Čysly 18:1 - Библия - Пэ Балтитко Романи чиб (Романэс) 2019

¹ И пхэндя́ Рай Дэвэ́л Аароно́скэ: “Ту и тырэ́ чхавэ́ и кхэр тырэ́-дадэ́скиро ту́са лыджа́на пэ пэ́стэ отпхэныбэ́н пал бизладо пэ свэ́нто штэ́то: и ту и тырэ́ чхавэ́ ту́са лыджа́на пэ пэ́стэ грэ́хо пал бизладо пэ тумаро́ свэ́нто штэ́то.

Biblija - Pe Baltitko Romani čib (Romanes) 2019

¹ I phendiá Raj Devél Aaronóske: “Tu i tyré čhavé i kher tyré-dadéskiro túsa lydžána pe péste otphenybén pal bizlado pe svénto štéto: i tu i tyré čhavé túsa lydžána pe péste grého pal bizlado pe tumaró svénto štéto.

Čysly 18:1 Referans Kwoze

Vygiiben 28:38

и явэ́ла ёй пэ Аароноскиро шэро́, и лыджа́ла пэ пэ́стэ Ааро́но яныбнаскирэ надо ухтылыбэна, ке́ли высвэнцынэнас Израилёскирэ чхавэ́ндыр, и сарэ́ да́ры, савэ́ ёнэ янэ́нас; и явэ́ла ёй саро́ часо пэ лэ́скиро шэро́, соб (кай) ёнэ тэ латхэ́н ла́ска анги́л Растэ-Дэвлэ́стэ.

1 Petr 2:24

Христо́со Кокоро́ Пэ́скирэ Масэнца ґаздыя́ амарэ́ грэ́хи пэ трушу́л, соб (кай) амэ тэ явас мулэ́ ваш грэ́хо и тэ джива́с пир чачипэ́н: Лэ́скирэ фра́нсы (раны) высастякирдэ тумэн.

Юдэ́нгэ 13:17

Кандэ́н пэ́скирэ сыклякирибнарьен, савэ́ лыджа́на тумэн, кэрэ́н саро́, со ёнэ пхэнэ́на тумэ́нгэ; пал-дова́ со ёнэ саро́ часо пэкэнапэ (заботисона) пал тумаро́ ду́хо (фа́но), ёнэ исын сы́рбы мануша́, савэ́ явэ́на тэ отпхэнэн анги́л Лэ́стэ, соб (кай) ёнэ тэ кэрэ́н радыма́са дава́, а на тэ дэн ґондя́ (на тэ ўздыхинэн), тэды на явэ́ла фэдэды́р тумэ́нгэ.

Юдэ́нгэ 4:15

Амэ́ндэ исын на адасаво́ англатуно́ раша́й, саво́ на могинэ́ла тэ помогинэл (тэ подэл васт) амэ́нгэ дро амаро́ бизорьякирибэн, нэ Адасаво́ Англатуно́ Раша́й, Саво́ сыс пропатякирдо дро саро́, нэ сыр и амэ, нэ Саво́ на кэрдя́ грэ́хо.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Čysly 17:13

Кажно, кон подджа́ла кэ Ра́скирэ-Дэвлэ́скири ша́тра, мэрэ́ла: ци на приджалапэ сарэ́нгэ амэ́нгэ тэ мэрас?”

Čysly 17:7

И чхудя́ Мо́йза дэстэ́ анги́л Ра́скирэ-Дэвлэ́скиро муй, дрэ ша́тра досыкаибна́са (ски́ния).

Čysly 17:3

лав Аароноскиро зачхин пэ Левиёскиро дэсто́, пал-дова́ со екх дэсто́ лэ́нгирэ родыцоскирэ барыдырэстыр трэй ёнэ тэ дэн;

Čysly 14:34

пир штарэ́-дэшэнгиро-дывэсэнгиро прогиибэн, дрэ савэ́ тумэ́ обдыкхнэ пхув, тумэ́ лыджа́на ка́ра пал тумарэ́ грэ́хи штардэша́ бэрш, бэрш пал дывэ́с, соб (кай) тумэ́ тэ джинэ́н, со исын дасаво тэ явэ́н одолэнца манушэ́нца, савэ́н Мэ мэкцём.

Левито 22:9

Мэк тэ ракхэ́н ёнэ Мирэ́ упхэныбэна́, соб (кай) тэ на лыджа́н пэ пэ́стэ грэ́хо, и тэ на мэрэ́н дрэ лэ́стэ, ке́ли ёнэ пхагирэна дава́. Мэ сом Рай Дэвэ́л, саво́ свэнцякирэла лэн.

Левито 10:17

“Со́скэ тумэ́ на ханэ́ свэ́нта дыибэна́ пал грэ́хо пэ свэ́нто штэ́то? Пал-дова́ со ёй исын бари свэнтыма, и ёй дыны́ тумэ́нгэ, соб (кай) тэ лэн пэ пэ́стэ грэ́хи манушэ́ндыр и тэ жужакирэн лэн анги́л Дэвлэ́стэ;

Левито 22:16

и лэ́нгэ нашты́ тэ выкхарэн пэ пэ́стэ банг дро чорипэ́н, ке́ли явэ́на тэ хан пэ́скири свэнтыма, пал-дова́ со Мэ сом Рай Дэвэ́л, Саво́ свэнцынэла лэн.’”

Čysly 3:6

“Ян Левиёскиро ро́дыцо (чанг), и чхув лэс раша́са анги́л Аароностэ, соб (кай) ёнэ тэ дынаринэ́н (тэ служынэн) лэ́скэ;

Čysly 16:10

Ёв кэрдя́ пашылэды́р тут кэ Пэ и ту́са сарэ́н тырэ́н пшалэ́н, Левиёскирэ чхавэ́н, и тумэ́ домарэнапэ ишчо (инкэ́) тэ ячэн рашанца.

Čysly 18:11

И ґа́да, ишчо (инкэ́) со ту́кэ: лэ́нгирэ свэнтонэ́ яныбнаскирэ ту́кэ да́ры и свэ́нта дыибэна́ ґаздыпнаса сарэ́ Израилёскирэ чхавэ́ндыр. Мэ дыём ту́кэ свэ́нто дыибэ́н, и тырэ́ чхавэ́нгэ, и тырэ́ чхаенгэ ту́са сыр упхэныбэ́н пэ ве́ко; кажно жужо́ ману́ш дро тыро́ кхэр сашты́ (могинэ́ла) тэ хал дава́.

Яви́р Зако́но 10:8

Дро дова́ часо выкэдыя́ (чхудя́ дрэ риг) Рай Дэвэ́л Левиёскиро ро́дыцо, соб (кай) ёнэ тэ лыджа́н Ра́скирэ-Дэвлэ́скиро завето́скиро ковчэго, тэ дынаринэ́н Лэ́скэ и тэ бахтякирэн Лэ́скирэ лавэ́са, сыр дава́ кэрэ́на кэ дава́ дывэ́с;

Сэндарьенгири Лылвари́ 17:12

Миха высвэнцындя Левитос, и адава́ тэрно́ ману́ш сыс лэ́стэ раша́са, и дживдя́ дро Михаскиро кхэр.

Езэкилё 4:4

А ту пасёв пэ тыро́ зэ́рво пашваро, чхув пэ лэ́стэ Израилёскирэ-кхэрэ́скиро чорипэ́н. Кицы́ дывэса́ ту явэ́са тэ пасёс, ада́кицы дывэса́ ту явэ́са тэ лыджас лэ́нгиро чорипэ́н.