Čysly 20:10 - Библия - Пэ Балтитко Романи чиб (Романэс) 2019

¹⁰ И скэдынэ́ Мо́йза и Ааро́но манушэ́н кэ бэ́рга, и пхэндя́ ёв лэ́нгэ: “Шунэ́н, мануша́лэ, савэ́ на кандэ́на, нау́што амэ́нгэ далэ́ бэрга́тыр тэ дорэсэс ваш тумэ́нгэ пани́?”

Biblija - Pe Baltitko Romani čib (Romanes) 2019

¹⁰ I skedyné Mójza i Aaróno manušén ke bérga, i phendiá jov lénge: “Šunén, manušále, savé na kandéna, naúšto aménge dalé bergátyr te doreses vaš tuménge paní?”

Čysly 20:10 Referans Kwoze

Jakov 3:2

Пал-дова́ со амэ сарэ́ частэс обштавасапэ пир грэ́хо. Ко́ли вари-кон на кэрэ́ла грэ́хо лавэ́са, одова́ ману́ш исын бидошакиро, саво́ могинэ́ла тэ пхандэл сы́рбы цугленца сарэ́ пэ́скирэ маса́.

Эфесянэнгэ 4:26

Ко́ли тумэ́ холясона, на кэрэ́н грэ́хо: на явэ́н холынакирэ саро́ дывэ́с,

Матфеё 5:22

Нэ Мэ ракира́ва тумэ́нгэ: ‘Кажно, кон холясо́ла пэ пэ́скирэ пшалэ́стэ ни палсо́, джа́ла тэл сэ́ндо. Кон жа пхэнэ́ла пэ́скирэ пшалэ́скэ ‘дылыно́’, явэ́ла дрэ дар Синедрионостыр. И кон пхэнэ́ла ‘бигодякиро’, явэ́ла дрэ дар, со джа́ла дро лю́но (адо) яга́са.

Яви́р Зако́но 9:24

Тумэ́ на кандынэ́ Рас-Дэвлэ́с долэ́-паць дывэсэ́стыр, сыр мэ яцём тэ джина́в тумэн.

Džiibén 41:16

И пхэндя́ Ёза фараоно́скэ: “Дава́ саро́ исын на миро; Дэвэ́л дэ́ла отпхэныбэ́н дро лачхипэ́н фараоно́скэ.”

Džiibén 40:8

Ёнэ пхэндлэ́ лэ́скэ: “Амэ дыкхцям сунэ́; а тэ пирипхэнэн лэн нанэ конэ́скэ.” О Ёза пхэндя́ лэ́нгэ: “Ци дава́ исын на Дэвлэ́стыр исын пирипхэныбэн (значиныбэн)? Роспхэнэ́н лэн ма́нгэ.”

1 Коринфянэнгэ 3:7

Палдава́, кон чхудя́ дрэ пхув, кон панякирдя, дава́ нисо́ на мол, а саро́ джа́ла Дэвлэ́стыр, Кон дыя́ прибарипэн.

Vygiiben 17:6

ґа́да, Мэ тэрдёвава анги́л ту́тэ одо́й пэ ска́ла дро Хориво, и ту пэкавэса дрэ ска́ла, и джа́ла ла́тыр пани́, и явэ́на тэ пьен мануша́.” И кэрдя́ Мо́йза адя́кэ дро якха́ Израилёскирэ пхурыдырэнгирэ.

Čysly 20:24

“Мэк тэ причхувэлпэ Ааро́но кэ пэ́скирэ мануша́; пал-дова́ со ёв на заджа́ла пэ пхув, сави́ Мэ да́ва Израилёскирэ чхавэ́нгэ, пал-дова́, со тумэ́ на шундлэ́ Миро припхэныбэ́н пашы́л Меривакиро пани́;

Psalmy 78:16

и Ёв кэрдя́ адя́кэ, со сыгна паня́ тхадынэ скалэндыр, и со паня́ тхадынэ сы́гэс сыр барэ́ панинга́.