Čysly 16:15 - Библия - Пэ Балтитко Романи чиб (Романэс) 2019

¹⁵ Мо́йза древа́н холя́сыя, и пхэндя́ Ра́скэ-Дэвлэ́скэ: “На ри́скир Тырэ́ якха́ пэ лэ́нгиро яныбэ́н. Мэ на лыём лэ́ндыр ни екхэ осло́с, и на кэрдём фуипэ́н ниекхэскэ лэ́ндыр.”

Biblija - Pe Baltitko Romani čib (Romanes) 2019

¹⁵ Mójza drieván xoliásyja, i phendiá Ráske-Devléske: “Na rískir Tyré jakhá pe léngiro janybén. Me na lyjom léndyr ni jekhe oslós, i na kerdjom fuipén nijekheske léndyr.”

Čysly 16:15 Referans Kwoze

2 Коринфянэнгэ 7:2

Откэрэн пэ́скиро ило́ ваш амэ́нгэ: амэ ниекхэ́с на холякирдям, амэ никонэ́скэ на кэрдя́м чорипэ́н, амэ никонэстыр на лыям ко́фо (процэнто) ваш пэ́скэ.

1 Фесалоникийцэнгэ 2:10

Тумэ́ и Дэвэ́л сан якхи́тка амэ́нгэ, со сыр амэ са́мас машки́р тумэ́ндэ, саро́ кэрдя́м сыр свэ́нта и чачунэ́ и бидошэнгирэ.

Эфесянэнгэ 4:26

Ко́ли тумэ́ холясона, на кэрэ́н грэ́хо: на явэ́н холынакирэ саро́ дывэ́с,

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

1 Коринфянэнгэ 9:15

Нэ мэ на́ ла́вас нисо́ дасаво. Ѓа́да, мэ чхиндём дава́ на ваш дова́, соб (кай) адя́кэ тэ явэ́л ма́нца; пал-дова́ со фэды́р бы сыс ваш ма́нгэ тэ мэрав, соб (кай) вари-кон тэ на шарэл ман, со мэ кэрдём дава́ би ловэнгиро.

Marko 3:5

Тэды Ису́со облыджия лэн холямэ́ дыкхибнаса, и тугиндя пал лэ́нгирэ пхарэ́ илэ, и пхэндя́ калекаскэ: “Протырдэ тыро́ васт!” Ёв протырдыя́, и васт лэ́скиро яця́ састо́ сарэ́са.”

Матфеё 5:22

Нэ Мэ ракира́ва тумэ́нгэ: ‘Кажно, кон холясо́ла пэ пэ́скирэ пшалэ́стэ ни палсо́, джа́ла тэл сэ́ндо. Кон жа пхэнэ́ла пэ́скирэ пшалэ́скэ ‘дылыно́’, явэ́ла дрэ дар Синедрионостыр. И кон пхэнэ́ла ‘бигодякиро’, явэ́ла дрэ дар, со джа́ла дро лю́но (адо) яга́са.

Čysly 12:3

Мо́йза сыс ману́ш ковлэдыр (смиренэдыр) сарэ́ манушэ́ндыр пэ пхув.

Vygiiben 32:19

Ке́ли ёв подги́я кэ ста́но и дыкхця́ гуруво́рэс и кхэлыбэн, тэды ёв захачи́я холя́са, и чхурдыя́ пэ́скирэ вастэ́ндыр скрижа́ли, и розмардя́ лэн тэл бэ́рга;

Čysly 16:16

И пхэндя́ Мо́йза Кореёскэ: “Атася́ ту, и сарэ́ тырэ́ мануша́, явэ́н тэ тэрдён анги́л Ра́скирэ-Дэвлэ́скиро муй, ту, ёнэ, и адя́кэ-паць Ааро́но;

2 Kralip 22:22

Пал-дова́ со мэ ракхцём дрома́ Ра́скирэ-Дэвлэ́скирэ, и мэ на со́мас злыднитко анги́л Растэ-Дэвлэ́стэ мирэстэ,

Pritčy 21:27

Фуе-манушэ́нгиро свэ́нто дыибэ́н выкхарэла джунгалыпэ́н (брыткима), пэ кицы́ джунгалэдыр (брыткэдыр) исын дава́ чуин, ке́ли ёв янэ́ла свэ́нто дыибэ́н, фуес думиндой.