Čysly 14:22 - Библия - Пэ Балтитко Романи чиб (Романэс) 2019

²² сарэ́, савэ́ дыкхнэ́ Мири́ сла́ва и Мирэ́ знаме́нии (ґертыка́), савэ́ Мэ кэрдём дро Еги́пто и пэ чхучи́ пхув, и спробинэнас Ман дэш мо́лы, и на шундлэ́ Мири́ зан,

Biblija - Pe Baltitko Romani čib (Romanes) 2019

²² saré, savé dykhné Mirí sláva i Miré znamiénii (ĥiertyká), savé Me kerdjom dro Jegípto i pe čhučí phuv, i sprobinenas Man deš móly, i na šundlé Mirí zan,

Čysly 14:22 Referans Kwoze

Ióvo 19:3

Кадава́ ужэ исын дэш мо́лы, со тумэ́ обракирэна ман, тумэ́ на ладжана тэ дурьякирэн ман.

Psalmy 106:26

И Ёв ґаздыя́ Лэ́скиро васт пэ лэ́ндэ, сыр совла́х, со Ёв пэкавэла лэн пэ чхучэ́ прахи,

Džiibén 31:7

а тумаро́ дад хохадя ман и дэш мо́лы пирипарудя мири́ мазу́ри (награда). Нэ Дэвэ́л на дыя́ лэ́скэ тэ кэрэ́л чорипэ́н ма́нгэ.”

Vygiiben 32:1

Ке́ли мануша́ дыкхнэ́, со Мо́йза ґара́ (длу́гэс) на джа́ла тэлэ́ бэрга́тыр, то скэдынэ́пэ кэ Ааро́но и пхэндлэ́ лэ́скэ: “Ушты́, и кэр амэ́нгэ дэвлорэс, саво́ тэ джал анги́л амэ́ндэ; пал-дова́ со адалэ́ манушэ́са, Мойзаса, саво́ вылыджия́ амэн Египто́скирэ пхувья́тыр, амэ на джина́са, со кэрдя́пэ лэ́са.”

Vygiiben 17:2

И выракирэнас мануша́ Мойза́скэ, и ракирдэ́: “Дэн амэ́нгэ тэ пьяс пани́.” И пхэндя́ лэ́нгэ Мо́йза: “Со тумэ́ выракирэна ма́нгэ? Со тумэ́ спробинэна Рас-Дэвлэ́с?”

Юдэ́нгэ 3:9

кай тумарэ́ дада́ пропатякирэнас Ман, мэк ёнэ и дыкхнэ́, со Мэ кэрдём штардэша́ бэрш.

1 Коринфянэнгэ 10:9

И на ява́са тэ пропатякирас Рас-Дэвлэ́с, сыр вари-савэ́ лэ́ндыр кэрдэ́, и ёнэ хасинэ́ сапэндыр.

1 Коринфянэнгэ 10:5

нэ на сарэ́ сыс лачхэ́ Дэвлэ́скэ, палдава́ лэ́нгирэ тру́пы сыс росчхурдынэ пир чхучи́ пхув.

Матфеё 4:7

Ису́со пхэндя́ лэ́скэ: “Исын адя́кэ-паць (такжэ) чхиндло́: ‘На пропатякир Рас-Дэвлэ́с, Дэвлэ́с пэ́скирэс.’”

Малахия 3:15

И акана́ амэ дыкхаса и ракираса, со пхутькирдэ́ мануша́ исын бахталэ́, пал-дова́ со одолэ́, кон кэрэ́ла злыднима (фуипэ́н), дживэ́на фэды́р дывэ́с дывэсэ́стыр, и, чачо́, кодолэ́, савэ́ пропатякирэна Дэвлэ́с, ячэ́напэ джидэ́ [бидошакирэ-ю.о.].’”

Psalmy 106:14

и ёнэ битукоскиро (бимеракиро) кэрдэ́ пир пэ́скиро на́лачхо тырдыпэ́н пэ чхучэ́ прахи и пропатякирэнас Дэвлэ́с пэ чхучо́ штэ́то.

Čysly 14:11

И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

Vygiiben 14:11

и пхэндлэ́ Мойза́скэ: “Нау́што нанэ маґилы/кулы [гробы-р.с.] дро Еги́пто, со ту яндян амэн тэ мэрас пэ чхучи́ пхув? Со да ту кэрдя́н амэ́нца, вылыджии амэн Египто́стыр?

Džiibén 31:41

Дасавэ́ мирэ́ биш бэрш сыс дро тыро́ кхэр. Мэ дынариндём ту́кэ дэшуштар бэрш пал тырэ́ дуе́ндэ чхае́ндэ и шов бэрш пал тырэ́ кхэритконэ́ мурдалэ́ндэ; а ту дэш мо́лы парудян мири́ мазу́ри (награда).

Vygiiben 5:21

и пхэндлэ́ лэ́нгэ: “Мэк тэ дыкхэ́л, и тэ сэндякирэ́л тумэн Рай Дэвэ́л пал дова́, со тумэ́ кэрдэ́ амэн налачхэнца дрэ фараоно́скирэ и лэ́скирэ-писхарьенгирэ якха́, и дынэ́ лэ́нгэ курта́ла дрэ васта́, соб (кай) тэ замарэ́н амэн.

Vygiiben 15:24

И лынэ́ тэ дэн го́дла мануша́ пэ Мойзастэ, ракири́: “Со амэ́нгэ тэ пьяс?”

Vygiiben 16:2

И лынэ́ тэ жалинэнпэ холя́са (загодлынэ) Израилёскирэ-чхавэ́нгиро скэдыибэ́н пэ Мойзастэ и Аароностэ пэ чхучи́ пхув,

Vygiiben 17:3

И камлэ́ одо́й мануша́ пани́, и кошнэпэ мануша́ пэ Мойзастэ, и ракирдэ́: “Палсо́ ту вылыджиян амэн Египто́стыр, тэ мулякирэс амэн и чхавэ́н амарэн и ста́ды амарэ́ би панескиро?”

Vygiiben 17:7

И дыя́ долэ́ штэтоскэ лав: Маса́ и Мерива, пирда́л дова́, со Израилёскирэ чхавэ́ пининдлэ и пал-дова́ со ёнэ спробиндлэ Дэвлэ́с: ракири́ “Ци исын Рай Дэвэ́л машки́р амэ́ндэ, ци нанэ?”

Čysly 11:1

Мануша́ лынэ́ дро саро́ шуныбэ́н тэ жалинэнпэ Ра́скэ-Дэвлэ́скэ; и Рай Дэвэ́л шундя́, и росхачия Лэ́скири холы́, и захачи́я пэ лэ́ндэ Раскири-Дэвлэ́скири яг, и лыя́ Ёв тэ хасякирэ́л станоскиро яго́ро (краё).

Čysly 11:4

Мануша́, савэ́ явнэ́ явирэ рига́тыр, машки́р лэ́ндэ лынэ́ тэ латхэ́н ла́ска пэ ґара́ (пэ длу́гэс); лэ́нца и Израилёскирэ чхавэ́ сыс бэштэ́ и рондлэ́, и ракирдэ́: “Кон чалякирэла пхэрдэ́с амэн масэса?

Čysly 12:1

И выпхэндлэ холы́ Мариам и Ааро́но Мойза́скэ пал ромня́тэ Ефиоплянкатэ, савья́ ёв лыя́, пал-дова́ ёв лыя́ пал пэ́стэ Ефиоплянка,

Čysly 14:2

и ракирдэ́ ёнэ холя́са пэ Мойзастэ и Аароностэ сарэ́ Израилёскирэ чхавэ́; и саро́ скэдыибэ́н пхэндя́ лэ́нгэ: “О, ко́ли амэ мэрасас пэ Египто́скири пхув, ци ко́ли мэрасас амэ пэ дая́ чхучи́ пхув!

Яви́р Зако́но 9:7

Ри́пир, на бистыр, ци бут ту холякирдян Рас-Дэвлэ́с, Дэвлэ́с тырэ́с, пэ чхучи́ пхув: одолэ́ дывэсэ́стыр, сыр выгиян ту Египто́скирэ пхувья́тыр, и кэ са́мо тумаро́ явибэн пэ дава́ штэ́то, тумэ́ на кандынэ́ Рас-Дэвлэ́с.

Psalmy 78:41

И ёнэ нэвэ́стыр и нэвэ́стыр рисёнас палэ, пропатякирэнас Дэвлэ́с и дукхавэнас Свэнтонэ́ Дэвлэ́с Израилёстыр.

Дание́лё 1:20

И дро кажно годо́ рэ́ндо и лэ́нгиро розґалыибэн, пал со пхучэлас лэ́ндыр о кра́ли, ёв латхэлас лэн дро дэш мол фэды́р сарэ́н човаханэндыр и магэндыр, савэ́ сыс дро саро́ кралипэ́н лэ́скиро.

Čysly 32:12

апри́ч Халевостэ, Ефонияскирэ чхавэ́стэ, Кенезеяниностэ, и Исусо́стэ (Ёхошуастэ), Навиноскирэ чхавэ́стэ, пал-дова́ со ёнэ кандынэ́ Рас-Дэвлэ́с.”

Isajos 42:20

Ту бут дыкхэсас, нэ на дыкхця́н, со трэй; кана́ сыс откэрдэ, нэ ту на шундя́н.