Čysly 21:25 - Библия - Пэ Балтитко Романи чиб (Романэс) 2019

²⁵ И лыя́ Израилё сарэ́ далэ́ фо́рья, и дживдя́ Израилё дрэ сарэ́ Амонитянэнгирэ фо́рья, кэ Есево́но и дрэ сарэ́ гава́, савэ́ сыс тэл лэ́скири зор;

Biblija - Pe Baltitko Romani čib (Romanes) 2019

²⁵ I lyjá Izrailjo saré dalé fórja, i dživdiá Izrailjo dre saré Amonitianengire fórja, ke Jesievóno i dre saré gavá, savé sys tel léskiri zor;

Čysly 21:25 Referans Kwoze

Amoso 2:10

И дава́ сыс Мэ, Кон вылыджия́ тумэн Египто́скирэ пхувья́тыр, и Кон лыджия́ тумэн штардэша́ бэрш пир чхучи́ пхув, соб (кай) тэ заухтылэн тумэ́нгэ пхув Амореенгири.

Езэкилё 16:53

Мэ кэра́ва адя́кэ, со рисёна мануша́ лэ́нгирэ плено́стыр, Содомо́скирэ и ла́кирэ-чхаенгиро пле́но, а машки́р лэ́ндэ Мэ рискира́ва одолэнгиро пле́но, конэ́с ту заухтылдян дро пле́но,

Езэкилё 16:49

Акэ, саво́ исын Содомоскиро чорипэ́н, тырэ́-пхэнякиро и ла́кирэ-чхаенгиро бэдыпэн: ёй сыс пхутькирды, ёй халас на дрэ пэ́стэ, на камэлас тэ кэрэ́л нисави́ буты́; ёй на подрикирэлас чорорэ́-манушэ́скиро васт ци кодолэ́с, саво́ сыс дрэ трэ́бима.

Езэкилё 16:46

Пхурэды́р тыри́ пхэн – Сама́рия, сави́ дживэ́ла пэ́скирэ чхаенца пэ зэ́рво (ле́во) риг ту́тыр, а тыкнэды́р исын тыри́ пхэн, сави́ дживэ́ла пэ чачи́ (право) риг ту́тыр, сави́ исын Содо́мо ла́кирэ чхаенца.

Ереме́ё 48:45

“Одолэ́, савэ́ нашнэ́, тэрдинэ́ тэл Есево́но (Хешэвоно), пал пэ́скиро бизорьякирибэн. Нэ явэ́ла яг Есевоностыр, явэ́ла бари яг машкиралыпнастыр Сигоностыр и похала ме́жа Моавоскири и шэрэскиро гутуп (темё) пэ чхавэ́ндэ бунтарье́ндэ.

Ереме́ё 48:34

Пал лэ́нгири го́дла Есевоностыр (Хешэвоностыр) кэ Елеала (Елалэя), кэ Яаца (Яхазо) ёнэ ґаздынэ́ го́дла Сиоростыр кэ Оронаимо, кэ три́то Эґла (Эґла-Шэлишыя); пал-дова́ со адя́кэ-паць и паня́ Нимримоскирэ пиришутёна.

Ереме́ё 48:2

Буты́р на явэ́на тэ шарэ́н Моа́во, а дро Есево́но [Хешэвоно-ю.о.] придуминэна биба́хт проти дава́ штэ́то, ракири́: ‘Явэ́н, соб (кай) амэ́нгэ тэ хасякирас лэс сыр манушы́тко нацыя.’ И ту адя́кэ-паць, Мадме́на, хасёса [пириячэса тэ явэс-р.с.], курта́ла дотрадэла тут.

Isajos 15:4

Годлэла Есево́но и Елеала, зан лэ́нгири исын шундлы кэ Иааца, пал лэ́ндэ лынэ́ тэ ровэ́н халадэ́ Моавостыр, ди лэ́скиро ґаздыя́пэ дрэ лэ́стэ.

Гиленгири (Соломоно́скири) Гилы́ 7:4

[5] Тыри́ мэн исын сыр вучарды́ (башня) слонытконэ кокалостыр; Тырэ́ якха́ исын сыр зерицы (озеркицы) дро Есево́но (Гэшбоно), со исын пашы́л Батрабимоскири по́рта; тыро́ накх исын сыр Ливаноскири вучарды́ (башня), со дыкхэ́ла яври́ кэ Дама́ско.

Яви́р Зако́но 2:12

а пэ Сеиро дживдэ́ англэды́р Хореи; нэ Исаво́скирэ чхавэ́ традынэ криг лэн, и хасякирдэ́ лэн пэ́скирэ мо́стыр, и лынэ́ тэ дживэ́н заме́ст лэ́ндэ, – адя́кэ, сыр кэрдя́ Израилё пэ́скирэ пхувья́са, сави́ дыя́ лэ́нгэ о Рай Дэвэ́л;

Čysly 21:31

И дживдя́ Израилё пэ Амореенгири пхув.

Čysly 21:26

пал-дова́ со Есево́но сыс Сигоноскиро фо́ро, Аморее́нгирэ-крали́скиро, и ёв мардя́пэ, пэрвонэ́ Моавитоскирэ крали́са, саво́ сыс анги́л лэ́стэ, и лыя́ лэ́скирэ вастэ́стыр сари́ лэ́скири пхув кэ Арноно.

Сэндарьенгири Лылвари́ 11:26

Израилё дживэ́ла триншэла́ бэрш кэ Есево́но и дрэ фо́рья, савэ́ запасёна лэ́стыр, дро Ароеро и дрэ фо́рья, савэ́ запасёна лэ́стыр, и дрэ сарэ́ фо́рья, савэ́ исын пашы́л Арноно; ваш со тумэ́ дрэ дова́ часо на отлынэ лэн?

Čysly 32:3

“Трусця́л исын штэ́ты Атарофо и Дивоно, и Иазеро, и Нимра, и Есево́но, и Елеало, и Севамо, и Нево, и Веоно,

Isúso 24:8

И яндём Мэ тумэн пэ Амореенгири пхув, савэ́ дживдэ́ пал Иорда́но; ёнэ мардэ́пэ тумэ́нца, нэ Мэ отдыём лэн дрэ тумарэ́ васта́, и тумэ́ дорэснэ́ (долынэ) дро мэкно́ миштыпэ́н (наследиё) лэ́нгири пхув, и Мэ традыём криг лэн анги́л тумэ́ндэ.