Čysly 17:2 - Библия - Пэ Балтитко Романи чиб (Романэс) 2019

² “Пхэн Израилёскирэ чхавэ́нгэ, и лэ лэ́ндыр пир дэсто́ дадэнги́рэ родыцо́стыр, сарэ́ лэ́нгирэ барыдырэндыр пир ро́дыцы, дэшуду́й и кажнонэскиро лав зачхин пэ лэ́скиро дэсто́;

Biblija - Pe Baltitko Romani čib (Romanes) 2019

² “Phen Izrailjoskire čhavénge, i le léndyr pir destó dadengíre rodycóstyr, saré léngire barydyrendyr pir ródycy, dešudúj i kažnoneskiro lav začhin pe léskiro destó;

Čysly 17:2 Referans Kwoze

Mihiejo 7:14

(Дэ́вла!) Чарав дэстэса Тырэ́ манушэ́н, кон исын дро ґурто Тырэ́-миштыпнаскиро, савэ́ дживэ́на кокорэ́ пэ́скэ дро вэш, машки́р Кармило: мэк ёнэ тэ чаравэнпэ пэ Васа́но и пэ Галаа́до, сыр сыс дрэ ґаратунэ́ дывэса́.

Езэкилё 21:13

Курта́ла исын пропатякирды. И со ко́ли ёй ґаздэ́лапэ пэ крали́тко дэсто́? То дэсто́ на вырикирла,’ – ракирэ́ла Рай Дэвэ́л, Дэвэ́л.

Езэкилё 21:10

Кэрды востро (чолалы) ваш дова́, соб (кай) бут тэ мулякирэ́л, жужакирды, соб (кай) тэ хачол, сыр блискавица. Ци трэй амэ́нгэ тэ радынаспэ, со Мирэ́ – чхавэ́скирэ дэсто́ исын вучэды́р кажнонэ́ каштэ́стыр?

Езэкилё 19:14

И выгия́ яг ла́кирэ стволостыр вэткэнца, и похая ла́кирэ пхаба́ адя́кэ, со на ячнэ́пэ зоралэ́ рандя́ ваш дэстэ́ барыдырэ́нгэ. Дава́ исын роибнытко гилы́ фэ́ни тэ ровэ́н тэл ла́тэ.’”

Psalmy 125:3

Чорэ́-манушэ́нгиро дэсто́ на явэ́ла тэ рикирэ́л зор пэ пхув, кай исын чачипнаскирэ мануша́, соб (кай) чачипнаскирэ мануша́ тэ на рискирэ́н пэ́скирэ васта́ кэ чорипэ́н.

Psalmy 110:2

Рай Дэвэ́л бичхавэ́ла Тырэ́-зорьякиро крали́тко дэсто́ Сионо́стыр: “Ту хулаин машки́р Тырэ́ вэргэ́ндэ.”

Vygiiben 4:17

и лэ дэсто́ дава́ дро тыро́ васт: лэ́са ту явэ́са тэ кэрэ́с знаме́нии (ґертыка́).”

Vygiiben 4:2

И пхэндя́ лэ́скэ Рай Дэвэ́л: “Со дава́ исын дро васт ту́тэ? Ёв отпхэндя́: “Дэсто́.”

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Čysly 17:1

И пхэндя́ Рай Дэвэ́л Мойза́скэ, ракири́:

Čysly 17:3

лав Аароноскиро зачхин пэ Левиёскиро дэсто́, пал-дова́ со екх дэсто́ лэ́нгирэ родыцоскирэ барыдырэстыр трэй ёнэ тэ дэн;

Vygiiben 30:26

и помакх лэ́са ша́тра ваш скэдыибэ́н и ковчэго досыкаибна́са (откровенияса),

Čysly 7:1

Ке́ли Мо́йза чхудя́ ша́тра (ски́ния), и помакхця ла, и обсвэнцындя ла и алта́рё, и саро́, со трэй ваш лэ́скэ, и помакхця лэн и обсвэнциндя лэн,

2 Паралипоменоно 31:17

И рашангэ, савэ́н залыджинэ дро пиричхиныбэн, пир лэ́нгирэ стрэ́чы (поколе́нии), и Левитэ́нгэ бишэ́ бэршэ́ндыр и буты́р, пэ лэ́нгирэ бутя́, и пэ лэ́нгирэ отделы (зме́ны).