Čysly 13:21 - Библия - Пэ Балтитко Романи чиб (Романэс) 2019

²¹ И сави́ исын пхув, ци тхулы ёй исын ци посно? Ци исын пэ ла́тэ вэш ци над? Явэ́н муршканэ́, и лэн пхувья́кирэ барьякирдэндыр (плодэндыр).” Дава́ сыс дрэ дова́ часо, ке́ли спеиндя винаградо (дракх).

Biblija - Pe Baltitko Romani čib (Romanes) 2019

²¹ I saví isyn phuv, ci thuly joj isyn ci posno? Ci isyn pe láte veš ci nad? Javén murškané, i len phuvjákire barjakirdendyr (plodendyr).” Davá sys dre dová časo, kiéli spieindia vinagrado (drakh).

Čysly 13:21 Referans Kwoze

Čysly 33:36

И гинэ́ Ецион-Гаверостыр и тэрдинэ́ стано́са пэ чхучи́ пхув Син, ёй адя́кэ-паць кхарэ́лапэ Кадесо.

Čysly 20:1

И явнэ́ Израилёскирэ чхавэ́, саро́ скэдыибэ́н, пэ чхучи́ пхув Син дро пэ́рво чхон, и тэрдинэ́ мануша́ дро Кадесо, и одо́й мыя́ Мариам, и одо́й ла гарадэ́.

Čysly 27:14

пал-дова́ со тумэ́ на кандынэ́ Миро ракирибэ́н пэ чхучи́ пхув Син, дро дова́ часо, ке́ли сыс кошыбэ́н пэ скэдыибэ́н, соб (кай) тэ сыкавэс анги́л лэ́нгирэ якха́ Мири́ свэнтыма пашы́л пани́ Мерива.”

Isúso 15:1

И сыс жре́биё Юда́скирэ чхавэ́нгирэ родо́скэ, пир лэ́нгирэ кхэри́тка ро́ды, выпыя дасаво: пэ ме́жа Идумеяса сыс чхучи́ пхув Син, кэ паш-дывэ́с (юго), пашы́л Феманоскиро яго́ро (краё);

Isúso 13:5

адя́кэ-паць пхув Гевалоскири и саро́ Лива́но кэ кхамэскиро ўзгиибэн Ваал-Гадо, со исын пашы́л Ермоноскири бэ́рга, кэ загиибэ́н дрэ Емафо.

Amoso 6:2

Джа́н дурэды́р кэ Калнэ, и дыкхэ́н, одотхы́р джа́н кэ баро́ Емафо, и одотхы́р кэ Гефо Филистимлянэнгиро: ци ёнэ исын фэды́р кадалэ́ тумарэ́ кралипнэндыр? Ци лэ́нгирэ ме́жы исын буґлэдыр тумарэ́-пхувья́кирэ межэндыр?

2 Kralip 8:9

И шундя́ Фоё, Имафаскиро кра́ли, со Дави́до замардя́ сарэ́ Адразароскирэ халадэ́н,

Яви́р Зако́но 32:51

пал-дова́, со тумэ́ кэрдэ́ грэ́хо проти Ма́ндэ машки́р Израилёскирэ чхавэ́ндэ пашы́л пани́ Мериво дро Кадесо, пэ чхучи́ пхув Син, пал-дова́, со ёнэ на ракхнэ Мири́ свэнтыма машки́р Израилёскирэ чхавэ́ндэ.

Яви́р Зако́но 1:24

Ёнэ гинэ́, гинэ́ упрэ́ пэ бэ́рга, и догинэ́ кэ до́ло Есхол, и обдыкхнэ ла.

Ереме́ё 49:23

Пал Дама́ско. – “Емафо [Хамато-ю.о.] и Арпадо ладжакирдэ́, пал-дова́ со ёнэ шундлэ́ фуй нэвипэн. Лэ́нгиро ило́ биладыя (замыя́) криг; мо́рё (дэрья́в) кунинэлапэ тугатыр; ёв на дэ́ла ра́да пэ́скэ тэ явэ́л штыл.

Ереме́ё 52:9

И ёнэ лынэ́ Сэдэкияс, и яндлэ́ лэс кэ кра́ли Вавилоно́скиро дрэ Ривла пэ Емафоскири [Хамафоскири-ю.о.] пхув и о Навуходоносо́ро кэрдя́ сэ́ндо (чачипэ́н) пэ лэ́стэ.

Езэкилё 47:16

Емафо, Берото, Сивраимо, кэ Гацар Тихоно, саво́ исын машки́р Дама́ско и Емафоскирэ штэ́ты, саво́ исын пэ Авраноскири ме́жа.

Čysly 34:8

бэрга́тыр Ор пролыджан ме́жа кэ Емафо, и явэ́на ригакирэ выгиибэна кэ Цэдадо;

Сэндарьенгири Лылвари́ 18:28

На сыс конэ́скэ тэ помогинэл лэ́нгэ, пал-дова́ со ёв сыс дур Сидоностыр и никонэса на рикирдя рэ́нды. Дава́ фо́ро сыс дро до́ло, со исын пашы́л Беф-Рехово. И кэрдэ́ ёнэ нэвэ́стыр фо́ро и лынэ́ тэ дживэ́н дрэ лэ́стэ.