янэ́н дава́ Ра́скэ-Дэвлэ́скэ дрэ тумарэ́ свэ́нки, упрэдыр долэндыр, со тумэ́ англэды́р яндлэ́, пир совэ́л, ци пир ило́, сарэ́ цэлонэ́ схачкирибнэндыр тумарэ́ и марунэ тумарэ́ яныбнастыр, и тумарэ́ вычхуибнастыр и мирнонэ свэнтонэ́ дыибна́стыр.”

1 Паралипоменоно 23:31

и пашы́л цэ́ло схачкирибэ́н, саво́ янэ́на Ра́скэ-Дэвлэ́скэ дрэ са́ваты (суботы), дрэ нэвэ чхона́ и пэ свэ́нки пир чыслы (гина́), сыр чхиндло́ пал лэ́ндэ, – саро́ часо анги́л Ра́скирэ-Дэвлэ́скиро муй,

2 Паралипоменоно 23:18

И допатяндыя Иодаё Ра́скирэ-Дэвлэ́скирэ Кхэрэскирэ рэ́нды рашангэ и Левитэ́нгэ, сыр лэн росчхудя́ пир бутя́ Дави́до дро Ра́скирэ-Дэвлэ́скиро Кхэр, тэ ґаздэ́н цэ́ло схачкирибэ́н Ра́скэ-Дэвлэ́скэ, сыр исын зачхиндло́ дро Мойза́скиро Зако́но, радыма́са и багаибнаса, пир Давидо́скиро упхэныбэ́н.

2 Паралипоменоно 31:3

И отдыя́ кра́ли пэ́скири паш барвалыпнастыр пэ цэ́ло схачкирибэ́н; пэ злокоскиро и бэльвэлякиро цэ́ло схачкирибэ́н, и пэ цэ́ло схачкирибэ́н дрэ са́ваты и дрэ нэво́ чхон, и пэ свэ́нки, сыр исын зачхиндло́ дрэ Ра́скирэ-Дэвлэ́скиро Зако́но.

Е́здра 3:2

Тэ́ньци уштыя́ Ёхошуа́ (Ису́со), чхаво́ Иоседекоскиро (Ёзадакоскиро), и пша́ла лэ́скирэ, рашая́, и Зоровавелё, чхаво́ Шолтилоскиро, и лэ́скирэ пша́ла, и кэрдэ́ алта́рё Израилёскирэ Дэвлэ́скэ, соб (кхай) тэ янэ́н цэ́ла схачкирибэна, сыр чхиндло́ дро Зако́но Мойза́скиро, саво́ сыс ману́ш Дэвлэ́скиро.

Ниеми́я 10:34

И чхурдыям амэ жре́биё, конэ́скэ тэ янэ́н кашта́: рашая́, Леви́ты и мануша́, ке́ли, и савэ́скэ амарэ́ родо́скэ дрэ упхэндло́ часо кажно бэрш, тэ янэс лэн кэ амарэскирэ-Дэвлэ́скиро Кхэр, соб (кай) ёнэ тэ хачон ваш амарэ́ Ра́скэ-Дэвлэ́скэ свэ́нто дыибэ́н, сыр исын зачхиндло́ дро Зако́но.

Езэкилё 45:17

А тхагарискиро бангипэн явэ́ла тэ дэл цэ́ло схачкирибнытко, маруно́ свэ́нто дыибэ́н, ёв явэ́ла тэ янэл тхадуно свэ́нто дыибэ́н пэ свэ́нки, дрэ нэвэ чхона́, дрэ са́ваты, дрэ сарэ́ Израилёскирэ-кхэрэ́скирэ бахталэ́ дывэса́. О тхага́ри исын банго́ тэ янэл свэ́нто дыибэ́н (жэ́ртва) пало́ грэ́хо, маруно́ свэ́нто дыибэ́н, цэ́ло схачкирибнытко парикирибнытко свэ́нто дыибэ́н ваш Израилёскирэ-кхэрэ́скиро жужипэн.