Čysly 15:5 - Библия - Пэ Балтитко Романи чиб (Романэс) 2019

⁵ И мол (вино) екх шта́рто паш гино ваш цэ́ло схачкирибэ́н, ци ваш зачхиндло́ свэ́нто дыибэ́н, пэ кажнонэ́ (сваконэ) бакрэстэ;

Biblija - Pe Baltitko Romani čib (Romanes) 2019

⁵ I mol (vino) jekh štárto paš gino vaš célo shačkiribén, ci vaš začhindló svénto dyibén, pe kažnoné (svakone) bakreste;

Čysly 15:5 Referans Kwoze

Čysly 28:14

и вычхуибэн кхэтанэ́ лэ́нца банго́ тэ явэ́л паш гино мол (вино) пэ гуруворэстэ, екх три́то паш гиностыр пэ бакрэстэ, и екх шта́рто паш гиностыр пэ бакрэстэ; дава́-цэ́ло схачкирибэ́н дро кажно нэво́ чхон дрэ сарэ́ бэршы́тка чхона́.

Čysly 28:7

и ваш тхадуно свэ́нто дыибэ́н пашы́л ла́тэ тэ явэ́л екх шта́рто гино пэ екхэ бакрэстэ: пэ свэ́нто штэ́то кэр вычхуибэн, мол (вино) Ра́скэ-Дэвлэ́скэ.

2 Ximaske 4:6

Пал-дова́ со какана́ миро рат прочхувэла, сыр мол ваш свэ́нто дыибэ́н Ра́скэ-Дэвлэ́скэ и явдя́ миро часо тэ уджав кадалэ́ свэто́стыр.

Filipiicenge 2:17

Нэ ко́ли ма́нгэ приявэлапэ тэ отдав пэ́скиро джиибэ́н сыр свэ́нто дыибэ́н пал тумаро́ патяибэ́н, то мэ сом радо, и мэ ява́ва тэ радынавпэ кхэтанэ́ сарэ́нца тумэ́нца.

Заха́рия 9:17

О, сыр баро́ исын Лэ́скиро лачхипэ́н и саво́ исын шукарипэ́н, гожыма Лэ́скири! Маро роспхандэла чиб тэрнэ́ манушэ́нгэ, и мол (вино) – тырнэ джувленгэ!

Гиленгири (Соломоно́скири) Гилы́ 1:4

Приты́рдэ ман кэ пэ, и амэ нашаса ту́са. Кра́ли яндя́ ман дрэ пэ́скирэ-кралитка коморы (харомы), соб (кай) амэ тэ явас ра́да и зоралэ́с тэ радынаспэ; амэ ява́са тэ рипирас тыро́ пирамнипэ́н (камибэн) буты́р, сыр мол. Нанэ ди́во, со патывалэ́ чхая́ отдэна ило́ пал ту́тэ.

Psalmy 116:13

[4] Мэ ґазда́ва тахта́й (чаша) пал дова́, со Ёв зракхця́ ман и кхара́ва Ра́скирэ-Дэвлэ́скиро лав.

Сэндарьенгири Лылвари́ 9:13

Винаградоскири лоза пхэндя́ лэ́нгэ: ‘Ци ячкирава мэ миро со́ко (хум), саво́ веселинэла (лошакирэла) дэвлэн и манушэ́н, и ци джа́ва тэ бадинав пир вэша́?’

Левито 1:10

Ко́ли лэ́скиро цэлонэ́-хачкирибнаскиро свэ́нто дыибэ́н тыкнэ́ кхэритконэ́ мурдалэстыр, бакрэ́ндыр ци бузнендыр, мэк тэ янэл ёв муршканэ́ родо́стыр, тэ явэ́л ёв бидошэ́нгиро,

Левито 3:6

А ко́ли тыкнэ́ кхэритконэ́ мурдалэ́ндыр янэ́ла ёв Ра́скэ-Дэвлэ́скэ ми́рно (раманёно) свэ́нто дыибэ́н, муршкано́ ци джувликано, мэк тэ янэл лэс, тэ явэ́л бидошэ́нгиро.

Левито 3:7

Ко́ли ёв янэ́ла пэ́скиро свэ́нто дыибэ́н бакрэ́ндыр, мэк тэ янэл лэс тэ явэ́л анги́л Растэ-Дэвлэ́стэ,

Čysly 15:6

а ко́ли тумэ́ янэ́на бакрэ́с дро яныбэ́н маруно́ дуй дэшта паша́ ефатыр пшэничнонэ яржэстыр, перемешындло тритонэ пашэ́са елеёскирэ гиноса.

Čysly 15:11

Адя́кэ кэр пашы́л кажно яныбэ́н гурувэскиро и бакрэскиро, и бакрэ́с бакрендыр, ци бузнен (козэн);

2 Паралипоменоно 29:35

Апри́ч цэ́ло схачкирибэ́н, савэ́ сыс древа́н бут чэкэнэса (тукоса) мирнонэ свэнтонэ́ дыибнэндыр Ра́скэ-Дэвлэ́скэ и росчхуибнаса пашы́л цэ́ло схачкирибэ́н. Адя́кэ нэвэ́стыр кэрдо́ сыс дынарибэ́н (служыныбэн) дро Ра́скирэ-Дэвлэ́скиро Кхэр.

Vygiiben 29:40

и дэ́што паш эфакири парнэ́ гивэстыр фэдэдыронэ яржэстыр, смешиндло штартонэ пашэ́са гиноса вытасадэ елеёса, а тэ янэс тхадуно свэ́нто дыибэ́н – шта́рто паш гино моля́тыр (виностыр), ваш екхэ бакрэскэ;

Левито 23:13

и кхэтанэ́ лэ́са маруно́ яныбэ́н дуй дэшта паша́ эфа пшэнично (парнэ́ гивэстыр) яржо́ пиримешындло елеёса, дро Ра́скирэ-Дэв-лэ́скиро свэ́нто дыибэ́н, ваш гудло́ тхув, и вычхуибэн кэ ёв шта́рто гино мол (вино);

Е́здра 7:17

акана́ палдава́ кин сы́гэс пэ далэ́ ловэ́ гурувэ́н, бакрэ́н и бакрорэ́н кхэтанэ́ лэ́нгирэ свэнтонэ́ дыибнаса гивэстыр и лэ́нгирэ тхадунэ свэнтонэ́ дыибнаса, и ян лэн пэ алта́рё дро Кхэр (Кхангири́) тумарэ́ Дэвлэ́скиро кэ Ерусалимо.