Čysly 22:34 - Библия - Пэ Балтитко Романи чиб (Романэс) 2019

³⁴ И пхэндя́ Валаа́мо Ра́скирэ-Дэвлэ́скирэ Янголоскэ: “Мэ кэрдём грэ́хо, пал-дова́ со Мэ на джиндём, со Ту тэрдо́ проти ма́ндэ пэ дром; и адя́кэ, ко́ли дават исын накуч дрэ Тырэ́ якха́, тэды мэ рисёва́ва.”

Biblija - Pe Baltitko Romani čib (Romanes) 2019

³⁴ I phendiá Valaámo Ráskire-Devléskire Jangoloske: “Me kerdjom grého, pal-dová so Me na džindjom, so Tu terdó proti mánde pe drom; i adiáke, kóli davat isyn nakuč dre Tyré jakhá, tedy me risjováva.”

Čysly 22:34 Referans Kwoze

2 Kralip 12:13

И пхэндя́ Дави́до Нафаноскэ: “Кэрдём мэ грэ́хо анги́л Растэ-Дэвлэ́стэ.” И пхэндя́ Нафано Давидо́скэ: “И Рай Дэвэ́л злыя́ ту́тыр грэ́хо тыро́, ту на мэрэ́са;

1 Kralip 15:24

И пхэндя́ Са́уло Самуилоскэ: “Кэрдём мэ грэ́хо, пал-дова́ со пхагирдём Ра́скирэ-Дэвлэ́скиро припхэныбэ́н и тыро́ лав; нэ мэ дарандыём манушэ́ндыр и шундём лэ́нгири зан;

1 Kralip 26:21

И пхэндя́ Са́уло: “Кэрдём грэ́хо мэ; рисёв, миро чхаво́ Дави́до, пал-дова́ со мэ на ява́ва буты́р тэ кэра́в ту́кэ фуипэ́н, пал-дова́ со ди миро сыс дро́го какана́ дро тырэ́ якха́; дылынэс кэрдём мэ, и древа́н бут кэрдём грэ́хо.”

1 Kralip 15:30

И пхэндя́ Са́уло: “Мэ кэрдём грэ́хо, нэ сыка́в паты́в ма́нгэ какана́ анги́л мирэ́ манушэ́нгирэ пхурыдырэндэ и анги́л Израилё, и рисёв ма́нца, и мэ да́ва паты́в Ра́скэ-Дэвлэ́скэ, тырэ́ Дэвлэ́скэ.”

Pritčy 24:18

соб (кай) Рай Дэвэ́л тэ на дыкхэ́л дава́, и тэ на явэ́л холямо́, и, соб (кай) ёв тэ на рискирэ́л пэ́скири холы́ долэ́ манушэ́стыр.

Psalmy 78:34

Ке́ли Ёв замарэлас лэн, тэды ёнэ родэнас Лэс, и ёнэ рискирэнас пэ́скиро ило́ и зоралэ́с родэнас Дэвлэ́с,

1 Паралипоменоно 21:7

И на сыс лачхо́ дрэ Дэвлэ́скирэ якха́ дава́ рэ́ндо, и Ёв дукхадя Израилё.

1 Kralip 24:17

Ке́ли мэкця́ Дави́до тэ ракирэ́л далэ́ лава́ кэ Са́уло, Са́уло пхэндя́: “Ци тыри́ дая́ исын зан (глос), чхаво́ миро, Дави́до? И ґаздыя́ Са́уло пэ́скири зан, и рондя́,

Čysly 22:12

И пхэндя́ Рай Дэвэ́л Валаамоскэ: “На джа́ лэ́нца, на кош одолэ́ манушэ́н; пал-дова́ со ёнэ исын бахтякирдэ.”

Čysly 14:40

И, уштыи тася́рлэс (ра́нэс) пэ зло́ко, гинэ́ ёнэ пэ бэрга́киро вучипэ́н, ракири́: “Ѓа́да, амэ джа́са пэ дова́ штэ́то, пал саво́ ракирдя́ Рай Дэвэ́л, пал-дова́ со амэ кэрдя́м грэ́хо.”

Čysly 11:1

Мануша́ лынэ́ дро саро́ шуныбэ́н тэ жалинэнпэ Ра́скэ-Дэвлэ́скэ; и Рай Дэвэ́л шундя́, и росхачия Лэ́скири холы́, и захачи́я пэ лэ́ндэ Раскири-Дэвлэ́скири яг, и лыя́ Ёв тэ хасякирэ́л станоскиро яго́ро (краё).

Vygiiben 9:27

И бичхадя́ фарао́но, и кхардя́ Мойза́с и Аароно́с, и пхэндя́ лэ́нгэ “Дава́ мо́ло мэ кэрдём грэ́хо; Рай Дэвэ́л исын чачуно́, а мэ и мирэ́ мануша́ сам бангэ́;

Čysly 22:33

И ослица, дыкхи́ Ман, рискирдя́ дрэ риг Ма́ндыр, ґа́да, трин мо́лы; ко́ли б ёй тэ на рисёл Ма́ндыр, тэды Мэ замаравас тут, а ла ячкиравас джидя.”