Čysly 27:21 - Библия - Пэ Балтитко Романи чиб (Романэс) 2019

²¹ и явэ́ла ёв тэ тэрдёл кэ Елиза́ро раша́й, и тэ пхучэл лэ́стыр пал лэ́стэ тэ дэл годыпэ́н лэ́скэ, Уримоскирэ сэндоса анги́л Растэ-Дэвлэ́стэ; и пир лэ́скиро лав бангэ́ исын ёнэ (мусинэна) тэ выджа́н, и пир лэ́скиро лав бангэ́ тэ заджа́н, ёв и сарэ́ Израилёскирэ чхавэ́ лэ́са, и саро́ скэдыибэ́н.”

Biblija - Pe Baltitko Romani čib (Romanes) 2019

²¹ i javéla jov te terdjol ke Jelizáro rašái, i te phučel léstyr pal léste te del godypén léske, Urimoskire sendosa angíl Raste-Devléste; i pir léskiro lav bangé isyn jone (musinena) te vydžán, i pir léskiro lav bangé te zadžán, jov i saré Izrailjoskire čhavé lésa, i saró skedyibén.”

Čysly 27:21 Referans Kwoze

1 Kralip 28:6

И пхуця́ Са́уло Ра́стыр-Дэвлэ́стыр; нэ Рай Дэвэ́л на отпхэндя́ лэ́скэ ни дро суно́, ни пирда́л уримо, ни пирда́л пророкэ́ндэ.

Isúso 9:14

Израильтя́ни лынэ́ лэ́нгиро маро́, а Ра́стыр-Дэвлэ́стыр на пхучнэ́.

Vygiiben 28:30

И чхув пэ наперстнико, соб (кай) тэ роспхандэл чачипэ́н Уримо и Тумимо, и ёнэ явэ́на пэ ило́ Аароностэ, ке́ли ёв явэ́ла тэ джал андрэ́ свэ́нто штэ́то анги́л муй Ра́скиро-Дэвлэ́скиро, и явэ́ла Ааро́но саро́ часо (цы́ро) тэ лыджа́л Израилёскирэ-чхавэ́нгиро сэ́ндо пашы́л пэ́скиро ило́ анги́л Ра́скиро-Дэвлэ́скиро муй.

Ниеми́я 7:65

И Тиршафо пхэндя́ лэ́нгэ, соб (кай) ёнэ тэ на хан сама свэ́нта хабэна анги́л дова́, сыр явэ́ла раша́й уримоса и тумимоса.

Е́здра 2:63

И о Тиршафа, барыдыро Персиякиро, пхэндя́ лэ́нгэ, соб (кай) ёнэ тэ на хан най свэ́нта яныбэна́ хабнастыр анги́л дова́, сыр тэ явэ́л раша́й Уримоса и Тумимоса (тэ мангэ́лпэ Дэвлэ́скэ пал лэ́ндэ).

1 Kralip 30:7

Нэ Дави́до скэдыя́ зор наде́яса пэ Растэ-Дэвлэ́стэ пэ́скирэ Дэвлэ́стэ, и пхэндя́ Дави́до Авиафароскэ раша́скэ, Ахимелехоскирэ чхавэ́скэ: “Ян ма́нгэ эфо́до.” И яндя́ Авиафаро эфо́до Дави́до.

1 Kralip 23:9

Ке́ли уджиндя́ Дави́до, со Са́уло задуминдя проти лэ́стэ фуипэ́н, то пхэндя́ раша́скэ Авиафароскэ: “Ян эфо́до.”

Сэндарьенгири Лылвари́ 20:23

И гинэ́ Израилёскирэ чхавэ́, и рондлэ́ анги́л Дэвлэ́стэ кэ бэльвэ́ль, и пхучнэпэ Дэвлэ́стыр: “Ци тэ тэрдёвав ма́нгэ буты́р дро марибэ́н Вениамино́скирэ чхавэ́нца, мирэ́ пшалэса?” Дэвэ́л пхэндя́: “Джа́н проти лэ́стэ.”

Сэндарьенгири Лылвари́ 20:18

И уштынэ́ и гинэ́ дро Дэвлэ́скиро Кхэр, и пхучнэпэ Дэвлэ́стыр, и пхэндлэ́ Израилёскирэ чхавэ́: “Кон тумэ́ндыр англэды́р джа́ла пэ марибэ́н Вениамино́скирэ чхавэ́нца?” И пхэндя́ Дэвэ́л: “О Юда джа́ла анги́л.”

Сэндарьенгири Лылвари́ 1:1

Сыр Ису́со (Ёхошуа́) мыя́, то Израилёскирэ чхавэ́ пхучэнас Ра́стыр-Дэвлэ́стыр, ракири́: “Кон амэ́ндыр англэды́р джа́ла пэ Хананеендэ – тэ марэ́лпэ лэ́нца?”

Яви́р Зако́но 33:8

И пал Левиёстэ пхэндя́: “Тэ явэ́л тумимо Тыро́ и уримо Тыро́ пэ свэнтонэ́ муршэстэ Тырэстэ, савэ́с Ту спробиндян дрэ Маса́ [Масса-ю.о.], савэ́са Ту лыджиян чинга́рд пашы́л Меривакирэ паня́,

Čysly 27:17

саво́ выджа́ла анги́л лэ́ндэ и саво́ заджа́ла анги́л лэ́ндэ, саво́ вылыджала лэн и саво́ янэ́ла лэн, соб (кай) тэ на ячэ́лпэ Ра́скирэ-Дэвлэ́скиро скэдыибэ́н, сыр бакрэ́, савэ́ндэ нанэ чхупнарис (пастухос).”

Левито 8:8

и чхудя́ пэ лэ́стэ наперстнико (жылетка), и пэ наперстнико чхудя́ Уримо и Тумимо,

Čysly 27:5

И яндя́ Мо́йза лэ́нгиро рэ́ндо (де́ло) анги́л Растэ-Дэвлэ́стэ.

Čysly 27:20

и дэ лэ́скэ тырэ́ славатыр, соб (кай) тэ шунэ́л лэс саро́ скэдыибэ́н Израилёскирэ чхавэ́ндыр;

Čysly 27:22

И кэрдя́ Мо́йза, сыр припхэндя́ лэ́скэ Рай Дэвэ́л, и лыя́ Исусо́с (Ёхошуас), и чхудя́ лэс анги́л Елизаростэ рашастэ и анги́л саро́ скэдыибэ́н;

1 Kralip 14:19

Са́уло ишчо (инкэ́) ракирдя́ кэ раша́й, сыр смятениё (конфузо) дро Филистимиякиро ста́но буты́р и буты́р розджаласпэ и бария. Тэды пхэндя́ Са́уло раша́скэ: “Счхув тырэ́ васта́.”

2 Kralip 21:1

Сыс бокх пэ пхув дрэ Давидо́скирэ дывэса́ трин бэрш, бэрш пал бэрш. И пхуцяпэ Дави́до Ра́стыр-Дэвлэ́стыр. И пхэндя́ Рай Дэвэ́л: “Дава́ исын пал Саулостэ и пал ратпибнаскиро лэ́скиро кхэр, пал-дова́, со ёв замардя́ Гаваонитянэн.”

Малахия 2:7

Пал-дова́ со рашаскирэ уштэнгэ трэй тэ приракхэн джиныбэ́н, соб (кай) мануша́ тэ родэ́н джиныбэ́н пал Дэвлэ́стэ лэ́скирэ уштэндыр; пал-дова́ со ёв исын звесь/заня́ – яныбнаскиро (вестнико), янголэ́нгирэ-болыбна́скирэ Ра́стыр-Дэвлэ́стыр.

Čysly 27:2

и тэрдинэ́ ёнэ анги́л Мойзастэ и анги́л Елизаростэ рашастэ, и анги́л тхагарьендэ и анги́л саро́ скэдыибэ́н, пашы́л загиибэ́н дрэ скэдыибна́скири ша́тра, и пхэндлэ́:

Яви́р Зако́но 31:3

О Рай Дэвэ́л, Дэвэ́л тыро́, Кокоро́ джа́ла анги́л ту́тэ, Ёв традэ́ла адалэ́ манушэ́н тырэ́ мо́стыр, и ту явэ́са тэ лэс лэн; Ису́со (Ёхошуа́) джа́ла анги́л ту́тэ, сыр ракирдя́ Рай Дэвэ́л;