Čysly 13:20 - Библия - Пэ Балтитко Романи чиб (Романэс) 2019

²⁰ и сави́ исын пхув, пэ сави́ ёнэ дживэ́на, ци лачхи́ ёй исын ци фуй? И савэ́ исын фо́рья, дрэ савэ́ ёнэ дживэ́на, ци пэ ша́тры ёнэ дживэ́на ци дрэ зорьякирдэ фо́рья (укреплении)?

Biblija - Pe Baltitko Romani čib (Romanes) 2019

²⁰ i saví isyn phuv, pe saví jone dživéna, ci lačhí joj isyn ci fuj? I savé isyn fórja, dre savé jone dživéna, ci pe šátry jone dživéna ci dre zorjakirde fórja (ukrieplienii)?

Čysly 13:20 Referans Kwoze

Яви́р Зако́но 31:23

И припхэндя́ Рай Дэвэ́л Исусо́скэ (Ёхошуаскэ), Навиноскирэ чхавэ́скэ, и пхэндя́ лэ́скэ: “Яв зоралэ́-волякиро и муршкано́; пал-дова́ со ту залыджаса Израилёскирэ чхавэ́н пэ пхув, пал сави́ Мэ совлахадём лэ́нгэ, и Мэ ява́ва ту́са.”

Езэкилё 34:14

Мэ ява́ва тэ чаравав лэн пэ лачхэ́ фэ́лды, лэ́нгири шта́ла явэ́ла пэ вучэ́ Израилёскирэ бэ́рги; одо́й ёнэ явэ́на тэ откхинён дрэ лачхи́ шта́ла, ёнэ явэ́на тэ чаравэнпэ пэ лачхи́ фэ́лда, пэ бэ́рга Израилёскири.

Ниеми́я 9:35

И дро лэ́скиро кралипэ́н ёнэ на дынариндлэ́ Ту́кэ, пир Тыро́ баро́ лачхипэ́н, саво́ Ту дыя́н лэ́нгэ, и пэ буґлы и тхулы пхув, сави́ Ту откэдыян ваш лэ́нгэ, и ёнэ на рисёнас пэ́скирэ фуе́ рэндэ́ндыр.

Ниеми́я 9:25

И залынэ ёнэ зоралэ́ фо́рья и лачхи́ пхув и лынэ́ ёнэ пэ́скэ кхэра́ сарэ́ барвалыпнаса, колба́ни (водоёмы), савэ́ сыс барэстыр, винаграды́тка и маслинитка унты (сады) и бут дрэвы плодэнца ваш хабэ́н. Ёнэ ханэ́, чалынэ, тхулынэ и коштындлэ пир Тыри́ ла́ска.

Юдэ́нгэ 13:6

Палдава́ амэ зоралэ́с ракираса: “Дэвэ́л помогинэла ма́нгэ, и ма́нгэ нанэ со́стыр тэ дарав, со могинэ́ла тэ кэрэ́л ма́нгэ ману́ш?”

Mihiejo 7:1

Бида ма́ндэ! Пал-дова́ со мэ, сом сы́рбы ману́ш, кон кэдэла лынаитка му́ри, сы́рбы кодолэ́, кон подкэдэла винаградо (дракх), нанэ ние́кх грозно (вэтка му́ри) тэ хав, нанэ ние́кх спяло мурина, со миро ди камэ́ла.

1 Паралипоменоно 22:11

“И какана́, миро чхаво́! Мэк тэ явэ́л Рай Дэвэ́л ту́са, соб (кай) ту́кэ тэ удэлпэ саро́; и, соб (кай) ту кэрдя́н Кхэр тырэ́ Ра́скэ-Дэвлэ́скэ, тырэ́ Дэвлэ́скэ, сыр Ёв ракирдя́ пал ту́тэ.

Isúso 2:3

Ерихоноскиро кра́ли бичхадя́ тэ пхэнэ́н Раавакэ: “Выдэ манушэ́н, савэ́ явнэ́ кэ ту, савэ́ загинэ́ дро тыро́ кхэр; пал-дова́ со ёнэ явнэ́ тэ выдыкхэн сари́ пхув”.

Isúso 1:9

Ѓа́да, Мэ ракира́ва ту́кэ: яв зорало́ и муршкано́, на дар и на страхадёв; пал-дова́ со ту́са Рай Дэвэ́л, тыро́ Дэвэ́л, исын усенде (везде), карик ту на джасас”.

Isúso 1:6

Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.

Яви́р Зако́но 1:25

И лынэ́ ёнэ дрэ пэ́скирэ васта́ пхувья́кирэ барьякирдэ́ (пло́ды), и яндлэ́ амэ́нгэ и яндлэ́ амэ́нгэ нэвипэн, и пхэндлэ́: ‘Лачхи́ исын пхув, сави́, Рай Дэвэ́л, амаро́ Дэвэ́л дэ́ла амэ́нгэ.’

Čysly 13:19

и обдыкхэн пхув, сави́ ёй исын, и манушэ́н, савэ́ дживэ́на пэ ла́тэ, ци зоралэ́ ёнэ исын, ци над, ци бут лэн, ци на́бут?

Яви́р Зако́но 1:24

Ёнэ гинэ́, гинэ́ упрэ́ пэ бэ́рга, и догинэ́ кэ до́ло Есхол, и обдыкхнэ ла.

Дание́лё 11:24

И заджа́ла ёв дре раманёна (мирна) и барвалэ́ штэ́ты дро тхэм, Еги́пто, и ёв кэрэ́ла дасаво, со на кэрэ́нас лэскрэ дада́ и дадэнги́рэ-дада́ лэ́скирэ: дорэсыбэ́н/ чордо миштыпэ́н и барвалыпэ́н явэ́ла ёв тэ роздэл пэскирэнгэ, ёв лэ́ла тэ придуминэл пэ́скирэ планы и пэ тва́рдыми, нэ фэ́ни (то́ка) пэ набаро́ часо.

Isúso 2:1

И бичхадя́ Ису́со, чхаво́ Навиноскиро, Ситиматыр дуе́н поддыкхибнаскирэн чораханэ́с, и пхэндя́: “Джа́н, обдыкхэн пхув и Ерихо́но”. Дуй тэрнэ́ мануша́ гинэ́ и явнэ́ дрэ биладжакунякиро кхэр, савьякиро лав сыс Раав, и ячнэ́пэ тэ ратькирэн одо́й.