Čysly 19:7 - Библия - Пэ Балтитко Романи чиб (Романэс) 2019

⁷ и мэк тэ выморэл раша́й пэ́скирэ урибэна́, и обморэла пане́са пэ́скирэ маса́, и пало́ дава́ заджа́ла дро ста́но, и раша́й нажужо явэ́ла кэ бэльвэ́ль.

Biblija - Pe Baltitko Romani čib (Romanes) 2019

⁷ i mek te vymorel rašáj péskire uribená, i obmorela paniésa péskire masá, i paló davá zadžála dro stáno, i rašáj nažužo javéla ke bel'vél'.

Čysly 19:7 Referans Kwoze

Левито 11:25

и кажнонэ́скэ, кон лэ́ла лэ́нгиро тру́по, трэй тэ обморэл пэ́скири и́дя, и нажужо явэ́ла кэ бэльвэ́ль.

Čysly 19:19

и мэк тэ обчхувэл жужо́ ману́ш нажужэс пэ три́то дывэ́с и пэ эфта́то дывэ́с, и выжужакирэ́ла лэс пэ эфта́то дывэ́с; и выморэла ёв пэ́скирэ и́ди, и обморэла пэ́скирэ маса́ пане́са, и кэ бэльвэ́ль явэ́ла жужо́.

Čysly 19:8

И ману́ш, саво́ хачкирдя́ рэца, мэк тэ выморэл пане́са пэ́скиро урибэ́н и обморэла пэ́скирэ маса́ пане́са, и нажужо явэ́ла кэ бэльвэ́ль;

Левито 22:6

одова́, кон чилавэ́ла саро́, нажужо явэ́ла ёв кэ бэльвэ́ль, и лэ́скэ нашты́ тэ хал свэ́нто англэды́р, сыр ёв обморэла пэ́скирэ маса́ пане́са;

Левито 15:5

и кон чилавэ́ла лэ́скиро чхуибэ́н, одолэ́скэ трэй тэ выморэл пэ́скирэ и́ди (ризы) и тэ обморэлпэ пане́са, и нажужо явэ́ла ёв кэ бэльвэ́ль;

Левито 11:40

и одолэ́скэ, кон явэ́ла тэ хал лэ́скирэ-мулэскиро мас, трэй тэ обморэл пэ́скирэ и́ди, и нажужо явэ́ла кэ бэльвэ́ль; и одова́, кон лыджа́ла лэ́скиро тру́по, банго́ тэ обморэл пэ́скирэ и́ди, и нажужо явэ́ла бэльвэ́ль.

Юдэ́нгэ 13:11

пал-дова́ со рискирибна́скирэ-мурдалэнгирэ тру́пы, савэнгиро рат Англатуно́ Юдэ́нгиро Раша́й янэ́ла дро Свэ́нто Штэ́то сыр свэ́нто дыибэ́н пал грэ́хо, хачкирэна пал дава́ ста́но (лод),

Левито 14:46

и кон заджа́ла дро кхэр дро саро́ часо, ке́ли ёв исын запхандло, одова́ ману́ш явэ́ла нажужо кэ бэльвэ́ль;

Čysly 19:10

и кон скэдыя́ рэцакири пра́ска (пепло), мэк тэ выморэл пэ́скиро урибэ́н, и явэ́ла нажужо кэ бэльвэ́ль. Мэк тэ явэ́л дава́ сыр векоскиро упхэныбэ́н ваш Израилёскирэ чхавэ́нгэ, и ваш манушэ́нгэ, савэ́ явнэ́ явирэ рига́тыр, и дживэ́на кэ ёнэ.

Čysly 19:21

И мэк тэ явэ́л дава́ ваш лэ́нгэ векоскирэ упхэныбнаса. И ману́ш, саво́ обчхувэла жужакирибнаскирэ пане́са, мэк тэ выморэл пэ́скиро и́ди и урибэ́н; и кон лэ́лапэ кэ жужакирибнаскиро пани́, одова́ явэ́ла нажужо кэ бэльвэ́ль.

Левито 11:24

Лэ́ндыр тумэ́ явэ́на нажужэ́: кажно, кон причилавэлалапэ кэ лэ́нгиро тру́по, нажужо явэ́ла кэ бэльвэ́ль;

Левито 11:27

Сарэ́ мурдалэ́ндыр, саво́ псирэ́ла пэ штар ґэра́, пэ лапы, кон псирэ́ла, дова́ нажужо исын ваш тумэ́нгэ: кажно кон чилавэ́ла лэ́нгиро тру́по, одова́ явэ́ла нажужо кэ бэльвэ́ль. Ёв исын нажужо ваш тумэ́нгэ.

Левито 11:28

Кон лэ́ла лэ́нгиро тру́по, одолэ́скэ трэй тэ обморэл пэ́скирэ и́ди, и нажужо ёв явэ́ла кэ бэльвэ́ль, нажужэ́ ёнэ исын ваш тумэ́нгэ.

Левито 11:31

далэ́ исын нажужэ́ ваш тумэ́нгэ сарэ́ндыр, савэ́ ползынэна: кажно, кон причилавэлапэ кэ ёнэ мулэ́, нажужо явэ́ла кэ бэльвэ́ль.

Левито 11:32

И саро́, пэ со пэрэ́ла вари-со лэ́ндыр мулэ́ндыр, кажно кхоро́ (сасудо) вэшэ́стыр, ци и́дя, ци цы́па, ци гоно́, и кажно вешч, сави́ трэй пэ рэ́ндо, явэ́на нажужэ́: дро пани́ трэй тэ чхувэ́н лэн, и нажужэ́ явэ́на ёнэ кэ бэльвэ́ль, коригэды́р (позжедыр) ёнэ явэ́на жужэ́;

Левито 11:39

И ке́ли мурдёла вари-саво́ кхэри́тко мурда́л (ското), саво́ тумэ́ ха́на, тэды кон чилавэ́ла лэ́скиро тру́по, явэ́ла нажужо кэ бэльвэ́ль;

Čysly 19:22

И саро́, кэ со лэ́лапэ нажужо ману́ш, явэ́ла нажужо; и ману́ш, саво́ лэ́лапэ, явэ́ла нажужо кэ бэльвэ́ль.”