Čysly 22:5 - Библия - Пэ Балтитко Романи чиб (Романэс) 2019

⁵ И бичхадя́ ёв манушэ́н кэ Валаа́мо, Веороскиро чхаво́, дро Пефоро, саво́ исын пэ рэка (лэнь) Евфрато, пэ пхув лэ́скирэ манушэ́нгирэ-чхавэнгири, соб (кай) тэ кхарэл лэс и тэ пхэнэ́л. “Ѓа́да, мануша́, савэ́ выгинэ́ Египто́стыр, и зачхакирдэ пхувья́киро муй, и дживэ́на ёнэ на́дур ма́ндыр;

Biblija - Pe Baltitko Romani čib (Romanes) 2019

⁵ I bičhadiá jov manušén ke Valaámo, Vieoroskiro čhavó, dro Pieforo, savó isyn pe reka (len') Jevfrato, pe phuv léskire manušéngire-čhavengiri, sob (kaj) te kharel les i te phenél. “Ĥáda, manušá, savé vyginé Jegiptóstyr, i začhakirde phuvjákiro muj, i dživéna jone nádur mándyr;

Čysly 22:5 Referans Kwoze

Яви́р Зако́но 23:4

палдава́ со ёнэ на стрэниндлэ тумэн марэ́са и пане́са пэ дром, ке́ли тумэ́ гинэ́ Египто́стыр, и палдава́ со ёнэ лынэ́ проти тумэ́ндэ Валаамос, Веороскирэ чхавэ́с, Пефоростыр Месопотамиякирэстыр, соб (кай) ёв тэ прокошэл тут;

Mihiejo 6:5

О Мирэ́ мануша́лэ! Пририпирэн акана́, сыр о Вала́ко, кра́ли Моавитоскиро, придуминэлас чорипэ́н, и со отпхэнэ́лас лэ́скэ Валаа́мо, чхаво́ Веороскиро, и со кэрдя́пэ пэ маля (степи) машки́р Ситимо и Галга́ло, соб (кай) тумэ́ могинэ́нас сашты́ тэ уджинэ́н чачипэ́н Ра́скирэ-Дэвлэ́скиро.”

Isúso 24:9

Газдыяпэ о Вала́ко, Сепфороскиро чхаво́ Моавоскиро кра́ли, и гия́ марибна́са пэ Израилё, и бичхадя́ и кхардя́ Валаамос, Веоровоскирэ чхавэ́с, соб (кай) ёв тэ прокошэл тумэн;

Juda 1:11

Бида лэ́нгэ! Пал-дова́ со ёнэ гинэ́ Каиноскирэ дромэ́са и пал барвалыпэ́н ёнэ кокорэ́ отдынэ́ пэс грэхоскэ, сыр Валамо и ёнэ мэрэ́на дро бу́нто, сыр Кареё.

Sykadyipén 2:14

Нэ ма́ндэ исын вари-со проти ту́тэ; ту́тэ исын кадасавэ́ мануша́, савэ́ рикирэнапэ пал Валаамоскиро сыклякирибэ́н, саво́ сыклякирдя́ Валакос тэ чхурдэл бар пэ дром тэ обштавэлпэ анги́л Израилёскирэ чхавэ́ндэ, соб (кай) ёнэ тэ хан свэ́нто дыибэ́н идолэ́нгэ и тэ дживэ́н джувле́нца би сэвлакиро.

Isúso 13:22

адя́кэ-паць Валаамос, Веороскирэ чхавэ́с, зумакирибнаскирэс, замардэ́ Израилёскирэ чхавэ́ куртала́са кхэтанэ́ дрэ гиныбэ́н, кицы́ ёнэ замардэ́.

Čysly 23:7

И проракирдя ёв пэ́скири притча и пхэндя́: “Месопотамиятыр, яндя́ ман о Вала́ко, Моавоскиро кра́ли, васточнонэ бэргэндыр: ‘яв, прокош ма́нгэ Яково́с, яв, кэр фуипэ́н пэ Израилё!’

Psalmy 105:24

И Дэвэ́л дыя́ бут чхавэ́н лэ́скирэ манушэ́нгэ, и Ёв кэрдя́ адя́кэ, со ёнэ ячнэ́ зоралэды́р пэ́скирэ вэргэ́ндыр.

Džiibén 13:16

и созда́ва Мэ тырэ́ родо́стыр бут бут манушэ́н, сыр пхувья́киро пра́хо; ко́ли вари-кон сашты́ (могинэ́ла) тэ пиригинэл пхувья́киро пра́хо, тэды и ро́до тыро́ явэ́ла згиндло;

Vygiiben 10:15

ёнэ учхакирдэ сари́ пхув адя́кэ, со пхув на сыс бицялы, и выханэ сари́ пхувья́кири чар и сарэ́ вышэскирэ барьякирдэ́ (пло́ды), савэ́ ячнэ́пэ градостыр, и на яця́пэ ни саво́ зэлэныбэн ни дрэ вэша́, ни пэ фэлдытко чар пэ сари́ Египто́скири пхув.

Čysly 31:8

и кхэтанэ́ лэ́нгирэ замардэнца ёнэ мулякикирдэ Мадиамоскирэ кралье́н: Евиёс, Рекемас, Цурас, Хурас и Ревас, панджэ́ Мадиамоскирэ кралье́н, и Валаамос, Веороскирэ чхавэ́с, замардэ́ куртала́са;

Яви́р Зако́но 23:5

нэ Рай Дэвэ́л, Дэвэ́л тыро́, на закамдя́ тэ шунэ́л Валаамос, и обрискирдя Рай Дэвэ́л, Дэвэ́л тыро́ лэ́скиро прокошыбэ́н дро бахтякирибэ́н ту́кэ, пал-дова́ со ту сан дро́го Ра́скэ Дэвлэ́скэ, тырэ́ Дэвлэ́скэ.