Čysly 18:11 - Библия - Пэ Балтитко Романи чиб (Романэс) 2019

¹¹ И ґа́да, ишчо (инкэ́) со ту́кэ: лэ́нгирэ свэнтонэ́ яныбнаскирэ ту́кэ да́ры и свэ́нта дыибэна́ ґаздыпнаса сарэ́ Израилёскирэ чхавэ́ндыр. Мэ дыём ту́кэ свэ́нто дыибэ́н, и тырэ́ чхавэ́нгэ, и тырэ́ чхаенгэ ту́са сыр упхэныбэ́н пэ ве́ко; кажно жужо́ ману́ш дро тыро́ кхэр сашты́ (могинэ́ла) тэ хал дава́.

Biblija - Pe Baltitko Romani čib (Romanes) 2019

¹¹ I ĥáda, iščo (inké) so túke: léngire sventoné janybnaskire túke dáry i svénta dyibená ĥazdypnasa saré Izrailjoskire čhavéndyr. Me dyjom túke svénto dyibén, i tyré čhavénge, i tyré čhajenge túsa syr uphenybén pe viéko; kažno žužó manúš dro tyró kher saštý (moginéla) te xal davá.

Čysly 18:11 Referans Kwoze

Яви́р Зако́но 18:3

И, акэ, со трэй тэ явэ́л чхудо рашангэ манушэ́ндыр, савэ́ янэ́на дрэ свэ́нто дыибэ́н Ра́скэ-Дэвлэ́скэ гурувэ́н ци бакрэ́н: ёнэ исын бангэ́ тэ отдэ́н раша́скэ псико́, жанды (пашчонки) и кужум (жэлудко);

Левито 10:14

и колы́н тринскирибнаскиро, псико́ ґаздыпнаскиро хан пэ жужо́ штэ́то, ту и тырэ́ чхавэ́, и тырэ́ чхая́ ту́са, пал-дова́ со дава́ дыно́ дро котэ́р ту́кэ и дро котэ́р тырэ́ чхавэ́нгэ Израилёскирэ чхавэ́нгирэ мирнонэ свэнтонэ́ дыибна́стыр;

Čysly 18:8

И пхэндя́ Рай Дэвэ́л Аароно́скэ: “Ѓа́да, Мэ допатява ту́кэ тэ дыкхэ́с, сыр янэ́на свэ́нто дыибэ́н ґаздыпнаса Ма́нгэ; сарэ́стыр, со янэ́на Израилёскирэ чхавэ́, Мэ дыём ту́кэ и тырэ́ чхавэ́нгэ, ваш тумаро́ рашаипэн, сыр упхэныбэ́н пэ ве́ко.

Левито 7:14

екх вари-со сарэ́ яныбнастыр пэскирэстыр, мэк тэ янэл ёв дро ґаздыпэн Ра́скэ-Дэвлэ́скэ: дава́ отлыджалапэ раша́скэ, саво́ брызгинэла мирнонэ-жэртвакирэ (раманёнэ-свэнтонэ́ дыибнаскирэ) ратэ́са;

Čysly 18:1

И пхэндя́ Рай Дэвэ́л Аароно́скэ: “Ту и тырэ́ чхавэ́ и кхэр тырэ́-дадэ́скиро ту́са лыджа́на пэ пэ́стэ отпхэныбэ́н пал бизладо пэ свэ́нто штэ́то: и ту и тырэ́ чхавэ́ ту́са лыджа́на пэ пэ́стэ грэ́хо пал бизладо пэ тумаро́ свэ́нто штэ́то.

Čysly 18:10

Пэ са́мо свэ́нто штэ́то хан дава́, сарэ́ мурша́ сашты́ тэ хан, дава́ мэк тэ явэ́л ваш ту́кэ.

Čysly 18:19

Кажно свэ́нто дыибэ́н ґаздыпнаса, саво́ Израилёскирэ чхавэ́ янэ́на Ра́скэ-Дэвлэ́скэ, Мэ отда́ва ту́кэ, и тырэ́ чхавэ́нгэ, и чхаенгэ тырэнгэ ту́са сыр упхэныбэ́н дро ве́ко, дава́ исын завето лондэскиро пэ ве́ки анги́л Растэ-Дэвлэ́стэ, саво́ сыс дыно́ ваш ту́кэ и родо́скэ тырэ́скэ ту́са.”