Biblia Todo Logo
Bib sou entènèt

- Piblisite -




Čysly 16:3 - Библия - Пэ Балтитко Романи чиб (Романэс) 2019

3 И скэдынэ́пэ проти Мойзастэ и Аароностэ, и пхэндлэ́ лэ́нгэ: “Ухты́лла (до́си) тумэ́нгэ, саро́ скэдыибэ́н, сарэ́ мануша́ исын свэ́нта, и машки́р лэ́ндэ исын Рай Дэвэ́л! Со́скэ тумэ́ ґаздэ́на пэс вучэды́р Ра́скирэ-Дэвлэ́скирэ манушэ́ндыр?”

Gade chapit la Kopi

Biblija - Pe Baltitko Romani čib (Romanes) 2019

3 I skedynépe proti Mojzaste i Aaronoste, i phendlé lénge: “Uhtýlla (dósi) tuménge, saró skedyibén, saré manušá isyn svénta, i maškír lénde isyn Raj Devél! Sóske tumé ĥazdéna pes vučedýr Ráskire-Devléskire manušéndyr?”

Gade chapit la Kopi




Čysly 16:3
20 Referans Kwoze  

И ёнэ зэвлындлэ Мойза́скэ пэ штэ́то яврял форо́стыр Ароноскэ, свэнтонэ́ Ра́скирэ-Дэвлэскирэскэ.


и пхэнэ́на далэ́-пхувья́кирэ манушэ́нгэ, савэ́ шундлэ́, со Ту, Раё Дэ́вла, дживэса машки́р адалэ́ манушэ́ндэ, и со Ту, Раё Дэ́вла, дэ́са лэ́нгэ тэ дыкхэ́с Пэс муй кэ муй, и о́блоко Тыро́ тэрдо́ пэ лэ́ндэ, и Ту джа́са анги́л лэ́ндэ дывэсэ́ дро облокоскиро сты́лбо, и раты́ дро ягакиро сты́лбо;


а тумэ́ Ма́ндэ явэ́на раша́нгирэ кралипнаса и свэнтонэ́ манушэ́нца; ґа́да, исын лава́, савэ́ ту пхэнэ́са Израилёскирэ чхавэ́нгэ.”


и атася́ чхувэ́н дрэ лэ́ндэ яг, и чхувэ́н дрэ лэ́ндэ фимиа́мо (гудлэ́ смо́лы) тэ тхувлякирэн анги́л Растэ-Дэвлэ́стэ; и конэ́с выкэдэ́ла Рай Дэвэ́л, одова́ и явэ́ла свэ́нто. Ухты́лла (до́си) тумэ́нгэ, Левиёскирэ чхавэ́!”


Тумэ́ сан пхарэ́-илытка мануша́, савэ́ шунэ́на Дэвлэ́скиро лав, а сы́рбы кашукэ усае́кх кэрэ́на пир пэ́скиро! Тумэ́ сан адасавэ́-паць, сыр и тумарэ́ дада́, тумэ́ ўса́ды (сак) (усегда) са́нас проти Свэ́нто Ду́хо (Фа́но).


Савэс амарэ́ дада́ на закамлэ тэ кандэ́н, и на прилынэ́ лэс, а рисинэ́ пэ́скирэ илэнца кэ Еги́пто,


Со́скэ тумэ́ дыкхэ́на зэвлыныпнаса, бэргэнгирэ вучипэна́ пэ бэ́рга, кай Дэвэ́л выкэдыя́ тэ дживэ́л? Чачо́, Рай Дэвэ́л дживэ́ла пэ ла́тэ, пэ сарэ́ ве́ки.


Ёнэ лынэ́ пэ́скэ лэ́нгирэ чхае́н и ваш пэ́скирэ чхавэ́нгэ, и свэ́нто рат дрэ Дэвлэ́скиро ро́до змешындяпэ явирэ-манушытконэ́ нацые́нца пэ долэ́ пхувья́, и чачэс, тхагарье́нгиро и тхэмэ́скирэ-барыдырэнгиро васт лыджия́ явирэ́н кэ чорипэ́н.”


Тумэ́ нашты́ тэ магирэ́н пхув, пэ сави́ тумэ́ дживэ́на, машки́р сави́ сом Мэ: пал-дова́ со Мэ Рай Дэвэ́л джива́ва машки́р Израилёскирэ чхавэ́ндэ.’”


И адя́кэ ту и сарэ́ тырэ́ мануша́ скэдынэ́пэ проти Растэ-Дэвлэ́стэ. Со исын дасаво Аароноса, со тумэ́ холя́са жалинэнапэ пэ лэ́стэ?”


и выбичхавэн муршэ́н и джувле́н, пал ста́но выбичхавэн лэн, соб (кай) тэ на магирэ́н ёнэ пэ́скирэ станы, машкира́л савэ́ндэ Мэ джива́ва.”


Пэ яви́р дывэ́с саро́ Израилёскирэ-чхавэ́нгиро скэдыибэ́н лыя́ тэ ракирэ́л холя́са пэ Мойзастэ и Аароностэ, и ракирдэ́: “Тумэ́ мулякирдэ́ Ра́скирэ-Дэвлэ́скирэ манушэ́н.”


Нанэ дыкхно чорипэ́н дрэ Яковостэ, и нанэ бицялы би́да дро Израилё; лэ́скиро Рай Дэвэ́л, исын лэ́са, и трубитко зан лэ́стэ, сыр крали́стэ;


Swiv nou:

Piblisite


Piblisite