Čysly 14:21 - Библия - Пэ Балтитко Романи чиб (Романэс) 2019

²¹ нэ Мэ сом джидо́, и Мири́ Ра́скирэ-Дэвлэ́скири сла́ва исын пхэрды́ пир сари́ пхув:

Biblija - Pe Baltitko Romani čib (Romanes) 2019

²¹ ne Me som džidó, i Mirí Ráskire-Devléskiri sláva isyn pherdý pir sarí phuv:

Čysly 14:21 Referans Kwoze

Avakumo 2:14

Пал-дова́ со пхув явэ́ла пхэрды́ джиныбнаса пал Ра́скирэ-Дэвлэ́скири сла́ва, сыр паня́ учхакирэна (пхэрдякирэна) мо́рё (дэрья́в).

Psalmy 72:19

Мэк тэ явэ́л бахтякирдо́ Лэ́скиро лав пэ сарэ́ ве́ки! Мэк тэ явэ́л пхэрды́ сари́ пхув Лэ́скирэ слава́са. Ами́нь и ами́нь.

Isajos 49:18

Ѓаздэ тырэ́ якха́, подыкх пир рига́, – сарэ́ ёнэ скэдэ́напэ, джа́на кэ ту. Тэ джива́в Мэ, – ракирэ́ла Рай Дэвэ́л: – лэ́нца сарэ́нца ту укэдэсапэ, сыр гожонэ урибнаса; укэдэсапэ лэ́нца, сыр тэрны́.

Isajos 6:3

Ёнэ кхарэнас екх екхэ́с и ракирэ́нас: “Свэ́нто, Свэ́нто исын Рай Дэвэ́л, болыбна́скирэ-янголэ́нгиро, сари́ пхув исын пхэрды́ Лэ́скирэ барипнаса!”

Яви́р Зако́но 32:40

Мэ ґазда́ва кэ болыбэ́н васт Миро и ракира́ва: “Тэ джива́в Мэ дро ве́ко!”

Матфеё 6:10

Мэк тэ явэ́л Тыро́ Кралипэ́н, Мэк тэ сполнинэ́лпэ Тыри́ во́ля пэ пхув, Сыр и пэ болыбэ́н;

Софония 2:9

Палдава́ “Тэ джива́в Мэ”, – ракирэ́ла янголэ́нгирэ-болыбна́скиро, Рай Дэвэ́л, Дэвэ́л Израилёскиро, – “Моавостыр ячэ́лапэ дова́, со сыс Содомаса, мануша́ Амоностыр явэ́на сыр Гомо́ра, – сыр пхув, сави́ забария цукнуда́са (стрекаваса) и ґанбине́нца (ямэнца) ваш лонд, и сави́ явэ́ла ўса́ды (сак) чхучи́: Мирэ́ мануша́, кон яця́пэ джидо́, росчорэна ла, и Мирэ́ мануша́, савэ́ ячнэ́пэ пэ штэ́то, лэн дая́ пхув сыр пэ́скиро мэкно́ миштыпэ́н.

Езэкилё 33:11

Пхэн лэ́нгэ: ‘Тэ джива́в Мэ’, – ракирэ́л Рай Дэвэ́л, Дэвэ́л: – на кама́м грэхитконэ́-манушэ́скирэ мэрибэ́н, нэ соб (кай) тэ джал криг грэхи́тко ману́ш пэ́скирэ дромэ́стыр и тэ явэ́л джидо́. Джа́н криг, джа́н тумарэ́ налачхэ́ дромэндыр, со́скэ трэй тэ мэрэ́н тумэ́нгэ, Израилёскиро кхэр?’

Езэкилё 18:3

‘Тэ джива́в Мэ!’ – ракирэ́ла Рай Дэвэ́л, Дэвэ́л, – на явэ́на тэ ракирэ́н бутэды́р дасави́ притча (приме́ро) дро Израилё.

Езэкилё 5:11

Палдова́, – “Тэ джива́в Мэ, – ракирэ́ла Рай Дэвэ́л, Дэвэ́л. – “Пал дова́, со ту магирдян Миро свэ́нто штэ́то сарэ́ пэ́скирэ джунгалыпнаса, и сарэ́ тырэ́ накуч рэндэ́нца Мэ кэра́ва тут тыкнэса, и на потангинэла тут Мири́ якх, и Миро ило́ на ковлёла пэ ту́тэ.

Езэкилё 33:27

Акэ, со пхэн лэ́нгэ: Адя́кэ ракирэ́ла Рай Дэвэ́л, Дэвэ́л: ‘Тэ джива́в Мэ!’ Одолэ́, кон исын пэ обчордэ штэ́ты, пэрэ́на куртала́тыр, а одолэ́с, кон исын пэ фэ́лда, Мэ отда́ва, соб (кай) тэ хан лэс рискибнаскирэ мурдала́ (звери), а одолэ́, савэ́ исын дрэ тва́рдыми, дрэ ґебара́ (пешчэры), ёнэ мэрэ́на мэрибнытконэ фуендыр.

Ереме́ё 22:24

“Мэ сом джидо́”, – ракирэ́ла Рай Дэвэ́л, – мэк Иехония [Кониах-ю.о.], чхаво́ Иоакимоскиро, кра́ли Юдэя́киро, тэ явэ́л сы́рбы ангрусты якхитконэса (печатка) пэ Миро чачо́ васт, нэ Мэ и одотхы́р вытырдавас тут,

Čysly 14:28

Пхэн лэ́нгэ: “Мэ джива́ва, – ракирэ́ла Рай Дэвэ́л: –, сыр тумэ́ ракирдэ́ дро саро́ шуныбэ́н Ма́нгэ, адя́кэ и Мэ кэра́ва тумэ́нгэ;

Vygiiben 9:16

нэ ваш дава́ Мэ тут зракхцём, соб (кай) тэ сыкавав пэ ту́тэ Мири́ зор, и, соб (кай) тэ явэ́л Миро лав выпхэндло пир сари́ пхув;

Psalmy 57:6

Тэ шарэл Тут вучэды́р болыбна́стыр, о Дэ́вла, мэк тэ явэ́л Тыри́ сла́ва пир сари́ пхув.

Езэкилё 20:36

Сыр Мэ сэндякиравас рэ́ндо тумарэ́ дадэ́нца пэ Египто́скирэ пхувья́кири чхучи́ пхув, адя́кэ Мэ ява́ва тэ сэндякирав тумаро́ рэ́ндо (де́ло), – ракирэ́ла Рай Дэвэ́л, Дэвэ́л.