Čysly 20:5 - Библия - Пэ Балтитко Романи чиб (Романэс) 2019

⁵ И ваш со тумэ́ вылыджинэ́ амэн Египто́стыр, соб (кай) тэ янэ́н амэн пэ дава́ чхучо́ штэ́то, кай нашты́ зя́рки тэ почхувэс дрэ пхув, нанэ инжыро, ни винаградо (дракх), ни гранатытка пхаба́, и адя́кэ-паць нанэ пани́ ваш пибэ́н?”

Biblija - Pe Baltitko Romani čib (Romanes) 2019

⁵ I vaš so tumé vylydžiné amen Jegiptóstyr, sob (kaj) te janén amen pe davá čhučó štéto, kaj naštý ziárki te počhuves dre phuv, nane inžyro, ni vinagrado (drakh), ni granatytka phabá, i adiáke-pac' nane paní vaš pibén?”

Čysly 20:5 Referans Kwoze

Čysly 16:14

Ци яндян ту амэн пэ пхув, кай тхадэ́ла тхуд и авги́н, и ци дыя́н ту дро хулаибэн фэ́лды и винаградники? Якха́ адалэ́-манушэ́нгирэ ту камэс тэ корьякирэс? Амэ на джа́са!”

Езэкилё 20:36

Сыр Мэ сэндякиравас рэ́ндо тумарэ́ дадэ́нца пэ Египто́скирэ пхувья́кири чхучи́ пхув, адя́кэ Мэ ява́ва тэ сэндякирав тумаро́ рэ́ндо (де́ло), – ракирэ́ла Рай Дэвэ́л, Дэвэ́л.

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Ниеми́я 9:21

Штардэша́ бэрш Ту дыя́н лэ́нгэ тэ хас пэ чхучи́ пхув, ёнэ ни дро со на маиндлэ трэ́бима; и́дя лэ́нгири на пхурия, и ґэра́ на шулынэ.

Яви́р Зако́но 8:15

Саво́ лыджия́ тут пир чхучи́ пхув бари и дараны, кай сыс сапа, василиски, скорпионы и шукэ́ штэ́ты, пэ савэ́ нанэ пани́; Саво́ кэрдя́ ваш ту́кэ панескиро тхадыпэн гранитытконэ скалатыр,

Čysly 20:24

“Мэк тэ причхувэлпэ Ааро́но кэ пэ́скирэ мануша́; пал-дова́ со ёв на заджа́ла пэ пхув, сави́ Мэ да́ва Израилёскирэ чхавэ́нгэ, пал-дова́, со тумэ́ на шундлэ́ Миро припхэныбэ́н пашы́л Меривакиро пани́;

Čysly 27:14

пал-дова́ со тумэ́ на кандынэ́ Миро ракирибэ́н пэ чхучи́ пхув Син, дро дова́ часо, ке́ли сыс кошыбэ́н пэ скэдыибэ́н, соб (кай) тэ сыкавэс анги́л лэ́нгирэ якха́ Мири́ свэнтыма пашы́л пани́ Мерива.”