Čysly 19:9 - Библия - Пэ Балтитко Романи чиб (Романэс) 2019

⁹ и тэ́ньчи вари-кон жужо́ мэк тэ скэдэл рэцакири пра́ска (пепло) и чхувэ́ла ла пал ста́но пэ жужо́ штэ́то, и явэ́ла ёй тэ ракхэлпэ ваш Израилёскирэ манушэ́нгэ сыр пани́ тэ жужакирэнпэ: дава́ явэ́ла свэ́нто яныбэ́н Ра́скэ-Дэвлэ́скэ пал грэ́хо;

Biblija - Pe Baltitko Romani čib (Romanes) 2019

⁹ i tén'či vari-kon žužó mek te skedel recakiri práska (pieplo) i čhuvéla la pal stáno pe žužó štéto, i javéla joj te rakhelpe vaš Izrailjoskire manušénge syr paní te žužakirenpe: davá javéla svénto janybén Ráske-Devléske pal grého;

Čysly 19:9 Referans Kwoze

Юдэ́нгэ 9:13

Пал-дова́ со, ко́ли бузнэ́нгиро ци целянтэ́нгиро рат и тэрнэ́-рэца́кири (тёлкакири) пра́ска (пепло), со кропинэлапэ пэ манушэ́ндэ, савэ́ исын нажужо тэ клонинэнпэ патыва́са Дэвлэ́скэ, кэрэ́ла жужа́са (чыстонаса) лэ́нгири лоч,

Čysly 19:13

Кажно, кон лэ́лапэ пал савэскирэ-манушэ́скиро тру́по, саво́ мыя́ и на выжужакирдя́ пэс, магирэла Ра́скирэ-Дэвлэ́скири ша́тра; и хасёла одова́ ману́ш Израилёскирэ манушэ́ндыр. Пал-дова́ со ёв на сыс обчхудо жужакирибнаскирэ пане́са, ёв исын нажужо, исын лэ́скири мэл пэ лэ́стэ.

Юдэ́нгэ 7:26

Пал-дова́ со адасаво́ Англатуно́ Раша́й и трэй амэ́нгэ: свэ́нто, лачхэ́-илы́тко, на магирдо́ грэхоса; Дэвэ́л чхудя́ Лэс дрэ риг грэхитконэ́ манушэ́ндыр и ґаздыя́ Лэс вучэ́с дро Болыбна́скиро Раё.

2 Коринфянэнгэ 7:1

Палдава́, ко́ли амэ́нгэ сыс дынэ́ дасавэ́ лава́, мирэ́ дро́га, жужакираса пэс сарэ́стыр, со мэлякирэла амари́ лоч (плоть) и ду́хо (фа́но) и ява́са тэ джива́с сарэ́са свэнтонэс дро дар анги́л Дэвлэ́стэ.

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

Čysly 19:18

и мэк вари-кон тэ лэл жужо́ исопо, и обмакнинэла лэс дро пани́, и почхувэла лэ́са ша́тра и сарэ́ кхорэ́ и манушэ́н, савэ́ исын дрэ лэ́стэ, и манушэ́с, саво́ лыяпэ пал манушэ́скиро кокало, ци кэ замардо, ци кэ муло́, ци кэ мулыкано́;

Čysly 9:13

а кон исын жужо́ и нанэ дро дром, и на кэрэ́ла Патради́, – хасёла дова́ ди пэ́скирэ манушэ́ндыр, пал-дова́ со ёв на яндя́ свэ́нто дыибэ́н Ра́скэ-Дэвлэ́скэ дрэ пэ́скиро часо: лыджа́ла пэ пэ́стэ грэ́хо одова́ ману́ш,

Čysly 8:7

а соб (кай) лэн тэ выжужакирэс, кэр лэ́нца адя́кэ: обчхув лэн жужакирибнаскирэ (чыстонэ) пане́са, и мэк ёнэ тэ вымуравэн пэ́скирэ (выбриинэн) сарэ́ маса́ мурадлуняса (бритваса) и тэ выморэн пэ́скирэ урибэна́, и явэ́на ёнэ жужэ́ (чыста);

Čysly 6:12

и банго́ исын ёв нэвэ́стыр (нэвэ́с) тэ лэл тэ отдэ́л Ра́скэ-Дэвлэ́скэ дывэса́ пэ́скирэ назорействоскирэ и тэ янэл екхэ-бэршытконэ бакрорэс дро свэ́нто дыибэ́н пал банг; англатунэ́ дывэса́ хасинэ́, пал дова́ со назорейство лэ́скиро магирдо́.

Левито 15:20

и саро́, пэ со ёй пасёла дро часо (цы́ро) ла́кэ тэ жужакирэлпэ, явэ́ла нажужо; и саро́, пэ со ёй бэшэ́ла, нажужо;

Čysly 19:3

и отдэ́н ла Елизароскэ раша́скэ, и ёв вылыджала ла яври́ станостыр и зачхинэна ла анги́л лэ́стэ;

Čysly 19:8

И ману́ш, саво́ хачкирдя́ рэца, мэк тэ выморэл пане́са пэ́скиро урибэ́н и обморэла пэ́скирэ маса́ пане́са, и нажужо явэ́ла кэ бэльвэ́ль;

Čysly 19:17

Ваш нажужэскэ мэк тэ лэн зола (пра́ска) долэ́ схачкирдэ́ свэнтонэ́ яныбнастыр (рэцатыр) Ра́скэ-Дэвлэ́скэ пал грэ́хо, и чхувэ́на пэ лэ́стэ джидо́ пани́ дро кхоро́,