Čysly 20:17 - Библия - Пэ Балтитко Романи чиб (Романэс) 2019

¹⁷ Амэ мангаса тэ мэкэс амэн тэ проджас пир тыри́ пхув: амэ на джа́са пир фэ́лды и на пир винаградники, и амэ на ява́са тэ пьяс пани́ тырэ́ ґанынгэндыр; нэ джа́са крали́скирэ дромэ́са, на рискираса ни пэ право (чачо́), ни пэ ле́во (зэ́рво) риг, пака пириджаса ме́жы пэ тыри́ пхув.”

Biblija - Pe Baltitko Romani čib (Romanes) 2019

¹⁷ Ame mangasa te mekes amen te prodžas pir tyrí phuv: ame na džása pir féldy i na pir vinagradniki, i ame na javása te pjas paní tyré ĥanyngendyr; ne džása kralískire dromésa, na riskirasa ni pe pravo (čačó), ni pe liévo (zérvo) rig, paka piridžasa miéžy pe tyrí phuv.”

Čysly 20:17 Referans Kwoze

Яви́р Зако́но 2:27

“Мэк ман тэ джав дурэды́р пир тыри́ пхув; мэ джа́ва дромэ́са, Мэ на джа́ва дрэ риг ни пэ чачо́ (пэ право), ни пэ зэ́рво (пэ ле́во);

Яви́р Зако́но 2:29

адя́кэ, сыр кэрдэ́ ма́нгэ Исаво́скирэ чхавэ́, савэ́ дживэ́на кэ Сеиро и Моавитяни, савэ́ дживэ́на кэ Аро, пака Мэ пириджава пир Иорда́но пэ пхув, сави́ Рай Дэвэ́л, амаро́ Дэвэ́л, дэ́ла амэ́нгэ.”

Čysly 21:1

Ке́ли Ханааноскиро кра́ли о Арада, саво́ дживдя́ кэ паш-дывэсы́тко риг (юго), шундя́, со Израилё джа́ла дромэ́са Афаримостыр, то тэрдия́ пэ марибэ́н Израильтянэнца и вари-кицы́ лэ́ндыр лыя́ дро пле́но.

2 Паралипоменоно 20:10

И акана́, Амонитяни и Моавитяни и мануша́, савэ́ дживэ́на пэ Сеироскири бэ́рга, пирда́л конэскирэ пхувья́, Ту на дыя́н во́ля тэ проджан Израильтянэнгэ, ке́ли ёнэ гинэ́ Египто́скирэ пхувья́тыр, и палдава́ ёнэ обгинэ лэн и на замардэ́ лэн,

Яви́р Зако́но 2:28

хабэ́н бикин ма́нгэ пал руп, и мэ ява́ва тэ хав, и пани́ тэ пья́в дэ ма́нгэ пал руп, и мэ ява́ва тэ пья́в, екхэ ґэрэ́нца мирэнца джа́ва дурэды́р,