Čysly 20:15 - Библия - Пэ Балтитко Романи чиб (Романэс) 2019

¹⁵ дада́ амарэ́ пиригинэ́ дро Еги́пто, и амэ дживдям кэ Еги́пто баро́ часо, и фуес кэрдэ́ Египтя́ни амэ́нгэ и амарэ́ дадэ́нгэ;

Biblija - Pe Baltitko Romani čib (Romanes) 2019

¹⁵ dadá amaré piriginé dro Jegípto, i ame dživdiam ke Jegípto baró časo, i fujes kerdé Jegiptiáni aménge i amaré dadénge;

Čysly 20:15 Referans Kwoze

Яви́р Зако́но 26:6

нэ Египтя́ни кэрдэ́ фуипэ́н амэ́нгэ, и притасавэнас амэн, и чхувэ́нас пэ амэ́ндэ пхарэ́ бутя́;

Vygiiben 12:40

Часо (цы́ро), саво́ Израилёскирэ чхавэ́ дживдэ́ кэ Еги́пто, сыс штаршэла́ трия́нда бэрш.

Džiibén 46:6

Ёнэ лынэ́ пэ́скирэ кхэритконэ́ мурдалэ́н (ското) и пэ́скиро миштыпэ́н, саво́ сыс лэ́ндэ пэ Ханаано́скири пхув, и явнэ́ дро Еги́пто, – Яково и саро́ лэ́скиро ро́до лэ́са.

Apostolengiri Butý 7:15

Яково явдя́ дрэ Еги́пто, кай ёв мыя́ кокоро́ и адя́кэ-паць амарэ́ дада́;

Džiibén 15:13

И пхэндя́ Рай Дэвэ́л Аврамоскэ: “Джин, со ро́до тыро́ явэ́ла чу́жо пэ пхув, сави́ на явэ́ла лэ́нгири, и кэрэ́на лэн писхарье́нца, и явэ́на тэ притасавэн лэн штаршэла́ бэрш,

Apostolengiri Butý 7:19

Ёв хохаибнаса отлыджаласпэ кэ амарэ́ мануша́ и ёв на дэ́лас джиибэ́н амарэ́ дадэ́нгэ; ёв зачхувэлас лэн тэ вычхурдэн пэскирэн тыкнэ́ биятэ́н, соб (кай) одолэ́ тэ на дживэ́н.

Čysly 16:13

Нау́што наухтылла (на́доси) дова́, со ту вылыджыян амэн пхувья́тыр, пэ сави́ тхадэ́ла тхуд и авги́н, соб (кай) тэ хасякирэс амэн пэ чхучи́ пхув, и ту буты́р камэ́са тэ явэс тхагариса пэ амэ́ндэ!

Čysly 11:5

Амэ рипираса мачхэ́, савэ́ амэ хаям дро Еги́пто ивья́ (дармэс) и гурки (бобирки), и дыни, и пурум, и пурум-пореё и сырь (чэсноко);

Vygiiben 5:14

А дыкхибнарьен пал буты́ Израилёскирэ чхавэ́ндыр, савэ́н чхудэ́ пэ лэ́ндэ фараоно́скирэ причхуибнарья тэ дыкхэ́н, мардэ́, ракири́: “Со́скэ тумэ́ тася́ и ададывэ́с на кэрэ́на ада́кицы кирпичо, сыр кэрдэ́ кэ /жы́ко дава́ часо?”

Vygiiben 1:22

Тэды фарао́но припхэндя́ сарэ́нгэ пэ́скирэ манушэ́нгэ: “Кажнонэс чхавэ́с, саво́ бияндёла Юдэ́ндэ, чхурдэ́н дрэ рэка (лэнь); а кажнона чха ячкирэн тэ дживэ́л.”

Vygiiben 1:16

и пхэндя́: “Ке́ли тумэ́ явэ́на тэ бабинэн чхаворэ́н Юдыцэндэ, то тумэ́ дыкхэ́н, сыр ёнэ биянэна: ко́ли явэ́ла чхаво́, тэды мулякирэ́н лэс; а ко́ли чхай, тэды мэк тэ дживэ́л.”

Čysly 20:14

И бичхадя́ Мо́йза Кадесостыр манушэ́н кэ Едомоскиро кра́ли тэ пхэнэ́н: “Адя́кэ ракирэ́ла тыро́ пшал, Израилё: ту джинэ́са саро́ пхарипэ́н, саво́ пыя́ пэ амэ́ндэ;

Čysly 20:16

и дыям го́дла мангипнаса кэ Рай Дэвэ́л, и шундя́ Ёв амари́ зан (глос), и бичхадя́ Янголо́с, и Ёв вылыджия́ амэн Египто́стыр; и ґа́да, амэ сом дро Кадесо, фо́ро пашы́л тыро́ яго́ро (краё).

Džiibén 46:7

Пэскирэн чхавэ́н и ўнукэн пэ́са, пэскирэн чхае́н и ўнучкэн, и саро́ пэ́скиро ро́до яндя́ ёв пэ́са дро Еги́пто.

2 Kralip 12:18

Пэ эфта́то (битринэ́нгиро дэ́што) дывэ́с тыкномас мыя́, и дына́рья Давидо́скирэ дара́ндынэ тэ пхэнэ́н лэ́скэ, со мыя́ тыкномас; пал-дова́ со, ёнэ ракирдэ́: “Ке́ли тыкномас сыс джидо́, и амэ уракирасас лэс, и ёв на шундя́ зан амари́; сыр пхэна́са лэ́скэ: ‘Мыя́ тыкномас?’ Ёв кэрэ́ла вари-саво́ чорипэ́н.”