Čysly 19:13 - Библия - Пэ Балтитко Романи чиб (Романэс) 2019

¹³ Кажно, кон лэ́лапэ пал савэскирэ-манушэ́скиро тру́по, саво́ мыя́ и на выжужакирдя́ пэс, магирэла Ра́скирэ-Дэвлэ́скири ша́тра; и хасёла одова́ ману́ш Израилёскирэ манушэ́ндыр. Пал-дова́ со ёв на сыс обчхудо жужакирибнаскирэ пане́са, ёв исын нажужо, исын лэ́скири мэл пэ лэ́стэ.

Biblija - Pe Baltitko Romani čib (Romanes) 2019

¹³ Kažno, kon lélape pal saveskire-manušéskiro trúpo, savó myjá i na vyžužakirdiá pes, magirela Ráskire-Devléskiri šátra; i xasjola odová manúš Izrailjoskire manušéndyr. Pal-dová so jov na sys občhudo žužakiribnaskire paniésa, jov isyn nažužo, isyn léskiri mel pe léste.

Čysly 19:13 Referans Kwoze

Левито 15:31

Адя́кэ ракхэ́н Израилёскирэ чхавэ́н лэ́нгирэ нажужакирибнастыр, соб (кай) ёнэ тэ на мэрэ́н дро пэ́скиро нажужыпэн, магири Миро кхэр (ша́тра), саво́ исын машкира́л лэ́ндэ.

Левито 22:3

Пхэн лэ́нгэ: ‘Ко́ли вари-кон сарэ́ тумарэ́ манушэ́ндыр дрэ тумарэ́ ро́ды, тэ рикирэ́л пэ пэ́стэ нажужыпэн, тэ подджа́л кэ свэнтыма, савэ́ посвэнцынэна Израилёскирэ чхавэ́ Ра́скэ-Дэвлэ́скэ, тэды тэ хасёл дова́ ди Мирэ́ мо́стыр. Мэ сом Рай Дэвэ́л.

Левито 7:20

ко́ли вари-саво́ ди, конэ́стэ исын пэ пэ́стэ нажужыпэн, явэ́ла тэ хал мас мирнонэ-жэртватыр Ра́скирэ-Дэвлэ́скирэ, тэды хасёла дова́ ди пэ́скирэ манушэ́ндыр;

Sykadyipén 22:15

А яври́ пал фо́ро исын джукэла, човаханэ, и кон дживдя́ джувле́нца сыр ромня́са би сэвлакиро, замарибнарья, и кон мангдя́пэ идолэ́нгэ, и сарэ́ яви́р, конэ́скэ дава́ сыс пир ило́ тэ ракирэ́л хохаибэ́н.

Sykadyipén 22:11

Мэк начачуно дурэды́р тэ кэрэ́л начачипэ́н, мэк ладжакирдо́ кэ магирибэн дурэды́р тэ кэрэ́л ладжаипэ́н. Мэк чачуно́ дурэды́р тэ кэрэ́л чачипэ́н; мэк свэ́нто дурэды́р тэ явэ́л Свэнтонэса.”

Sykadyipén 21:8

А даранду́ки, напатяибна́скирэ, магирдэ́ дро вари-со, замарибна́рья; одолэ́, кон кэрдя́ биладжаипэ́н, човаханэ́, кон клониндяпэ патыва́са (кэрдэ шэрэ́са) идолэ́нгэ, хохаибна́рья-лэ́нгири паш явэ́ла кхэтанэ́ дро зеро (озеро), со хачола яга́са и дзэвэля́са (сераса); дава́ исын-яви́р мэрибэ́н.”

Юдэ́нгэ 10:29

то, сыр тумэ́ думинэ́на, ци пэ бут пхарэдыр явэ́ла ка́ра пэ одолэ́ манушэ́стэ, саво́ сы́рбы штакирэла ґэрэ́нца Дэвлэ́скирэ Чхавэ́с и на гинэ́ла пал свэ́нто завето́скиро рат, савэ́са ёнэ кокоро́ сыс свэнцындло, и ракирэ́ла налачхэ́ лава́ пэ Ду́хо (Фа́но), Савэ́стыр амэ лыям бахталыпэ́н?

Joannostir 8:24

палдова́ Мэ и пхэндём тумэ́нгэ, со тумэ́ мэрэ́на дрэ тумарэ́ грэ́хи; ко́ли тумэ́ на упатяна, со дава́ сом Мэ, то тумэ́ сарэ́ мэрэ́на дрэ грэ́хи!”

Pritčy 14:32

Фуй мануша́ пэрэ́на пэ́скирэ фуипнастыр, нэ чачуно́ исын зоралэ́с тэрдо́ аж дро са́мо лэ́скиро мэрибэ́н.

Čysly 19:20

Нэ ко́ли вари-кон манушэ́ндыр явэ́ла нажужо и на выжужакирэ́ла пэс, тэды хасёла одова́ ману́ш пэ́скирэ манушэ́ндыр, пал-дова́ со ёв магирдя Ра́скирэ-Дэвлэ́скиро свэ́нто штэ́то; жужакирибнаскирэ пане́са ёв на обчхудо, ёв исын нажужо.

Čysly 19:18

и мэк вари-кон тэ лэл жужо́ исопо, и обмакнинэла лэс дро пани́, и почхувэла лэ́са ша́тра и сарэ́ кхорэ́ и манушэ́н, савэ́ исын дрэ лэ́стэ, и манушэ́с, саво́ лыяпэ пал манушэ́скиро кокало, ци кэ замардо, ци кэ муло́, ци кэ мулыкано́;

Čysly 19:9

и тэ́ньчи вари-кон жужо́ мэк тэ скэдэл рэцакири пра́ска (пепло) и чхувэ́ла ла пал ста́но пэ жужо́ штэ́то, и явэ́ла ёй тэ ракхэлпэ ваш Израилёскирэ манушэ́нгэ сыр пани́ тэ жужакирэнпэ: дава́ явэ́ла свэ́нто яныбэ́н Ра́скэ-Дэвлэ́скэ пал грэ́хо;

Čysly 15:30

Ко́ли вари-кон пэ́скирэ манушэ́ндыр ци манушэ́ндыр явирэ рига́тыр кэрэ́ла вари-со холямэ́ вастэ́са, тэды ёв, хай, калякирэла Рас-Дэвлэ́с: хасёла дова́ ди пэ́скирэ манушэ́ндыр,

Čysly 8:7

а соб (кай) лэн тэ выжужакирэс, кэр лэ́нца адя́кэ: обчхув лэн жужакирибнаскирэ (чыстонэ) пане́са, и мэк ёнэ тэ вымуравэн пэ́скирэ (выбриинэн) сарэ́ маса́ мурадлуняса (бритваса) и тэ выморэн пэ́скирэ урибэна́, и явэ́на ёнэ жужэ́ (чыста);

Левито 20:3

и Мэ рискира́ва Миро муй пэ одолэ́ манушэ́стэ и хасякира́ва лэс лэ́скирэ манушэ́ндыр, пал-дова́ со ёв отдыя́ пэ́скирэ чхавэ́ндыр Молохоскэ, соб (кай) тэ магирэл Миро свэ́нто штэ́то и тэ тэлякирэл свэ́нто Миро лав;

Левито 5:17

Ко́ли вари-кон кэрэ́ла грэ́хо и кэрэ́ла вари-со проти Ра́скирэ-Дэвлэ́скирэ припхэныбэна́, со на трэиндя́ тэ кэрэ́л, и пир наджиныбэн кэрэ́лапэ бангэса и лыджа́ла пэ пэ́стэ грэ́хо,

Левито 5:6

тэды мэк тэ янэл Ра́скэ-Дэвлэ́скэ пал пэ́скиро грэ́хо, саво́ ёв кэрдя́, свэ́нто дыибэ́н сы́рбы пал банг тыкнэ́ кхэритконэ́ мурдалэ́ндыр (ското́стыр), бакря́ ци бузня, пал грэ́хо, и выжужакирэ́ла лэс раша́й лэ́скирэ грэхостыр.

Левито 5:3

Ци ко́ли ёв чилавэлапэ кэ манушэ́скиро нажужыпэн (начыстота), саво́ тэ на явэ́л дава́ нажужыпэн, савэ́стыр магирэнапэ, и ёв на джиндя́ дава́, нэ коригэды́р (позжэды́р) ёв уджинэла, тэды ёв явэ́ла банго́.

Юдэ́нгэ 9:10

пал-дова́ со ёнэ отлыджанаспэ кэ упхэныбэна́, со сашты́ тэ хас, и со тэ пьес, сыр со тэ морэс (тэ халавэс), кэ амари́ лоч (плоть), лэ́ндэ исын зор кэ/ жы́ко дава́ часо, пака Дэвэ́л кэрэ́ла нэво́ ладо (порядко).

Левито 7:21

и ко́ли вари-саво́ ди, кон причилавэла кэ вари-со нажужо, кэ нажужыпэн Манушэ́скиро, ци кэ нажужо кхэри́тко мурда́л (кэ ското), ци кэ вари-саво́ нажужо ґадо (ползуно), явэ́ла тэ хал мас мирнонэ Ра́скирэ-Дэвлэ́скирэ свэнтонэ́ дыибна́стыр, тэды хасёла дова́ ди пэ́скирэ манушэ́ндыр.’”

Čysly 19:14

Ѓа́да, исын зако́но: ко́ли ману́ш мэрэ́ла дрэ ша́тра, тэды кажно (сва́ко), кон явэ́ла дрэ ша́тра, и саро́, со дрэ ша́тра, явэ́ла нажужо эфта́ дывэса́.

Čysly 19:19

и мэк тэ обчхувэл жужо́ ману́ш нажужэс пэ три́то дывэ́с и пэ эфта́то дывэ́с, и выжужакирэ́ла лэс пэ эфта́то дывэ́с; и выморэла ёв пэ́скирэ и́ди, и обморэла пэ́скирэ маса́ пане́са, и кэ бэльвэ́ль явэ́ла жужо́.

Езэкилё 44:26

А ке́ли кадасаво́ Левито жужакирэлапэ, то трэй, соб (кай) тэ отгинэл раша́й ишчо (инкэ́) эфта́ (битринэ́нгиро дэш) дывэса́.”

Vygiiben 30:33

кон чхувэ́ла дасаво-паць миро, ци кон лэ́са макхэла явирэ́с манушэ́с, одова́ ману́ш хасёла пэ́скирэ манушэ́ндыр.’”

Левито 22:4

Ние́кх Аароно́скирэ родо́стыр проказаса ци конэ́стэ тхадэ́ла, одолэ́скэ нашты́ тэ хал свэнтыма, пака ёв на выжужакирэлапэ; и кон чилавэ́ла вари-со нажужо мулэстыр, ци конэ́стэ вычхувэлапэ семё (сал),

Čysly 9:13

а кон исын жужо́ и нанэ дро дром, и на кэрэ́ла Патради́, – хасёла дова́ ди пэ́скирэ манушэ́ндыр, пал-дова́ со ёв на яндя́ свэ́нто дыибэ́н Ра́скэ-Дэвлэ́скэ дрэ пэ́скиро часо: лыджа́ла пэ пэ́стэ грэ́хо одова́ ману́ш,