Čysly 2:34 - Библия - Пэ Балтитко Романи чиб (Романэс) 2019

³⁴ И кэрдэ́ саро́ Израилёскирэ чхавэ́, со припхэндя́ Рай Дэвэ́л Мойза́скэ: адя́кэ ёнэ тэрдёнас станэнца (таборэнца) пашы́л пэ́скирэ сцяги, и адя́кэ гинэ́ кажно анги́л пир пэ́скиро кхэр, пир пэ́скирэ-дадэ́скирэ чэ́карья.

Biblija - Pe Baltitko Romani čib (Romanes) 2019

³⁴ I kerdé saró Izrailjoskire čhavé, so priphendiá Raj Devél Mojzáske: adiáke jone terdjonas stanenca (taborenca) pašýl péskire sciagi, i adiáke giné kažno angíl pir péskiro kher, pir péskire-dadéskire čékarja.

Čysly 2:34 Referans Kwoze

Psalmy 119:6

Тэ́ньци мэ на ява́ва ладжакирдо́, ке́ли мэ ява́ва тэ дыкха́в илэ́стыр пэ Тырэ́ припхэныбэна́.

Luka 1:6

Ёнэ ж сыс дуйджинэ́ чачунэ́ анги́л Дэвлэ́стэ, рикирдэпэ кэ Дэвлэ́скирэ припхэныбэна́ и Зако́но.

Čysly 24:2

И подыкхця́ Валаа́мо, и дыкхця́ Израилё, саво́ сыс тэрдо́ пир пэ́скирэ ро́дыцы (чанга́), и сыс пэ лэ́стэ Дэвлэ́скиро Ду́хо (Фа́но).

Čysly 23:21

Нанэ дыкхно чорипэ́н дрэ Яковостэ, и нанэ бицялы би́да дро Израилё; лэ́скиро Рай Дэвэ́л, исын лэ́са, и трубитко зан лэ́стэ, сыр крали́стэ;

Čysly 10:28

Ѓа́да, сыс гиибнытко (порядко) Израилёскирэ чхавэ́нгиро пир лэ́нгирэ отря́ды. И ёнэ гинэ́ дро дром.

Čysly 2:2

“Израилёскирэ чхавэ́, кажно (сва́ко) исын банго́ тэ чхувэ́л пэ́скиро ста́но пашы́л пэ́скиро сцяго (знамя), пашы́л пэ́скирэ-чэкарьякирэ шпэры (знаки); анги́л скэдыибна́скири ша́тра исын бангэ́ тэ чхувэ́н пэ́скиро ста́но.

Čysly 1:54

И кэрдэ́ Израилёскирэ чхавэ́, сыр припхэндя́ Рай Дэвэ́л Мойза́скэ, адя́кэ ёнэ и кэрдэ́.

Vygiiben 39:42

Сыр припхэндя́ Рай Дэвэ́л Мойза́скэ, адя́кэ и кэрдэ́ Израилёскирэ чхавэ́ сарэ́ далэ́ бутя́.

Čysly 1:52

Израилёскирэ чхавэ́ исын бангэ́ кажно тэ тэрдёл дро пэ́скиро ста́но и кажно пашы́л пэ́скиро сцяго (знамя), пир пэ́скирэ отря́ды;

Čysly 2:33

А Леви́ты на загинэ́ дро пиригиныбэ́н кхэтанэ́ Израилёскирэ чхавэ́нца, сыр пхэндя́ Рай Дэвэ́л Мойза́скэ.

Čysly 3:1

Ѓа́да, исын Мойза́скиро и Аароноскиро ро́до, ке́ли ракирдя́ Рай Дэвэ́л Мойза́скэ пэ бэ́рга Синаё,

Čysly 1:19

сыр ракирдя́ Рай Дэвэ́л Мойза́скэ. И кэрдя́ ёв лэ́нгэ пиригиныбэ́н пэ Синаёскири чхучи́ пхув.

Čysly 10:12

и гинэ́ Израилёскирэ чхавэ́ пир пэ́скирэ станы (таборы) Синаёскирэ чхучэ́ пхувья́тыр, и тэрдия́ о́блоко пэ чхучи́ пхув Фарано.