Čysly 15:15 - Библия - Пэ Балтитко Романи чиб (Романэс) 2019

¹⁵ ваш тумэ́нгэ, скэдыибэ́н Ра́скирэ-Дэвлэ́скиро, и ваш манушэ́скэ, саво́ явдя́ явирэ рига́тыр, и саво́ дживэ́ла машки́р тумэ́ндэ, упхэныбэ́н екх, векоскиро упхэныбэ́н дрэ тумарэ́ ро́ды: со тумэ́, одова́-паць и ману́ш, саво́ явдя́ явирэ рига́тыр мэк тэ явэ́л анги́л Растэ-Дэвлэ́стэ;

Biblija - Pe Baltitko Romani čib (Romanes) 2019

¹⁵ vaš tuménge, skedyibén Ráskire-Devléskiro, i vaš manušéske, savó javdiá javire rigátyr, i savó dživéla maškír tuménde, uphenybén jekh, viekoskiro uphenybén dre tumaré ródy: so tumé, odová-pac' i manúš, savó javdiá javire rigátyr mek te javél angíl Raste-Devléste;

Čysly 15:15 Referans Kwoze

Čysly 15:29

екх Зако́но мэк тэ явэ́л ваш тумэ́нгэ, сыр ваш штэтытконэ манушэ́скэ Израилёскирэ чхавэ́ндыр, адя́кэ и ваш манушэ́скэ, саво́ явдя́ явирэ рига́тыр, и дживэ́ла машки́р тумэ́ндэ, ко́ли вари-кон кэрэ́ла дош пир наджиныбэн.

Čysly 9:14

ко́ли тумэ́ндэ явэ́ла тэ дживэ́л ману́ш явирэ рига́тыр, тэды и ёв исын банго́ тэ кэрэ́л Ра́скирэ-Дэвлэ́скири Патради́: пир упхэныбэ́н пал Патради́ и пир ла́киро Зако́но ёв исын банго́ тэ кэрэ́л ла; екх упхэныбэ́н мэк тэ явэ́л тумэ́ндэ и ваш манушэ́нгэ явирэ рига́тыр, и ваш пэ́скирэ манушэ́скэ.

Vygiiben 12:49

екх Зако́но мэк тэ явэ́л и ваш тумэ́нгэ и ваш манушэ́скэ, саво́ яця́ тэ дживэ́л машкира́л тумэ́ндэ.”

Galatenge 3:28

Нанэ ни Юдос, ни Грекос; нанэ ни писхари́с, ни вольнонэ манушэ́с; нанэ ни муршэ́с, ни джувля́; пал-дова́ со тумэ́ сарэ́ сан екх дро екхипэ́н Исусо́са Христосо́са.

1 Kralip 30:25

Адя́кэ сыс далэ́ часостыр и коригэды́р (позжэды́р); и чхудя́ ёв дава́ дро зако́но и дро упхэныбэ́н ваш Израилё кэ дава́ дывэ́с.

Čysly 10:8

Аароно́скирэ чхавэ́, э рашая́, исын бангэ́ тэ башавэн рогэ́нца: дава́ явэ́ла тумэ́нгэ векоскирэ упхэныбнаса дрэ тумарэ́ ро́ды;

Левито 24:22

Екх сэ́ндо исын банго́ тэ явэ́л тумэ́ндэ, сыр ваш манушэ́скэ, саво́ явдя́ явирэ рига́тыр, адя́кэ и ваш пэ́скирэ манушэ́скэ; пал-дова́ со Мэ сом Рай Дэвэ́л, Дэвэ́л тумаро́.’”

Vygiiben 12:43

И пхэндя́ Рай Дэвэ́л Мойза́скэ и Аароно́скэ: “Ѓа́да, исын стату́то (уставо) Патрадякиро: ни саво́ явирэ-родоскиро ману́ш нашты́ тэ хал дава́,

Vygiiben 12:24

Ракхэ́н дава́, сыр стату́то ваш пэ́скэ и ваш пэ́скирэ чхавэ́нгэ пэ ве́ко.

Vygiiben 12:14

И мэк тэ явэ́л тумэ́нгэ дава́ дывэ́с рипирдо, и свэнкинэн дро дава́ свэ́нко Ра́скэ-Дэвлэ́скэ, дрэ сарэ́ тумарэ́ ро́ды, сыр упхэныбэ́н ве́чно тэ свэнкинэн лэс.

Колосянэнгэ 3:11

палдава́ нанэ буты́р ни Елинос (Баламэс), ни Юдос, ни обчхиныбэн, ни наобчхиныбэн, ни бэдонэ-нацыякирэ манушэ́с, ни Скифос, ни дынари́с, ни вольнонэ манушэ́с, нэ саро́ и дро саро́ исын Христо́со.

Čysly 18:8

И пхэндя́ Рай Дэвэ́л Аароно́скэ: “Ѓа́да, Мэ допатява ту́кэ тэ дыкхэ́с, сыр янэ́на свэ́нто дыибэ́н ґаздыпнаса Ма́нгэ; сарэ́стыр, со янэ́на Израилёскирэ чхавэ́, Мэ дыём ту́кэ и тырэ́ чхавэ́нгэ, ваш тумаро́ рашаипэн, сыр упхэныбэ́н пэ ве́ко.

Čysly 15:14

и ко́ли явэ́ла машки́р тумэ́ндэ тэ дживэ́л ману́ш явирэ рига́тыр, ци кон бы тэ на явэ́л машки́р тумэ́ндэ дро тумарэ́ ро́ды, и янэ́ла свэ́нто яныбэ́н дро гудло́ тхув, лачхо́ Ра́скэ-Дэвлэ́скэ, тэды и ёв исын банго́ тэ кэрэ́л адя́кэ, сыр тумэ́ кэрэ́на;

Vygiiben 28:43

и мэк тэ явэ́н ёнэ пэ Аароностэ и пэ лэ́скирэ чхавэ́ндэ, ке́ли ёнэ явэ́на тэ заджа́н дрэ ша́тра (ски́ния) ваш скэдыибэ́н ци тэ подджан кэ алта́рё (жэртвенико) тэ дынаринэ́н пэ свэ́нто штэ́то, соб (кай) лэ́нгэ тэ на лыджа́н пэ пэ́стэ грэ́хо и тэ на мэрэ́н. Дава́ исын стату́то пэ ве́ко ваш лэ́скэ и ваш лэ́скирэ-чхавэ́нгирэ чхавэ́нгэ пал лэ́стэ.

Isúso 8:33

Саро́ Израилё, пхурыдыра́ лэ́скирэ, и дыкхибнарья лэ́скирэ и сэнда́рья, тэрдинэ́ долэ́ и явирэ рига́тыр ковчэгоскирэ проти рашандэ и Левитэндэ, савэ́ лыджа́нас Ра́скирэ-Дэвлэ́скиро завето́скиро ковчэго, сыр мануша́ явирэ рига́тыр, адя́кэ и далэ́-пхувья́кирэ мануша́, екх лэ́нгири паш маму́й бэ́рга Гаризимо, а яви́р паш пашы́л бэ́рга Гевало, сыр англэды́р ракирдя́ Мо́йза, писха́ри Ра́скиро-Дэвлэ́скиро, тэ бахтякирэс Израилёскирэ манушэ́н.

Ester 9:27

зачхудэ Юды и прилынэ́ пэ пэ́стэ и пэ чхавэ́ндэ пэскирэндэ и пэ сарэ́ндэ, кон кхэтанякирэлапэ лэ́нца, на отпаруви, соб (кай) тэ свэнкинэн далэ́ дуй дывэса́, пир чхиныбнаскиро упхэныбэ́н пал лэ́ндэ и дрэ пэ́скиро ваш лэ́нгэ часо, кажно бэрш.