Čysly 12:6 - Библия - Пэ Балтитко Романи чиб (Романэс) 2019

⁶ И пхэндя́: “Шунэ́н Мирэ́ лава́: ко́ли тэ явэ́л тумэ́ндэ Ра́скирэ-Дэвлэ́скиро проро́ко, тэды Мэ отчхакиравапэ лэ́скэ дрэ дыкхибэ́н, и дро суно́ Мэ ракиравас лэ́са;

Biblija - Pe Baltitko Romani čib (Romanes) 2019

⁶ I phendiá: “Šunén Miré lavá: kóli te javél tuménde Ráskire-Devléskiro proróko, tedy Me otčhakiravape léske dre dykhibén, i dro sunó Me rakiravas lésa;

Čysly 12:6 Referans Kwoze

3 Kralip 3:5

Дро Гавао́но явдя́ Рай Дэвэ́л Соломоно́скэ дро сунэ́ раты́, и пхэндя́ Дэвэ́л: “Манг, со тэ дав ту́кэ.”

Džiibén 46:2

И пхэндя́ Дэвэ́л Израилёскэ раты́ дро суно́: “Я́кове! Якове!” Ёв пхэндя́: “Ѓа́да, мэ сом.”

Luka 1:22

Ке́ли ёв выгия́ яври́, ёв на дыя́ ра́да тэ ракирэ́л, и ёнэ ґалынэ́, со сыс лэ́стэ дыкхибэ́н дро Кхангири́; и ёв сыкавэлас вастэ́нца и ёв яця́пэ немо (муто).

Luka 1:11

И сыкадыя́ Захарияскэ Дэвлэ́скиро Янго́ло, саво́ сыс тэрдо́ пир чачи́ (право) риг тхувитконэ (кадилытконэ) алтарёстыр.

Дание́лё 10:8

Палдава́ яцёмпэ мэ екхджино́, и дыкха́вас мэ да́ва баро́ дыкхибэ́н, нэ дрэ ма́ндэ на яця́пэ зор, мина пэ миро муй древа́н парудяпэ дара́тыр, на яця́пэ ма́ндэ нисаво́ састыпэн.

Езэкилё 1:1

И сыс: дро (дэшутрито) бэрш, дро шта́рто чхон пэ па́нджто чхонытко дывэ́с, ко́ли мэ со́мас машки́р одолэ́ндэ, конэ́с традынэ дро пле́но, пашы́л рэка (лэнь) Ховар – откэрдяпэ болыбэ́н, и мэ дыкхцём дыкхибэна Дэвлэ́стыр.

Apostolengiri Butý 10:11

И дыкхэ́ла ёв: болыбэ́н исын отчхакирдо, и вари-со, со подджа́ла пэ бари цэ́рга, сави́ сыс припхандлы пал штар вэ́нглы, мэкэласпэ тэлэ́ пэ пхув;

Матфеё 1:20

Нэ сыр ёв подуминдя дава́, Дэвлэ́скиро Янго́ло явдя́ кэ ёв дрэ сунэ́ и пхэндя́: “Ёзэ, Давидо́скиро чхаво́, на андырша тэ прилэс Мари́я сыр ромня́, пал-дова́ со Кодова́, Савэс ёй биянэ́ла, исын Свэнтонэ́ Духо́стыр (Фаностыр);

Дание́лё 8:2

И дыкха́вас мэ дова́ дыкхибэ́н, и ке́ли дыкха́вас, мэ со́мас дрэ Суза, шэрутно фо́ро кай сыс тва́рдыма/диз [крепость-ю.о.], кай исын Эламоскири округа, и дыкха́вас мэ дро дыкхибэ́н, сы́рбы мэ со́мас пашы́л рэка (лэнь) Улай.

Матфеё 2:19

Нэ ке́ли мыя́ Иродо, акэ, Дэвлэ́скиро Янго́ло явдя́ дро суно́ кэ Ёза дро Еги́пто,

Дание́лё 7:1

Пэ пэ́рво бэрш Валтасароскиро, Вавилонытконэ-Крали́скиро, Дание́лё дыкхця́ (дыя́) сунэ́ и пророкэ́нгирэ (пророчы́тка) дыкхибэна пэ́скрэ шэрэстыр, ке́ли ёв сыс пэ пэ́скиро чхуибэ́н. Тэ́ньци ёв зачхиндя́ дова́ суно́, роспхэни пэрвонэ́ лава́.

Ереме́ё 23:28

О проро́ко, савэ́стэ исын суно́, мэк ёв тэ роспхэнэл суно́, нэ кодова́, савэ́стэ исын Миро лав, мэк ёв тэ роспхэнэл Миро лав чачунэ́с. Саво́ исын кхэтаныпэн машки́р пхус и зя́рка?” – ракирэ́ла Рай Дэвэ́л.

Psalmy 105:15

ракири́: “На чилавэн Мирэн, Савэ́н Мэ помакхцём. На кэрэ́н чорипэ́н Мирэ́ пророкэнгэ.”

Psalmy 89:19

Пал-дова́ со Рай Дэвэ́л исын амаро́ шчы́то, и амаро́ Кра́ли исын Свэнтонэ́ Израилёстыр.

Ióvo 33:15

Дэвэ́л сы́рбы пхэнэ́ла дро суно́, дрэ зданки (дыкхибэ́н) раты́, сыр хор соибэн пэрэ́ла пэ манушэ́стэ, ци сыр ману́ш линдрэла (дреминэла) пэ чхуибэ́н,

Ióvo 4:13

дрэ на́бут трашанэ зданки, со ману́ш дыкхэ́ла дро суно́ раты́, ке́ли хор соибэн лэ́ла манушэ́с:

Vygiiben 7:1

И Рай Дэвэ́л пхэндя́ Мойза́скэ: “Дыкх, Мэ чхудём тут дэвлэса фараоно́скэ, а Ааро́но, тыро́ пшал, явэ́ла тырэса пророкоса:

Džiibén 20:7

акана́ ри́скир ромня́ палэ ромэскэ: пал-дова́ со ёв исын проро́ко, и ёв явэ́ла тэ мангэ́лпэ пал ту́тэ, и ту явэ́са джидо́; а ко́ли на рискирэса, тэды джин, со ту, и сарэ́ тырэ́, мэрэ́на.”

Džiibén 15:1

Пало́ далэ́ рэ́нды (де́лы) Ра́скирэ-Дэвлэ́скиро лав сыс дро дыкхибэ́н Аврамоскэ, и сыс пхэндло́: “Авраме, на дар; Мэ сом тыро́ шчы́то; мазу́ри (награда) ту́кэ тыро́ исын древа́н бари.

Sykadyipén 11:10

И одолэ́, савэ́ явэ́на тэ дживэ́н пэ пхув, явэ́на тэ радынэ́нпэ лэ́нгирэ мэрибна́стыр. Ёнэ явэ́на тэ радынэппэ зоралэ́с и тэ бичхавэн да́ры екх екхэ́скэ, пал-дова́ со кодолэ́ дуй проро́ки древа́н мэнчындлэ манушэ́н.

Sykadyipén 11:3

И мэ да́ва зор мирэ́ дуе Якхитконэнгэ и ёнэ явэ́на тэ ангилпхэнэн тысёнцо дуй шэла́ шовдэша́ дывэса́, савэ́ явэ́на уридэ́ дрэ гонэ́ балэндыр.”

Эфесянэнгэ 4:11

и Ёв чхудя́ вари-конэ́с Апостолэнца, вари-конэ́с пророкэнца, вари-конэ́с тэ роспхэнэ́н манушэ́нгэ бахталы́ зан, вари-конэ́с Дэвлытконэ́-манушэ́нгирэ ракхибнарье́нца и вари-конэ́с сыклякирибнаскирэ́нца,

Apostolengiri Butý 10:17

Ке́ли Пэ́три пиридуминэлас кокоро́ пэ́скэ, со дава́ саро́ значынэ́ла, со лэ́скэ сыкадыя́ болыбна́стыр, ёв дыкхця́; ґа́да, адалэ́ мануша́, савэ́н бичхадя́ Корнилиё, латхнэ́ Симоноскиро кхэр, подгинэ́ кэ по́рта,

Luka 20:6

нэ ко́ли пхэна́са: ‘Манушэ́ндыр,’ тэды сарэ́ мануша́ явэ́на тэ марэ́н барэ́нца, пал-дова́ со ёнэ джинэ́на миштэ́с, со Иа́но сыс проро́ко!”

Матфеё 23:37

Ерусалимэ! Ерусалимэ! Дро саво́ мулякирэнас пророкэ́н и шулякирэнас барэ́нца кодолэ́н, савэ́н бичхадэ́ кэ ту. Кицы́ мо́лы Мэ кама́м тэ скэдав чхаворэ́н тырэ́н, сыр чириклы скэдэ́ла чириклорэн тэл пхак и тумэ́ на камлэ́!

Матфеё 23:34

Акэ, палдава́ Мэ бичхава́ва кэ тумэ́ пророкэ́н и годьварэ́ манушэ́н и лылваритконэн; вари-савэ́н лэ́ндыр тумэ́ мулякирэна и примарэна пэ трушу́л, и явирэ́н явэ́на тэ шулякирэн дрэ синагоги и традэ́н штэто́стыр пэ штэ́то;

Матфеё 23:31

Пир дая́ причына тумэ́ допхэнэна пэ пэ́стэ, со тумэ́ сан кодолэнгирэ чхавэ́, савэ́ мулякирэнас пророкэ́н:

Матфеё 27:19

Ке́ли Пила́то сыс бэшто́ пэ сэндарискиро штэ́то, лэ́скири ромны́ бичхадя́ лэ́скэ лав, пхэни́: “На кэр нисо́ Кадалэскэ Патяибнытконэ Манушэ́скэ; мэ бут пиридживдём дро суно́ (сунэ́) пал Лэ́стэ.”

Юдэ́нгэ 1:1

Дэвэ́л на е́кхвар и пир саро́ ґары́м-ґара́ (ва́го) ракирдя́ амарэ́ прададэнгэ пир пророкэ́ндэ,

Džiibén 28:12

И дыкхця́ (дыя́) сунэ́: ґа́да, стылба / уклани́ (лесви́ца) сыс тэрды пэ пхув, а ла́киро вучипэ́н доджа́ла кэ болыбэ́н; и, ґа́да, Дэвлэ́скирэ Янго́лы ґаздэ́напэ и джа́на тэлэ́ пир ла́тэ.

Čysly 24:4

ракирэ́ла о ману́ш, саво́ шундя́ Дэвлэ́скирэ лава́, саво́ дыкхэ́ла Сарэзорьякирэ-Ра́скиро Дэвлэ́скиро сыкаибэ́н, пэрэ́ла, нэ якха́ лэ́скирэ отчхакирдэ:

1 Kralip 3:15

И сутя Самуи́ло кэ зло́ко, и отчхакирдя́ Ра́скирэ-Дэвлэ́скирэ Кхэрэскирэ вудара́; и Самуи́ло дардяпэ (дарандыя) тэ дэл тэ джинэ́л дава́ дыкхибэ́н Илиёскэ.

1 Kralip 28:6

И пхуця́ Са́уло Ра́стыр-Дэвлэ́стыр; нэ Рай Дэвэ́л на отпхэндя́ лэ́скэ ни дро суно́, ни пирда́л уримо, ни пирда́л пророкэ́ндэ.

3 Kralip 3:15

И джангадыя (прошниндяпэ) Соломо́но, и ґа́да, дава́ сыс, со Рай Дэвэ́л ракирдя́ лэ́са дро суно́. И гия́ ёв дро Ерусалимо, и тэрдия́ анги́л Ра́скирэ-Дэвлэ́скиро завето́скиро ковчэго, и яндя́ цэ́ло схачкирибэ́н, и яндя́ раманёно (ми́рно) свэ́нто дыибэ́н Ра́скэ-Дэвлэ́скэ, и кэрдя́ баро́ свэ́нко ваш сарэ́ пэ́скирэ дынарье́нгэ.

Ереме́ё 23:25

Мэ шундём, со проро́ки ракирэ́на, кон ангилпхэнэла хоханэ́с Мирэ́ лавэ́стыр. Ёнэ ракирэ́на: “Мэ дыкхцём сунэ́! Мэ дыкхцём сунэ́!”

Дание́лё 2:19

И тэ́ньчи сыс сыкадо гарадо́ чачипэ́н Даниелёскэ дро ратя́киро дыкхибэ́н, и о Дание́лё бахтякирдя́ болыбна́скирэ Дэвлэ́с.

Džiibén 28:16

Яково уштыя́ пэ́скирэ соибнастыр и пхэндя́: “Чачэс, Ра́й Дэвэ́л исын пэ дава́ штэ́то; а мэ на джиндём!”

Džiibén 37:5

И дыкхця́ (дыя́) Ёза сунэ́, и роспхэндя́ лэс пэ́скирэ пшалэ́нгэ; и ёнэ буты́р лынэ́ лэс тэ на вырикирэн.

Džiibén 37:9

И дыкхця́ ёв яви́р сунэ́, и роспхэндя́ лэс пэ́скирэ пшалэ́нгэ, ракири́: “Ѓа́да, мэ дыкхцём ишчо (инкэ́) суно́: ґа́да, кхам, и чхон, и дэшуе́кх чэргэня́ клонинэнапэ ма́нгэ.”

Яви́р Зако́но 18:15

Пророко́с машки́р ту́тэ, тырэ́ пшалэ́ндыр, сыр ман, дэ́ла ту́кэ Рай-Дэвэ́л, Дэвэ́л тыро́, Лэс шунэ́н, –

Яви́р Зако́но 18:18

Мэ да́ва лэ́нгэ Пророко́с лэ́нгирэ пшалэ́ндыр, адасавэс сыр ту, и чхува́ва лава́ Мирэ́ дрэ Лэ́скирэ ушта́, и Ёв явэ́ла тэ ракирэ́л лэ́нгэ саро́, со Мэ пхэна́ва Лэ́скэ;

1 Kralip 3:21

И пало́ (после) дова́ Рай Дэвэ́л дурэды́р явэ́лас дро Сило́мо, сыр отчхакирдя́ [сыкадыя́-ю.о.] Самуилоскэ Пэс дро Сило́мо пирда́л Ра́скирэ-Дэвлэ́скиро лав.

2 Kralip 7:4

Нэ дрэ доя́ рат сыс лав Ра́скирэ-Дэвлэ́скиро кэ Нафано:

Osija 12:11

На дыкхи́ пэ дова́, со Галаа́до кэрэ́ла намиштэс (и́долы) сыр Авено, и лэ́скирэ мануша́ ячэ́напэ (кончынэна) нисоса, на дыкхи́ пэ дава́, со ёнэ янэ́на гурувэ́н сыр свэ́нто дыибэ́н дро Гилгало, нэ лэ́нгирэ алтарьендыр явэ́на руи́ны машки́р лесьни фэлдэнгирэ.

Ioil 3:1

Пал-дова́ со, акэ, дрэ долэ́ дывэса́ и дро дава́ часо, ке́ли Мэ яна́ва палэ пленонэ манушэ́н Юдэя́тыр и Ерусалимо́стыр,

Заха́рия 1:8

“Дыкхцём (дыём) сунэ́ мэ раты́: акэ, мурш уклисто пэ лолэ́ грэстэ исын тэрдо́ машки́р мирты, савэ́ исын на́бут палэдыр, нэ пал лэ́стэ граё лолэ́, сыва и парнэ́.