Čysly 23:19 - Библия - Пэ Балтитко Романи чиб (Романэс) 2019

¹⁹ Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Biblija - Pe Baltitko Romani čib (Romanes) 2019

¹⁹ Devél isyn na manúš, sob (kaj) Léske te xohavél, i Jov na Manušéskiro čhavó, sob (kaj) Léske te paruvelpe. Ci Jov phenéla, i na skerela? Javéla te rakirél, i na keréla ke kónco/ke jagóro (na spolninela)?

Čysly 23:19 Referans Kwoze

1 Kralip 15:29

и на пхэнэ́ла начачипэ́н, и на покаинэлапэ чачуно́ Израилё; пал-дова́ со Ёв исын на ману́ш, соб (кай) тэ покаинэлпэ Лэ́скэ.”

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

Малахия 3:6

“Пал-дова́ со Мэ, Рай Дэвэ́л, на парудёвава, палдава́ тумэ́, чхавэ́ Яково́скирэ, на хасинэ́.

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

Римлянэнгэ 11:29

Дэвлэ́скирэ таланы и Лэ́скиро прикхарибэн на парудёна.

Luka 21:33

Болыбэ́н и пхув проджа́на, а лава́ Мирэ́ на проджа́на (накхэна).

Avakumo 2:3

Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

Psalmy 89:35

Мэ на пхагирава Миро завето, Мэ на парувава дова́, со выгия́ Мирэ́ мо́стыр.

Osija 11:9

Мэ на ява́ва тэ кэра́в пир саро́ зоралыпэ́н Мирэ́ холынакиро, Мэ на ява́ва тэ хасякира́в Ефремос. Пал-дова́ со Мэ сом Дэвэ́л, а на ману́ш, Екх Свэ́нто машки́р тумэ́ндэ; и Мэ на ява́ва трашаса дро фо́ро.

Mihiejo 7:20

Ту сыкавэса чачипэ́н Яково́скэ, и ла́ска Авраамо́скэ (Абрамоскэ), пал со Ту совлахадян амарэ́ дадэ́нгэ дрэ дывэса́ ґаратунэ́.

1 Паралипоменоно 17:17

Нэ и дава́ ишчо (инкэ́) на́бут сыкадыя́ дрэ Тырэ́ якха́, Дэ́вла; Ту ракирэ́са пал кхэр Тырэ́-писхарискиро дура́л, и дыкхэ́са пэ ма́ндэ, сыр пэ барэ́ манушэ́стэ, Раё Дэ́вла! Дэ́вла!

Римлянэнгэ 9:6

Нэ адя́кэ дава́ на могинэ́ла тэ явэ́л, соб (кай) Дэвлэ́скиро лав тэ хасякирэ́л зор; пал-дова́ со на сарэ́ мануша́, савэ́ дживэ́на кэ Израилё, исын Дэвлэ́скирэ мануша́;

2 Ximaske 2:13

ко́ли амэ на сам патяибнытка, Ёв ячэ́лпэ патяибны́тко, пал-дова́ со Ёв на могинэ́ла тэ отпхэнэлпэ Кокоро́ Пэ́стыр.”

Юдэ́нгэ 7:21

пал-дова́ со сарэ́ яви́р рашая́ ячнэ́ тэ кэрэ́н Дэвлэ́скири буты́ би совлахакиро, а Христо́со яця́ Раша́са (яця́ Раша́й) пир Дэвлэ́скири совла́х, пал-дова́ со пал Лэ́стэ исын пхэндло́: “Рай Дэвэ́л совлахадя́, и Ёв на дэ́лапэ палэ: “Ту сан раша́й пэ сарэ́ ве́ки””,

Jakov 4:5

Со тумэ́ думинэ́на, хай, Свэ́нто Чхиныбэ́н ракирэ́ла ивья́ лава́: “Ду́хо (Фа́но), Саво́ дживэ́ла дрэ амэ́ндэ, кэрэ́ла пэ́скэ, соб (кай) амэ фэ́ни тэ явас Лэ́скирэ?”

Džiibén 28:15

и ґа́да, Мэ сом ту́са, и Мэ зракха́ва тут, кай бы ту тэ на явэс, карик бы ту тэ на джас; и Мэ рискира́ва тут пэ дая́ пхув, Мэ на ячкирава тут, пака Мэ кэра́ва саро́ пир дова́, со Мэ ту́кэ пхэндём.”

Čysly 14:35

Мэ, Рай Дэвэ́л, ракира́ва, и кэра́ва адя́кэ сарэ́ адалэ́ холямэ́ манушэ́нца, савэ́ ґаздынээпэ проти Ма́ндэ: пэ дая́ чхучи́ пхув сарэ́ ёнэ хасёна и вымэрэна.”

Čysly 23:18

Ёв выпхэндя пэ́скиро приме́ро (притча) и пхэндя́: “Ушты́, Вала́ко, Сепфорооскиро чхаво́, шун и зарипир ман.

Psalmy 89:34

Нэ мэ на лава́ криг Мири́ лачхэ́-илы́ткима Давидостыр и Мэ на домэкава, соб (кай) миро патяибэ́н тэ хасёл;

Psalmy 110:4

Рай Дэвэ́л совлахадя́, и Ёв наявэла тэ тангинэ́л (на пожалинэла): “Ту сан раша́й пэ сарэ́ ве́ки, дасаво-паць сыр Мелхисэдэко.”

Isajos 21:17

И ячэ́лапэ на́бут (куты́) курталы надаранэ Кидароскирэ чхавэ́ндэ; адя́кэ пхэндя́ Рай Дэвэ́л, Дэвэ́л Израилёскиро.”

Isajos 31:2

Нэ Ёв исын са́мо годьваро́, и янэ́ла биба́хт (би́да), и Ёв на отпарувэла Пэ́скирэ лава́; ґаздэ́лапэ пэ грэхитконэ́-манушэ́нгиро кхэр, пэ подрикирибэ́н одолэнгиро, кон кэрэ́ла грэ́хи.

Isajos 40:8

Чар зашутёла, лулуди́ зашутёла, а лав амарэ́ Ра́скирэ-Дэвлэ́скиро ячэ́лапэ ве́чнэс.”

Isajos 46:11

Мэ кхардём орло́с (кидо́с) вастоко́стыр; дуратунэ́ рига́тыр Мэ кхардём одолэ́с, кон кэрэ́ла пир Миро припхэныбэ́н. Мэ пхэндём и кэра́ва кэ ко́нцо (яго́ро); ангилпхэндём и явэ́ла адя́кэ.

Isajos 55:11

адя́кэ и лав Миро, саво́ выджа́ла Мирэ́ уштэндыр, – ёв на рисёла кэ Мэ палэ нисоса, нэ кэрэ́ла дова́, со Ма́нгэ трэй пир Мири́ во́ля, и кэрэ́ла дова́, ваш со Мэ бичхадём лэс.

Ереме́ё 4:28

Далэ́стыр пхув явэ́ла тэ тугинэл зоралэ́с, и болыбэ́н упра́л явэ́ла кало́, пал-дова́ со Мэ, Рай Дэвэ́л пхэндём дава́, Мэ чхудём дрэ годы́ дава́; Мэ на ковлёвава, Мэ на рисёва́ва палэ.

Дание́лё 4:28

[31] И ишчо (инкэ́) сыс дро вушта крали́скирэ, сыр сыс зан болыбна́стыр: “Ту́кэ ракирлапэ, кра́лё Навуходоносо́ро: тыро́ кралипэ́н отгия́ ту́тыр!

Džiibén 26:3

Псир пир сари́ пхув, и Мэ ява́ва ту́са, и бахтякирава тут, пал-дова́ со ту́кэ и тырэ́ родо́скэ Мэ да́ва сари́ дая́ пхув, и Мэ рикирава совла́х, савья́са Мэ совлахадём Авраамо́скэ, тырэ́ дадэ́скэ;

Isúso 21:45

На яця́пэ ние́кх лав, саво́ на кэрдя́пэ чачипна́са сарэ́ лачхэ́ лавэ́ндыр, савэ́ Рай Дэвэ́л ракирдя́ Израилёскирэ кхэрэ́скэ; саро́ кэрдя́пэ кэ ко́нцо (кэ яго́ро) (сполниндяпэ).

1 Kralip 3:12

дро дова́ дывэ́с Мэ кэра́ва пэ Илиёстэ саро́ дова́, со Мэ ракирдём пал лэ́скиро кхэр; Мэ ла́ва и кэра́ва;

3 Kralip 14:11

Кон мэрэ́ла Еровоамостэ дрэ фо́ро, одолэ́с схана джукэла, а кон мэрэ́ла пэ фэ́лда, одолэ́с доклюинэна чирикля́ болыбна́скирэ; адя́кэ пхэндя́ Рай Дэвэ́л.’

4 Kralip 7:2

И отпхэндя́ тхагарискиро-ману́ш, пэ васт савэскиро кра́ли чхудя́ кунь, Дэвлэ́скирэ манушэ́скэ, и пхэндя́: “Ко́ли бы Дэвэ́л и тэ отчхакирэл фэнштры пэ болыбэ́н, и тэды, ци могинэ́ла дава́ тэ явэ́л?” И пхэндя́ одова́: “Ѓа́да, дыкхэ́са тырэ́ якхэ́нца, нэ тэ хас дава́ на явэ́са.”

4 Kralip 15:12

Дасаво сыс лав Ра́скирэ-Дэвлэ́скиро, саво́ ёв пхэндя́ Ииуёскэ, пхэни́: “Тырэ́ чхавэ́ кэ шта́рто ро́до явэ́на тэ бэшэ́н пэ Израилёскиро троно.” И сыс адя́кэ.

Psalmy 77:9

Ци Лэ́скири лачхэ́-илы́ткима кончындяпэ? Ци лэ́скиро пхэндло́ лав на явэ́ла буты́р кэ амэ?

Psalmy 132:11

Ту совлахадян чачипна́са Давидо́скэ, со Ту на рисёса криг Лэ́стыр: “Мэ чхува́ва пэ троно Тырэ́ чхавэ́с.