Čysly 26:55 - Библия - Пэ Балтитко Романи чиб (Романэс) 2019

⁵⁵ Пир жре́биё трэй тэ роздэн пхув: пир лава́ лэ́нгирэ-дадэнги́рэ ро́дыцы ёнэ исын бангэ́ тэ дорэсэн пхув;

Biblija - Pe Baltitko Romani čib (Romanes) 2019

⁵⁵ Pir žriébijo trej te rozden phuv: pir lavá léngire-dadengíre ródycy jone isyn bangé te doresen phuv;

Čysly 26:55 Referans Kwoze

Čysly 34:13

И дыя́ припхэныбэ́н Мо́йза Израилёскирэ чхавэ́нгэ, и пхэндя́: “Ѓа́да, исын пхув, сави́ тумэ́ роздэна сыр мэкно́ миштыпэ́н пир жре́биё пир ме́ра, пал сави́ дыя́ лав Рай Дэвэ́л тэ дэл еня́ (биекхэ́скиро дэш) родыцэнгэ и пашэ́ родыцо́скэ;

Čysly 33:54

и роздэн пхув пир жре́биё сыр мэкно́ миштыпэ́н тумарэ́ кхэритконэ́ родэ́нгэ: ко́ли барэды́р, то ро́до дэн буты́р миштыпна́скири ме́ра, а тыкнэды́р ро́до, то дэ тыкнэды́р миштыпна́скири ме́ра; конэ́скэ кай выджа́ла, одо́й лэ́скэ и явэ́ла миштыпна́скири ме́ра; пир тумарэ́-дадэ́нгиро ро́до лэн пэ́скэ миштыпна́скири ме́ра;

Isúso 14:2

Пир жре́биё роздынэ ёнэ, сыр припхэндя́ Рай Дэвэ́л пир Мойзастэ, еня́ родыцэнгэ и пашакэ Манасия́скирэ родыцо́скэ.

Isúso 11:23

И адя́кэ лыя́ Ису́со сари́ пхув, сыр ракирдя́ Рай Дэвэ́л Мойза́скэ, и отдыя́ ла Исусо́скэ дрэ миштыпна́скири ме́ра Израильтянэнгэ, пир дова́, сыр пхув роскэрдяпэ машкира́л лэ́нгирэ ро́дыцы. И штылыя пхув марибнастыр.

Колосянэнгэ 1:12

парикири́ Дадэ́скэ, Саво́ кхардя́ тумэн кэ дуд кхэтанэ́ сарэ́ свэнтонэ́ манушэ́нца,

Apostolengiri Butý 1:26

И ёнэ чхурдынэ́ жре́биё, и жре́биё пыя́ пэ Матфеёстэ; и ёв сыс прилыно кэ дэшуекх Апо́столы.

Pritčy 18:18

Трэй тэ чхурдэ́н жре́биё, соб (кай) тэ тэрдёл (тэ пириячэл) чинга́рд, ке́ли зоралэ́ мануша́ камэ́на тэ пиризорьякирэн екх екхэ́с.

Pritčy 16:33

Жрэбиё чхурдэлапэ дрэ ангаля (полы), нэ кажно мо́ло саро́ кэрэ́лапэ Дэвлэ́скирэ годя́са.

Isúso 19:40

Дано́скирэ чхавэ́нгирэ родыцо́скэ, пир лэ́нгирэ кхэри́тка ро́ды, выгия́ эфта́то жре́биё;

Isúso 19:32

Шо́вто жре́биё выгия́ Нефалимоскирэ чхавэ́нгэ, Нефалимоскирэ чхавэ́нгэ пир лэ́нгирэ кхэри́тка ро́ды;

Isúso 19:24

Па́нджто жре́биё выгия́ Асироскирэ чхавэ́нгирэ родыцо́скэ, пир лэ́нгирэ кхэри́тка ро́ды;

Isúso 19:17

Шта́рто жре́биё выгия́ Исахароскэ, чхавэ́нгэ Исахароскирэнгэ, пир лэ́нгирэ кхэри́тка ро́ды (пле́ми);

Isúso 19:10

Три́то жре́биё выпыя Завулоноскирэ чхавэ́нгэ пир лэ́нгирэ кхэри́тка ро́ды, и тырдыяпэ лэ́нгирэ-миштыпнаскирэ меракири риг кэ Саридо;

Isúso 19:1

Яви́р жре́биё выгия́ Симеоноскэ, Симеоноскирэ-чхавэ́нгирэ родыцо́скэ, пир лэ́нгирэ кхэри́тка ро́ды (пле́ми); и сыс лэ́нгири миштыпна́скири ме́ра машки́р Юда́скирэ-чхавэнгири миштыпна́скири ме́ра.

Isúso 18:6

а тумэ́ росчхинэн пхув пэ эфта́ миштыпнаскирэ меры (паша́) и янэ́н ма́нгэ адари́к: мэ чхурдава тумэ́нгэ жре́биё ада́й анги́л Ра́скирэ-Дэвлэ́скиро, тумарэ́ Дэвлэ́скиро муй;

Isúso 17:14

Иосифо́скирэ (Ёза́скирэ) чхавэ́ ракирдэ́ Исусо́скэ и пхэндлэ́: “Со́скэ ту дыя́н ма́нгэ дрэ миштыпна́скири ме́ра екх жре́биё и екх участко, тэды сыр амэн бут мануша́, пал-дова́ со адя́кэ бахтякирдя́ ман Рай Дэвэ́л?

Čysly 26:56

пир жре́биё трэй лэ́нгэ тэ роздэн лэ́нгири пхув сыр мэкно́ миштыпэ́н, сыр бутэ́-манушэнгирэнгэ, адя́кэ и тыкнэ́-манушэнгирэнгэ.

Езэкилё 47:22

Роскэрэн (розделинэн) ла пиро́ жре́биё, соб (кай) тэ явэ́л дава́ тумаро́ мэкно́ миштыпэ́н явирэ – пхувьенгирэ манушэ́нгэ, савэ́ дживэ́на машки́р тумэ́ндэ, и савэ́ биянэна чхаворэ́н. Ёнэ исын бангэ́ тэ гинэнпэ машки́р Израилёскирэ чхавэ́ндэ сыр тумарэ́ мануша́, савэ́ дживэ́на, ёнэ заджа́на кхэтанэ́ тумэ́нца дрэ до́ля (бажын) машки́р Израилёскирэ ро́дыцы.

Čysly 36:2

и пхэндлэ́: “О Рай Дэвэ́л припхэндя́ амарэ́ ра́скэ тэ дэс пхув дрэ мэкнэ́-миштыпна́скири ме́ра Израилёскирэ чхавэ́нгэ пир жре́биё и амарэ́ ра́скэ пхэндло́ Ра́стыр-Дэвлэ́стыр тэ дэс миштыпна́скири ме́ра Салпаадоскири, амарэ́ пшалэскири, лэ́скирэ чхаенгэ;