Čysly 14:11 - Библия - Пэ Балтитко Романи чиб (Романэс) 2019

¹¹ И пхэндя́ Рай Дэвэ́л Мойза́скэ: “Кицы́ явэ́на тэ холякирэн Ман адалэ́ мануша́? И кицы́ явэ́на ёнэ тэ на патя́н Ма́нгэ пир сарэ́ знаме́нии (ґертыка́), савэ́ Мэ кэрдём машки́р лэ́ндэ?

Biblija - Pe Baltitko Romani čib (Romanes) 2019

¹¹ I phendiá Raj Devél Mojzáske: “Kicý javéna te xoliakiren Man adalé manušá? I kicý javéna jone te na patián Mánge pir saré znamiénii (ĥiertyká), savé Me kerdjom maškír lénde?

Čysly 14:11 Referans Kwoze

Psalmy 106:24

Нэ ёнэ на прилынэ́ барвалы пхув, ёнэ на патяндынэ́ Дэвлэ́скирэ лавэ́скэ,

Psalmy 78:32

Нэ на дыкхи́ пэ дава́, ёнэ ўса кэрдэ́ грэ́хи, и ёнэ на патяндынэ́ дрэ Лэ́скирэ барэ́ ди́вна бутя́,

Psalmy 78:22

со ёнэ на патяндынэ́ дрэ Дэвлэ́стэ и на рикирдэ наде́я, со Ёв дэ́ла васт лэ́нгэ.

Яви́р Зако́но 1:32

Нэ и усае́кх тумэ́ на патяндынэ́ Ра́скэ-Дэвлэ́скэ, тумарэ́ Дэвлэ́скэ.

Юдэ́нгэ 3:8

на отрискирэн пэ́скиро ило́, сыр да тумэ́ ґаздынэ́пэ пэ Дэвлэ́стэ, ке́ли тумэ́ са́нас пэ чхучи́ пхув;

Joannostir 12:37

Хоць Ёв кэрдя́ ада́кицы бут ди́вы анги́л лэ́ндэ, ёнэ усае́кх на патяндынэ́ дрэ Лэ́стэ,

Čysly 14:27

“Кицы́ адалэ́ холямэ́ мануша́ явэ́на тэ жалинэнпэ холя́са пэ Ма́ндэ? Холямо́ выракирибэн Израилёскирэ чхавэ́нгиро, савэ́са ёнэ жалинэнапэ пэ Ма́ндэ, Мэ шунава.

Čysly 14:23

и ёнэ на явэ́на тэ дыкхэ́н пхув, сави́ Мэ совлахаса пхэндём тэ дав лэ́нгирэ дадэ́нгэ; сарэ́, кон холякирдя Ман, на дыкхэ́на ла.

Юдэ́нгэ 3:18

И конэ́скэ Ёв совлахадя́, со ёнэ на заджа́на пэ штэ́то тэ откхинён Лэ́са, нау́што на одолэ́нгэ, кон на кандыя́ Лэс?

Юдэ́нгэ 3:16

кон сыс одолэ́ мануша́, со, ке́ли шундлэ́, ґаздынэ́пэ пэ Дэвлэ́стэ? Нау́што на сарэ́ лэ́ндыр выгинэ́ Египто́стыр Мойзаса?

Vygiiben 16:28

И пхэндя́ Рай Дэвэ́л Мойза́скэ: “Ци бут (длу́гэс) тумэ́ явэ́на тэ на кэрэ́н пир Мирэ́ упхэныбэна́ и Мирэ́ зако́ны?

Joannostir 15:24

Ко́ли Мэ тэ на кэра́в анги́л лэ́ндэ рэ́нды, савэ́ яви́р нико́н на кэрдя́, тэды лэ́ндэ на явэ́лас грэ́хо; нэ какана́ ж ёнэ дыкхнэ́ лэн и усае́кх бидыкхэна (на дэ́на паты́в) Ман и Мирэ́ Дадэ́с.

Joannostir 10:38

нэ ко́ли Мэ кэра́ва лэн, тумэ́ могинэ́на Ма́нгэ тэ на патя́н, а патя́н тэды дрэ Мирэ́ рэ́нды, соб (кай) тумэ́ тэ джинэ́н и тэ ґалён, со Миро Дад исын дрэ Ма́ндэ, и Мэ сом дрэ Лэ́стэ.”

Marko 9:19

Ису́со отпхэндя́ кадасавэ́ лавэ́нца: “О, напатяибнытко ро́до! Кицы́ Ма́нгэ тэ явав тумэ́нца? Ци бут Ма́нгэ тэ вырикирав тумэн? Янэ́н лэс кэ Мэ!”

Матфеё 17:17

Ису́со пхэндя́ дро отпхэныбэ́н: “Тумэ́ сан напатяибнаскиро и пхарэ́-манушэ́нгиро ро́до, кицы́ Мэ тэ явав тумэ́нца? Кицы́ Мэ ява́ва тэ вырикирав тумэн? Янэ́н лэс адари́к.”

Заха́рия 8:14

Пал-дова́ со адя́кэ ракирэ́ла, янголэ́нгирэ-болыбна́скиро Рай Дэвэ́л: “Сыр Мэ дыём годы́ Пэ́скэ тэ сэндякирав пхарэ́с тумэн, ке́ли тумарэ́ дада́ холякирэнас Ман, – ракирэ́ла Рай Дэвэ́л, – и Мэ на отпхэндёмпэ адалэстыр,

Osija 8:5

Тыро́ гуруворо ячкирдя́ тут, э, Сама́рия! Мири́ холы́ ґаздыя́пэ проти лэ́ндэ. Сыр ґара́ (длу́гэс) явэ́ла кэ дова́, ке́ли ёнэ ячэ́напэ бибангипнаскирэ.

Ереме́ё 4:14

Выморэн тумарэ́ илэ фуипнастыр, соб (кай) тумэ́нгэ тэ зракхэнпэ. Сыр ґара́ бибахталэ́ ду́мы явэ́на дрэ тумарэ́ шэрэ́?

Pritčy 1:22

“Ци бут тумэ́, бу́ра мануша́ (невежды), явэ́на тэ тырдэннэ кэ напатывалыпэн (биладжаипэ́н)? Ци бут одолэ́, кон салапэ холямэс, явэ́на тэ бахталён холямэ́ сабнастыр? Ци бут (кицы́) дылынэ́ явэ́на древа́н тэ на прилэ́н джиныбэ́н?

Psalmy 95:8

Ададывэ́с, сыр тумэ́ шунэ́на Лэ́скири зан: “На отрискирэн пэ́скирэ илэ, сыр дрэ Мэрива, сыр дро дывэ́с пал патяибэ́н (Маса́) пэ чхучи́ пхув;

Vygiiben 10:3

Мо́йза и Ааро́но гинэ́ кэ фарао́но и пхэндлэ́ лэ́скэ: “Адя́кэ ракирэ́ла Рай Дэвэ́л, Дэвэ́л Юдэ́нгиро: ‘Ци ґара́ (длу́гэс) ту явэ́са тэ на явэс дрэ екх годы́ анги́л Ма́ндэ? Отмэк Мирэ́ манушэ́н, соб (кай) ёнэ тэ кэрэ́н Ма́нгэ паты́в;

Vygiiben 32:9

И пхэндя́ Рай Дэвэ́л Мойза́скэ: “Мэ дыкха́ва адалэ́ манушэ́н, и ґа́да, мануша́ адалэ́, ёнэ – пхарэ́-шэритка;

Čysly 32:10

и захачи́я дрэ дова́ дывэ́с Ра́скирэ-Дэвлэ́скири холы́, и совлахадя́ Ёв дасавэ́ лавэ́нца:

Ереме́ё 13:10

Кадалэ́ бибахталэ́ мануша́ отпхэндлэпэ тэ шунэ́н Мирэ́ лава́, ёнэ дживэ́на пир пэ́скирэ пхарэ́ илэ, и ёнэ псирэ́на тэ кэрэ́н паты́в явирэ дэвлорэ́нгэ и тэ дынаринэ́н лэ́нгэ, и лэ́нца явэ́ла дова́, со кэрдя́пэ далэ́ кустыкаса.

Езэкилё 20:13

Нэ Израилёскиро кхэр ґаздыя́пэ пэ Ма́ндэ пэ чхучи́ пхув, ёнэ на кэрэ́нас сыр Мэ пхэндём зоралэ́с, ёнэ отчхурдынэ Мирэ́ лава́, пир савэ́ дживэлас бы ману́ш, ко́ли кэрэ́лас, сыр Мэ пхэндём, ёнэ зоралэ́с магирэнас Мирэ́ са́ваты, и Мэ пхэндём: Мэ вычхувава пэ лэ́ндэ Миро холямипэн пэ чхучи́ пхув, соб (кай) тэ хасякира́в лэн.

Vygiiben 23:21

Ракх пэс анги́л Лэ́скиро муй, и шун Лэ́скири зан; на яв проти Лэ́стэ, пал-дова́ со Ёв на отмэкэ́ла тумаро́ грэ́хо; пал-дова́ со Миро лав исын дрэ Лэ́стэ.