Čysly 25:3 - Библия - Пэ Балтитко Романи чиб (Романэс) 2019

³ И прияця Израилё кэ Ваал-Фегоро. И захачи́я Ра́скирэ-Дэвлэ́скири холы́ пэ Израилё.

Biblija - Pe Baltitko Romani čib (Romanes) 2019

³ I prijacia Izrailjo ke Vaal-Fiegoro. I zahačíia Ráskire-Devléskiri xolý pe Izrailjo.

Čysly 25:3 Referans Kwoze

Osija 9:10

Мэ латхём тут, о Израиле, сы́рбы винаграды́тко (дракхитко) мура пэ чхучи́ (пусто) фэ́лда; Мэ дыкхцём тумарэ́ дадэн сы́рбы пэ́рва баритка (пло́ды) пэ инжыритко дрэ́во дро пэ́скиро пэ́рво сезоно. Нэ ке́ли ёнэ гинэ́ кэ Ваалфегоро, тэды ёнэ отдынэ́ пэс ладжаипнаскэ; ёнэ ячнэ́ джунгалэ́ сы́рбы и́долы, со ёнэ камлэ́.

Isúso 22:17

Нау́што на ухты́лла (на́доси) ваш тумэ́нгэ Фегороскиро чорипэ́н, савэ́стыр амэ на выжужакирдямпэ кэ дава́ дывэ́с, и пал саво́ сыс мэрибэ́н пэ Ра́скирэ-Дэвлэ́скиро скэдыибэ́н?

Ереме́ё 17:4

И тумэ́ кокорэ́ отдэна мэкно́ миштыпэ́н, саво́ Мэ отдыём тумэ́нгэ: и Мэ кэра́ва адя́кэ, со тумэ́ явэ́на тэ дынаринэ́н тумарэ́ вэргэ́нгэ пэ пхув, сави́ тумэ́ на джинэ́на: пал-дова́ со тумэ́ росхачкирдэ Мирэ́ – холякири яг; ёй явэ́ла тэ хачол пэ сарэ́ ве́ки.

Psalmy 90:11

Кон джинэ́ла Тырэ́-холякири зор? Кон уґалёла дар, со явэ́ла Тырэ́ холякирибнастыр?

Сэндарьенгири Лылвари́ 2:20

И захачи́я Ра́скирэ-Дэвлэ́скири холы́ пэ Израилё, и пхэндя́ Ёв: “Пал дова́, со адалэ́ мануша́ пириджана Миро завето, саво́ Мэ чхудём лэ́нгирэ дадэ́нца, и на шунэ́на Мири́ зан,

Сэндарьенгири Лылвари́ 2:14

И захачи́я Ра́скирэ-Дэвлэ́скири холы́ пэ Израилё, и отдыя́ лэн дрэ чорибнарьенгирэ васта́, и обчордэ лэн; и отдыя́ лэн дрэ вэргэ́нгирэ васта́, савэ́ сыс пашы́л лэ́ндэ, и на могиндлэ́ ёнэ буты́р тэ вырикирэн анги́л пэ́скирэ вэргэ́ндэ.

Čysly 25:5

И пхэндя́ Мо́йза Израилёскирэ сэндарьенгэ: “Кажно (сва́ко) тэ мулякирэ́л пэ́скирэ манушэ́н, савэ́ причхудэпэ кэ Ваало-Фегоро.”

Čysly 31:16

Акэ, ёнэ, пир Валаамоскиро годыпэ́н, сыс ваш Израилёскирэ чхавэ́нгэ лыджаибнаса тэ отджан Ра́стыр-Дэвлэ́стыр пир Фегоростэ, пал со и хасякирибэн сыс дро Ра́скирэ-Дэвлэ́скиро скэдыибэ́н;

Сэндарьенгири Лылвари́ 2:11

тэды Израилёскирэ чхавэ́ лынэ́ тэ кэрэ́н чорипэ́н анги́л якха́ Дэвлэ́скирэ, и лынэ́ тэ дынаринэ́н Вааламэнгэ;

Сэндарьенгири Лылвари́ 2:13

и ёнэ ячкирдэ́ Рас-Дэвлэ́с и лынэ́ тэ дынаринэ́н Ваалоскэ и Астартэнгэ.

Osija 4:14

Мэ на ява́ва пхарэ́с тэ сэндякирав лэ́нгирэ чхае́н, ко́ли ёнэ кэрэ́на биладжаипэ́н и лэ́нгирэ борьен, ко́ли ёнэ камэ́на явирэ муршэ́н, пал-дова́ со лэ́нгирэ мурша́ кокорэ́ кхэтанякирэнапэ налачхэ́ джувле́нца, и ёнэ янэ́на свэ́нта дыибэна́ биладжакунэ́ джувле́нца, а мануша́, савэ́ на джинэ́на бут, хасёна.