Čysly 23:21 - Библия - Пэ Балтитко Романи чиб (Романэс) 2019

²¹ Нанэ дыкхно чорипэ́н дрэ Яковостэ, и нанэ бицялы би́да дро Израилё; лэ́скиро Рай Дэвэ́л, исын лэ́са, и трубитко зан лэ́стэ, сыр крали́стэ;

Biblija - Pe Baltitko Romani čib (Romanes) 2019

²¹ Nane dykhno čoripén dre Jakovoste, i nane bicialy bída dro Izrailjo; léskiro Raj Devél, isyn lésa, i trubitko zan léste, syr kralíste;

Čysly 23:21 Referans Kwoze

Psalmy 23:4

Мэк мэ джа́ва пир до́ло дара́са кэ мэрибэ́н, мэ на страхадёвава чорипна́стыр, пал-дова́ со Ту сан ма́нца: Тыро́ кашт и Тыро́ дэсто́-ёнэ подрикирэна ман.

Матфеё 1:23

“Акэ, патывалы́ тэрны́ джувлы́ явэ́ла пхари́, и биянэ́ла Чхавэ́с, и Лэ́скиро лав явэ́ла Эмануило” (со значынэ́ла: “Дэвэ́л исын амэ́нца”).

Ереме́ё 50:20

Дро долэ́ дывэса́ и дро дова́ часо’, – ракирэ́ла Рай Дэвэ́л, – ‘явэ́на тэ родэ́н чорипэ́н дро Израилё, нэ нисо́ на латхэ́на, и явэ́на тэ родэ́н грэ́хи Юдастэ, нэ ёнэ ничы́ на латхэ́на, нэ Мэ отмэка́ва банг кодолэ́нгэ, савэ́н Мэ ячкирава джидэнца (ракхава тэ дживэ́н).’

Isajos 38:17

Акэ, сыклыём мирэ́ бидатыр, Ту зракхця́н миро ило́ хасибнастыр, Ту чхурдыян пал Пэ́скиро думо мирэ́ грэ́хи.

Psalmy 46:11

Явэ́н штыл и уджинэ́н: со мэ сом Дэвэ́л. Ман явэ́на тэ барьякирэ́н кэ вучипэ́н на́цыи, Ман явэ́на тэ барьякирэ́н кэ вучипэ́н сарэ́, кон исын пэ пхув.

Isajos 33:22

Пал-дова́ со Рай Дэвэ́л исын амаро́ Сэнда́ри, Рай Дэвэ́л дэ́ла амэ́нгэ Зако́но, Рай Дэвэ́л исын амаро́ Кра́ли, Ёв зракхэ́ла амэн.

Isajos 8:10

Задуминэн вари-со тэ кэрэ́н, нэ задуминыбэн роспхагирэлапэ, ракирэ́н лав, нэ ничи́ на выджа́ла далэ́стыр, пал-дова́ со Дэвэ́л исын амэ́нца!”

Isajos 1:18

“Тэ́ньци явэ́н, ява́са тэ сэндякирас (тэ роскэдаспэ),” – ракирэ́ла Рай Дэвэ́л. “Ко́ли явэ́на тумарэ́ грэ́хи лолэ́, сыр рат, ячэ́на парнэ́, сыр ив, ко́ли явэ́на лолэ́, сыр яг ячэ́на парнэ́, сыр вы́лна (шэрсь) Мэ парнякирава.

Римлянэнгэ 6:14

Пал-дова́ со грэ́хо на явэ́ла буты́р пэ тумэ́ндэ тэ хулаинэ́л: пал-дова́ со тумэ́ какана́ сан на тэл Зако́но, а тэл бахталыпэ́н.

Isajos 41:10

На дар, пал-дова́ со Мэ сом ту́са: на нашадёв дро ду́хо (фа́но), пал-дова́ со Мэ сом Дэвэ́л тыро́. Мэ ява́ва тэ зорьякирав тут, и, Мэ подава васт ту́кэ, Мэ подрикирава тут Мирэ́ чачипнаскирэ чачэ́ вастэ́са.”

Psalmy 118:15

Шунэ́н заня́ радыма́са пал зракхибэ́н дрэ ша́тры, кай исын Дэвлэ́скирэ мануша́.

Psalmy 97:1

Рай Дэвэ́л кралинэла: мэк тэ радынэ́лпэ пхув, мэк тэ радынэ́нпэ бут бут островы (джипа́).

Яви́р Зако́но 33:5

И ёв сыс Израилёскиро кра́ли, ке́ли скэдэнаспэ манушэ́нгирэ барыдыра́ кхэтанэ́ Израилёскирэ родыцэнца.

Езэкилё 48:35

Саро́ трусця́л (кругом) исын дэшуохто тысёнцы дэстэ́. А форитко лав долэ́ дывэсэ́стыр явэ́ла: “О Рай Дэвэ́л исын одо́й”!

Psalmy 103:12

Ада́кицы дур исын чачэ́ рига́тыр кэ зэ́рво (ле́во) риг пэ пхув, ада́кицы-паць дур ёв чхувэ́ла криг амарэ́ грэ́хи.

Psalmy 46:7

На́цыи росхолясынэ, кралипэна́ кхардэпэ криг (згинэ) штэто́стыр, а Дэвэ́л пхэндя́ Пэ́скирэ заня́са и пхув биладыя.

Psalmy 32:5

Мэ приґалыём пэ́скиро грэ́хо анги́л Ту́тэ, и Мэ на гарадём пэ́скиро чорипэ́н Ту́тыр. Мэ пхэндём: “Мэ ява́ва тэ приґалёвавпэ анги́л Растэ-Дэвлэ́стэ; ке́ли мэ пхагирава Лэ́скиро Зако́но”, и Ту отмэкэса мирэ́-грэхоскиро чорипэ́н. Сэ́ла.

Psalmy 32:2

Бахтало́ исын ману́ш, конэ́скэ Рай Дэвэ́л на загинэла лэ́скиро фуипэ́н, конэ́стэ нанэ хараныпэ́н (жэ́лучо) пэ ило́.

2 Паралипоменоно 13:12

И, акэ, амэ́ндэ дрэ шэралыпэн исын Дэвэ́л, и Лэ́скирэ рашая́, и ро́ги (трубы) исын зоралэзанякирэ, соб (кай) тэ дэн го́дла проти тумэ́ндэ. Чхавэ́ Израилёскирэ! На марэ́нпэ Ра́са-Дэвлэ́са, тумарэ́-дадэнги́рэ Дэвлэ́са; пал-дова́ со тумэ́ адя́кэ на дорэсэ́на лачхипэ́н.”

Сэндарьенгири Лылвари́ 6:13

Гедео́но пхэндя́ лэ́скэ: “Раё миро! Ко́ли Рай Дэвэ́л тэ явэ́л амэ́нца, тэды со́стыр латхя́ амэн саро́ дава́? И кай сарэ́ Лэ́скирэ ди́вы, пал савэ́ндэ роспхэндлэ́ амэ́нгэ амарэ́ дада́, ракири́: “Египто́стыр вылыджия́ амэн Рай Дэвэ́л? Какана́ ячкирдя́ амэн Рай Дэвэ́л и отдыя́ амэн Мадианитянэнгэ дрэ васта́.”

Vygiiben 34:9

и пхэндя́: “Ко́ли тэ явэ́л ла́ска ваш ма́нгэ дрэ Тырэ́ якха́, Раё Баро́, тэды мэк тэ джал Рай Баро́ машки́р амэ́ндэ; пал-дова́ со адалэ́ мануша́ исын пхарэ́-шэритка. Отмэк амаро́ чорипэ́н и грэ́хи амарэ́, и кэр амэн Тырэ́ прилыибнаскирэнца (наследникэнца) ваш Тыро́ мэкно́ миштыпэ́н.”

Vygiiben 13:21

Рай Дэвэ́л гия́ анги́л лэ́ндэ дывэсэ́ дрэ сты́лбо облокоскиро, сыкадя́ лэ́нгэ дром, а ратя́киро дро сты́лбо ягакиро, свэнцындя лэ́нгэ, соб (кай) лэ́нгэ тэ джа́н дывэсэ́ и раты́.

2 Коринфянэнгэ 6:16

Саво́ кхэтаныпэн исын машки́р Дэвлэ́скири кхангири́ и идолэ́нгирэ – мангипны́тко кхэр? Пал-дова́ со тумэ́ сан кхангири́ джидэ́ Дэвлэ́скири, сыр Дэвэ́л Кокоро́ пхэндя́: “Мэ ява́ва тэ джива́в машки́р лэ́ндэ и Мэ ява́ва тэ псирав машки́р лэ́ндэ. И Мэ ява́ва лэ́нгиро Дэвэ́л, и ёнэ явэ́на Мирэ́ мануша́.”

2 Коринфянэнгэ 5:19

пал-дова́ со Дэвэ́л пир Христосо́стэ примириндя свэ́то Пэ́са и примангдя лэ́нгирэ грэ́хи, и Ёв чхудя́ дро амаро́ ило́ лав, соб (кай) амэ тэ ячас Лэ́скэ рахманонэ манушэ́нца.

2 Коринфянэнгэ 2:14

Нэ парик Дэвлэ́скэ, Саво́ ўса́ды (сак) лыджа́ла вучэ́с амэн дро екхипэ́н Христосо́са и пиридэла пир амэ́ндэ джиныбэ́н пал Христосо́стэ, саво́ амэ сунгаса (сунгаваса) сыр гудло́ кхандыпэн.

Римлянэнгэ 8:1

Тэды, нанэ какана́ нисаво́ обракирибэн ваш одолэ́нгэ, савэ́ дживэ́на дрэ Исусо́стэ Христосо́стэ на пир лоч (плоть), а пир Ду́хо (Фа́но).

Isajos 12:6

Яв лошалы (весёло), ра́дынпэ, манушны Сионо́стыр, пал-дова́ со баро́ исын машки́р ту́тэ Свэ́нто Израилёскиро.”

Vygiiben 3:12

И пхэндя́ Дэвэ́л: “Мэ ява́ва ту́са, и, ґа́да, ту́кэ явэ́ла допхэныбэ́н, со Мэ бичхадём тут: ке́ли ту вылыджаса Египто́стыр манушэ́н, то тумэ́ кэрэ́н мангипэ́н Дэвлэ́скэ пэ дая́ бэ́рга.”

Čysly 14:18

“О Рай Дэвэ́л ґара́ (длу́гэс) ужакирэ́ла и Ёв исын бутэ́-тангипнаскиро, Саво́ отмэкэ́ла грэ́хи и чорипэ́н, и Ёв на ячкирэ́ла би отпхэныбнаскиро, нэ Ёв чхувэ́ла ка́ра пал дадэ́нгиро чорипэ́н пэ чхавэ́ндэ кэ три́то и шта́рто ро́до.

Čysly 14:19

Отмэк грэ́хо адалэ́ манушэ́нгэ пир Тыри́ бари ла́ска, сыр Ту примангдян адалэ́ манушэ́нгэ Египто́стыр кэ далэ́ дывэса́.”

Яви́р Зако́но 9:24

Тумэ́ на кандынэ́ Рас-Дэвлэ́с долэ́-паць дывэсэ́стыр, сыр мэ яцём тэ джина́в тумэн.

Яви́р Зако́но 31:23

И припхэндя́ Рай Дэвэ́л Исусо́скэ (Ёхошуаскэ), Навиноскирэ чхавэ́скэ, и пхэндя́ лэ́скэ: “Яв зоралэ́-волякиро и муршкано́; пал-дова́ со ту залыджаса Израилёскирэ чхавэ́н пэ пхув, пал сави́ Мэ совлахадём лэ́нгэ, и Мэ ява́ва ту́са.”

Яви́р Зако́но 32:5

Нэ ёнэ розмэкнэпэ анги́л Лэ́стэ, ёнэ нанэ Лэ́скирэ чхавэ́ пир пэ́скирэ доша, ро́до лэ́нгиро исын бунтуи́тко и розмэкно.

Левито 9:24

И выгия́ яг Ра́стыр-Дэвлэ́стыр и схачкирдя́ пэ цэлонэ́-схачкирибнаскиро алта́рё и чэкэ́н; и дыкхнэ́ сарэ́ мануша́, и дынэ́ го́дла радыма́тыр, и пынэ́ пэ пэ́скирэ муя́.

Čysly 9:22

ці, ко́ли дуй дывэса́, ци чхон, ци вари-кицы́ дывэса́ сыс тэрдо́ о́блоко пэ ша́тра, то тэды и Израилёскирэ чхавэ́ сыс тэрдэ́ и на джа́нас дро дром; а ке́ли ёв ґаздэласпэ, тэды и ёнэ джа́нас.

Čysly 16:3

И скэдынэ́пэ проти Мойзастэ и Аароностэ, и пхэндлэ́ лэ́нгэ: “Ухты́лла (до́си) тумэ́нгэ, саро́ скэдыибэ́н, сарэ́ мануша́ исын свэ́нта, и машки́р лэ́ндэ исын Рай Дэвэ́л! Со́скэ тумэ́ ґаздэ́на пэс вучэды́р Ра́скирэ-Дэвлэ́скирэ манушэ́ндыр?”

1 Kralip 25:28

Приманг (простин) банг тырэ́ дынарицакири; Рай Дэвэ́л усае́кх кэрэ́ла мирэ́ хула́скэ зорало́ кхэр, пал-дова́ со Ра́скирэ-Дэвлэ́скирэ марибэна лыджа́ла миро хула́й, и холы́ на латхэлапэ дро ту́тэ дро саро́ тыро́ джиибэ́н.

Psalmy 99:2

Рай Дэвэ́л исын баро́ пэ Сио́но и Ёв исын вучэды́р сарэ́ манушытконэ́ нацые́ндыр.

Psalmy 135:21

Тэ вышарэн и тэ парикирэ́н Ра́скэ-Дэвлэ́скэ Сионо́стыр, Саво́ дживэ́ла кэ Ерусалимо! Аллилуя!

Isajos 33:21

Одо́й явэ́ла кэ амэ баро́ Рай Дэвэ́л сыр рэ́ки (лэня́), сыр пани́: одори́к на затрадэла ни екх бари па́рма (кораблё).

Ioil 2:27

И тумэ́ явэ́на тэ джинэ́н, со Мэ сом машки́р Израилё и со Мэ сом Рай Дэвэ́л, тумаро́ Дэвэ́л, и буты́р нанэ явирэ Дэвлэ́с. Мирэ́ манушэ́н буты́р ние́кхвар на ладжакирэна.