Čysly 19:19 - Библия - Пэ Балтитко Романи чиб (Романэс) 2019

¹⁹ и мэк тэ обчхувэл жужо́ ману́ш нажужэс пэ три́то дывэ́с и пэ эфта́то дывэ́с, и выжужакирэ́ла лэс пэ эфта́то дывэ́с; и выморэла ёв пэ́скирэ и́ди, и обморэла пэ́скирэ маса́ пане́са, и кэ бэльвэ́ль явэ́ла жужо́.

Biblija - Pe Baltitko Romani čib (Romanes) 2019

¹⁹ i mek te občhuvel žužó manúš nažužes pe tríto dyvés i pe eftáto dyvés, i vyžužakiréla les pe eftáto dyvés; i vymorela jov péskire ídi, i obmorela péskire masá paniésa, i ke bel'vél' javéla žužó.

Čysly 19:19 Referans Kwoze

1 Ian 1:7

А ко́ли амэ псираса дро Дэвлэ́скиро дуд, адя́кэ-паць сыр Христо́со исын дуд, тэды амэ́ндэ исын кхэтаныпэн екх екхэ́са, и Исусо́скиро Христосо́скиро рат, Лэ́скирэ чхавэ́скиро, жужакирэла (чыстинэла) амэн кажнонэ́ грэхэ́ндыр.

Юдэ́нгэ 10:22

палдава́ явэ́н пашылэды́р кэ Дэвэ́л чачунэ́ илэ́са, пхэрдэ́ патяибна́са, соб (кай) тэ явэ́н амарэ́ илэ выжужакирдэ грэхэ́ндыр и тэ на чуинас фуес, со амэ сам бангэ́; тэ явэ́н амарэ́ маса́ обмордэ жужэ́ пане́са.

Езэкилё 36:25

И Мэ брызгинава тумэн жужэ́ пане́са, тумэ́ жужакирэнапэ сарэ́ тумарэ́ магирипнастыр, Мэ жужакирава тумэн сарэ́ тумарэ́ идолэндыр.

Čysly 19:12

Ёв исын банго́ (мусинэла) тэ выжужакирэл далэ́ пане́са пэ три́то дывэ́с и пэ эфта́то дывэ́с, тэ́ньчи ёв явэ́ла жужо́. Нэ ко́ли ёв на жужакирэла пэс пэ три́то и пэ эфта́то дывэ́с, тэды ёв на явэ́ла жужо́.

Левито 14:9

пэ эфта́то дывэ́с вымуравэла сарэ́ пэ́скирэ бала́, пэ́скиро шэро́, пэ́скирэ чхора (брода), пэ́скирэ якхэнгирэ пховья (брови), сарэ́ пэ́скирэ бала́ вымуравэла, и выморэла пэ́скирэ и́ди, и выморэла пане́са пэ́скирэ маса́, и явэ́ла жужо́.

Juda 1:23

нэ зракхэн явирэ́н дара́са, ке́ли тумэ́ лэ́на тэ вытырдэн лэн сыр лэн сы́рбы ягатыр, нэ ладжан (брыдинэн) лэ́нгирэ урибнастыр, саво́ исын магирдо́ лочаса (плотяса).

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Čysly 31:19

и явэ́н пал ста́но эфта́ дывэса́; кажно (сва́ко), кон замарэла манушэ́с и лэ́лапэ пал замардэстэ, тэ жужакирэлпэ пэ три́то дывэ́с и пэ эфта́то дывэ́с, тумэ́ и тумарэ́ мануша́ дро пле́но;

Džiibén 2:2

И кончындя Дэвэ́л Пэ́скирэ рэ́нды (де́лы) кэ эфта́то (битринэ́нгиро дэ́што) дывэ́с, савэ́ Ёв кэрэ́лас и пэ эфта́то дывэ́с Ёв откхиныя сарэ́ Пэ́скирэ рэндэ́ндыр (делэндыр), савэ́ Ёв кэрдя́.

Vygiiben 19:10

И пхэндя́ Рай Дэвэ́л Мойза́скэ: “Джа́ кэ мануша́, и высвэнцын лэн ададывэ́с и атася́; мэк ёнэ тэ выморэн пэ́скирэ и́ди (ризы),

Čysly 19:13

Кажно, кон лэ́лапэ пал савэскирэ-манушэ́скиро тру́по, саво́ мыя́ и на выжужакирдя́ пэс, магирэла Ра́скирэ-Дэвлэ́скири ша́тра; и хасёла одова́ ману́ш Израилёскирэ манушэ́ндыр. Пал-дова́ со ёв на сыс обчхудо жужакирибнаскирэ пане́са, ёв исын нажужо, исын лэ́скири мэл пэ лэ́стэ.

Čysly 19:18

и мэк вари-кон тэ лэл жужо́ исопо, и обмакнинэла лэс дро пани́, и почхувэла лэ́са ша́тра и сарэ́ кхорэ́ и манушэ́н, савэ́ исын дрэ лэ́стэ, и манушэ́с, саво́ лыяпэ пал манушэ́скиро кокало, ци кэ замардо, ци кэ муло́, ци кэ мулыкано́;

Левито 14:7

и брызгинэла лэ́са пэ манушэ́стэ, саво́ жужакирэлапэ проказатыр эфта́ мо́лы, и приґалёла лэс жужэса, и мэкэ́ла джидя чирикля́ пэ фэ́лда.

Čysly 31:24

и тумарэ́ урибэна́ выморэн пэ эфта́то дывэ́с, и выжужакирэнпэ, и пало́ дава́ заджа́н дро ста́но.”