Čysly 18:8 - Библия - Пэ Балтитко Романи чиб (Романэс) 2019

⁸ И пхэндя́ Рай Дэвэ́л Аароно́скэ: “Ѓа́да, Мэ допатява ту́кэ тэ дыкхэ́с, сыр янэ́на свэ́нто дыибэ́н ґаздыпнаса Ма́нгэ; сарэ́стыр, со янэ́на Израилёскирэ чхавэ́, Мэ дыём ту́кэ и тырэ́ чхавэ́нгэ, ваш тумаро́ рашаипэн, сыр упхэныбэ́н пэ ве́ко.

Biblija - Pe Baltitko Romani čib (Romanes) 2019

⁸ I phendiá Raj Devél Aaronóske: “Ĥáda, Me dopatiava túke te dykhés, syr janéna svénto dyibén ĥazdypnasa Mánge; saréstyr, so janéna Izrailjoskire čhavé, Me dyjom túke i tyré čhavénge, vaš tumaró rašaipen, syr uphenybén pe viéko.

Čysly 18:8 Referans Kwoze

Левито 6:16

а палатуно́ лэ́стыр мэк тэ хан Ааро́но и лэ́скирэ чхавэ́; пресно трэй тэ хан лэс пэ свэ́нто штэ́то, пэ грэ́да (дво́ро) дрэ скэдыибна́скири ша́тра мэк тэ хан лэс;

Левито 7:6

Сарэ́ рашаскирэ-родоскирэ мурша́ сашты́ (могинэ́на) тэ хан лэс; пэ свэ́нто штэ́то трэй тэ хан лэс: дава́ исын бари свэнтыма.

Левито 6:18

Саро́ Аароно́скирэ-муршытко ро́до могинэ́ла лэс тэ хал. Акэ, исын ве́чно котэ́р дрэ тумарэ́ ро́ды Ра́скирэ-Дэвлэ́скирэ свэнтонэ́ дыибнэндыр. Сарэ́, кон причилавэлапэ кэ ёнэ, освэнцинэнапэ.’”

Vygiiben 40:15

и помакх лэн, сыр помакхцян ту лэ́нгирэ дадэ́с, соб (кай) ёнэ тэ явэ́н Ма́нгэ рашанца, и лэ́нгиро помакхибэн тэ высвэнцынэл лэн пэ ве́ки дрэ лэ́нгирэ ро́ды.”

Vygiiben 40:13

и чхув пэ Аароностэ свэ́нта урибэна́, и помакх лэс и высвэнцын лэс, соб (кай) ёв тэ явэ́л Ма́нгэ раша́са.

Vygiiben 29:29

А обсвэнциндлэ урибэна́, савэ́ исын ваш Аароно́скэ, пириджана коригэды́р (позжэды́р) лэ́стыр кэ лэ́скирэ чхавэ́, соб (кай) дрэ лэ́ндэ тэ макхэс лэн и тэ высвэнцынэс лэн сыр раша́н;

1 Ian 2:27

нэ помакхибэн, Свэ́нто Ду́хо (Фа́но), Саво́ тумэ́ дорэснэ́ Христосостыр, ячэ́лапэ дрэ тумэ́ндэ, и тумэ́ндэ нанэ трэ́бима, соб (кай) вари-кон тэ сыклякирэ́л тумэн. И дава́ Свэ́нто Ду́хо (Фа́но) сыклякирэ́ла тумэн, и Ёв сыс чачуно́ и нанэ хохано́. И сыр Свэ́нто Ду́хо (Фа́но) высыклякирдя тумэн, ячэ́нпэ дро екхипэ́н Христосо́са.

1 Ian 2:20

Нэ тумэ́ дорэснэ́ Свэ́нто Ду́хо (Фа́но) Христосостыр, и тумэ́ джинэ́на саро́ чачипэ́н.

Юдэ́нгэ 1:9

Ту́кэ пир ило́ чачипэ́н и Ту́кэ исын на пир ило́ дова́, со исын проти Зако́но, пал-дова́ со Дэвэ́л, Тыро́ Дэвэ́л дыя́ паты́в и ра́дыма Ту́кэ буты́р, сыр Тырэ́ малэ́нгэ (другэ́нгэ).”

Isajos 10:27

Явэ́ла дро дова́ дывэ́с – злэлапэ пхарипэ́н тырэ́ мэнятыр, пэрэ́ла пхарипэ́н тхулэ масэстыр.

Яви́р Зако́но 26:13

то тэ́ньчи пхэн анги́л Растэ-Дэвлэ́стэ, Дэвлэ́стэ тырэстэ: “Мэ выкэдыём мирэ́ кхэрэ́стыр свэ́нта дэшэнгирья, и отдыём лэн Левитоскэ, манушэ́скэ, саво́ явдя́ явирэ рига́тыр, пиротоскэ и пивлякэ, пир саро́ Тыро́ упхэныбэ́н, саво́ Ту ракирдян ма́нгэ: мэ на пиригиём Тырэ́ припхэныбэна́ и на бистырдём;

Яви́р Зако́но 12:11

то тэды, саво́ штэ́то выкэдэ́ла Рай Дэвэ́л, Дэвэ́л тумаро́, соб (кай) тэ явэ́л лав Лэ́скиро одо́й, одори́к янэ́н саро́, со мэ пхэна́ва тумэ́нгэ: тумарэ́ цэ́ла схачкирибэна и тумарэ́ свэ́нта дыибэна́ Ра́скэ-Дэвлэ́скэ, тумарэ́ дэшэнгирья (десятины) и тумарэ́ вастэнгиро ґаздыпэн, и саро́, со исын выкэдымо фэды́р пир тумарэ́ совэла, пал со тумэ́ дынэ́ лав Ра́скэ-Дэвлэ́скэ;

Яви́р Зако́но 12:6

и одори́к янэ́н тумарэ́ цэ́ла схачкирибэна, и тумарэ́ свэ́нта дыибэна́ Ра́скэ-Дэвлэ́скэ, и тумарэ́ дэшэнгирья (десятины), и тумарэ́ вастэнгиро ґаздыпэн, и тумарэ́ совэла, и тумаро́ яныбэ́н пир пэ́скиро ило́, и англатунэн (пэрвонэ́ бияндлэн) тумарэ́ барэ́ и тыкнэ́ тумарэ́ кхэритконэ́ мурдалэ́ндыр (ското́стыр);

Čysly 18:9

Ѓа́да, со исын тыро́ самонэ барэ́ яныбнаскирэ свэнтыматыр, со янэ́на пэ яг: кажно лэ́нгиро маруно́ яныбэ́н, и кажно лэ́нгиро свэ́нто яныбэ́н пал грэ́хо, и кажно свэ́нто яныбэ́н пал лэ́нгири банг, со ёнэ янэ́на Ма́нгэ, дава́ тэ явэ́л сыр бари свэнтыма ту́кэ и тырэ́ чхавэ́нгэ.

Левито 21:10

И баро́ раша́й пэ́скирэ пшалэ́ндыр, пэ савэскиро шэро́ чхувэ́ла макхибнаскиро елеё (дзэт), и саво́ исын высвэнцындло, соб (кай) тэ урьелпэ дрэ свэ́нта ризы, нашты́ тэ нангякирэл пэ́скиро шэро́ и тэ на кушэл пэ́скирэ ризы;

Левито 8:30

И лыя́ Мо́йза макхибнытко елеё и рат, саво́ сыс пэ алта́рё, и побрызгиндя Аароно́с и лэ́скирэ и́ди, и лэ́скирэ чхавэ́н и лэ́скирэ чхавэ́нгирэ и́ди лэ́са; и адя́кэ высвэнцындя Аароно́с и лэ́скирэ и́ди, и лэ́скирэ чхавэ́н и и́ди лэ́скирэ чхавэ́нгирэ лэ́са.

Левито 6:26

О раша́й, саво́ янэ́ла свэ́нто дыибэ́н пал грэ́хо, банго́ тэ хал лэс. Лэс трэй тэ хал пэ свэ́нто штэ́то, пэ грэ́да (дво́ро) анги́л ша́тра скэдыибна́скири.

Левито 6:20

“Ѓа́да, исын яныбэ́н Аароностыр и лэ́скирэ чхавэстыр, саво́ ёнэ янэ́на Ра́скэ-Дэвлэ́скэ дро свэ́нто дыибэ́н дро дывэ́с, ке́ли лэс помакхэна: дэ́што эфакири паш парнэ́-гивэскири яржэстыр дро свэ́нто дыибэ́н саро́ часо, паш далэ́стыр ваш зло́ко (ра́нко) и яви́р паш ваш бэльвэ́ль;

Vygiiben 29:21

и лэ рат, саво́ исын пэ алта́рё, и макхибнытко алеё, и брызгин пэ Аароностэ и пэ лэ́скирэ урибэна́, и пэ лэ́скирэ чхавэ́ндэ, и пэ лэ́скирэ-чхавэ́нгирэ урибэна́ лэ́са – и явэ́на высвэнцындлэ ёнэ, ёв и лэ́скирэ и́ди, и лэ́скирэ чхавэ́ и лэ́нгирэ урибэна́ лэ́нца.

1 Коринфянэнгэ 9:13

Ци тумэ́ на джинэ́на, со одолэ́, кон кэрэ́ла свэ́нто буты́, чалякирэнапэ далэ́стыр, со исын яндло сыр свэ́нто дыибэ́н дрэ Кхангири́; одолэ́, савэ́ дынаринэна пашы́л алта́рё, лэ́на пэ́скири паш долэ́стыр, со янэлапэ пэ алта́рё.

Левито 7:14

екх вари-со сарэ́ яныбнастыр пэскирэстыр, мэк тэ янэл ёв дро ґаздыпэн Ра́скэ-Дэвлэ́скэ: дава́ отлыджалапэ раша́скэ, саво́ брызгинэла мирнонэ-жэртвакирэ (раманёнэ-свэнтонэ́ дыибнаскирэ) ратэ́са;

Левито 7:28

И пхэндя́ Рай Дэвэ́л Мойза́скэ дасавэ́ лава́:

2 Паралипоменоно 31:4

И буты́р: припхэндя́ ёв манушэ́нгэ, савэ́ дживэ́на кэ Ерусалимо, тэ дэн лэ́нгири бажын (плэскирибэн) тэ рикирэ́н раша́н и Левитэ́н, соб (кай) ёнэ тэ явэ́н дро зорало́ ду́хо (фа́но) пир Ра́скирэ-Дэвлэ́скиро Зако́но.

Vygiiben 28:43

и мэк тэ явэ́н ёнэ пэ Аароностэ и пэ лэ́скирэ чхавэ́ндэ, ке́ли ёнэ явэ́на тэ заджа́н дрэ ша́тра (ски́ния) ваш скэдыибэ́н ци тэ подджан кэ алта́рё (жэртвенико) тэ дынаринэ́н пэ свэ́нто штэ́то, соб (кай) лэ́нгэ тэ на лыджа́н пэ пэ́стэ грэ́хо и тэ на мэрэ́н. Дава́ исын стату́то пэ ве́ко ваш лэ́скэ и ваш лэ́скирэ-чхавэ́нгирэ чхавэ́нгэ пал лэ́стэ.

Vygiiben 29:28

и явэ́ла дава́ Аароно́скэ и лэ́скирэ чхавэ́нгэ дро ве́чно стату́то (уставо), пал-дова́ со дава́ исын свэ́нто дыибэ́н ґаздыпнаса и дава́ явэ́ла яныбэ́н Израилёскирэ чхавэ́ндыр, саво́ трэй, соб (кай) ёв тэ явэ́л анги́л мирна свэ́нта дыибэна́ лэ́ндэ, дава́ явэ́ла лэ́нгиро свэ́нто дыибэ́н ґаздыпнаса Ра́скэ-Дэвлэ́скэ.

Левито 23:20

О раша́й исын банго́ тэ янэл дава́, тринскири анги́л Растэ-Дэвлэ́стэ, кхэтанэ́ тринскирдэ марэ́са пэрвонэ́ барьякирдэскирэ (плодоскирэ) и дуе бакрэнца. Дава́ явэ́ла посвэнцындло Ра́скэ-Дэвлэ́скэ; ваш раша́скэ,

Čysly 5:9

и кажно свэ́нто яныбэ́н Израилёскирэ чхавэ́ндыр саро́ свэнтонэндыр, савэ́ ёнэ янэ́на кэ раша́й, отдэ́н лэ́скэ,

Яви́р Зако́но 18:1

Левитэ́нгирэ рашангэ, сарэ́ Левиёскирэ родыцо́скэ, на явэ́ла паш и миштыпна́скири ме́ра Израилёса: ёнэ исын бангэ́ тэ чалякирэнпэ свэнтонэ́ яныбнастыр Ра́скэ-Дэвлэ́скэ и Лэ́скирэ пашэ́са;

4 Kralip 12:16

Руп пал свэ́нто яныбэ́н Ра́скэ-Дэвлэ́скэ пал чорипэ́н и руп пал свэ́нто яныбэ́н Ра́скэ-Дэвлэ́скэ пал грэ́хо на янэ́нас дро Ра́скирэ-Дэвлэ́скиро Кхэр: рашангэ ёв сыс тэ отдэлпэ.

2 Паралипоменоно 31:5

Ке́ли сыс пхэндло́ зоралэ́с манушэ́нгэ дава́ упхэныбэ́н, тэды яндлэ́ Израилёскирэ чхавэ́ древа́н бут англатунэ́ пло́ды марэстыр, моля́тыр (виностыр), и ксилэстыр, и авгинэстыр, и кажно со бария пэ фэ́лда; и дэшэнгирья сарэ́стыр яндлэ́ древа́н бут.