Čysly 11:4 - Библия - Пэ Балтитко Романи чиб (Романэс) 2019

⁴ Мануша́, савэ́ явнэ́ явирэ рига́тыр, машки́р лэ́ндэ лынэ́ тэ латхэ́н ла́ска пэ ґара́ (пэ длу́гэс); лэ́нца и Израилёскирэ чхавэ́ сыс бэштэ́ и рондлэ́, и ракирдэ́: “Кон чалякирэла пхэрдэ́с амэн масэса?

Biblija - Pe Baltitko Romani čib (Romanes) 2019

⁴ Manušá, savé javné javire rigátyr, maškír lénde lyné te lathén láska pe ĥará (pe dlúges); lénca i Izrailjoskire čhavé sys bešté i rondlé, i rakirdé: “Kon čaliakirela pherdés amen masesa?

Čysly 11:4 Referans Kwoze

1 Коринфянэнгэ 10:6

Нэ амэ́нгэ трэй тэ сыклёвас сарэ́стыр далэ́стыр, соб (кай) амэ тэ на явас ґалка (жадна) пэ налачхэ́ рэ́нды, сыр ёнэ сыс.

Vygiiben 12:38

и бут явирэ-родоскирэ мануша́ выгинэ́ лэ́нца, и тыкно́ и баро́ кхэри́тко мурда́л, стада сыс древа́н бари.

Psalmy 106:14

и ёнэ битукоскиро (бимеракиро) кэрдэ́ пир пэ́скиро на́лачхо тырдыпэ́н пэ чхучэ́ прахи и пропатякирэнас Дэвлэ́с пэ чхучо́ штэ́то.

1 Коринфянэнгэ 15:33

На хохавэнпэ: налачхэ́ кампании розмэкэна лачхэ́ характеры.

Ниеми́я 13:3

Сыр ёнэ шундлэ́ дава́ Зако́но, ёнэ вылыджинэ́ саро́ народо, саво́ на сыс Израилёскирэ манушэ́ндыр.

Римлянэнгэ 13:14

Дживэ́н и кэрэ́н саро́ пир Исусо́скиро Христосо́скиро чачипэ́н, амарэ́ Ра́скирэ-Дэвлэ́скиро, на отдэ́н кокорэ́ пэс ваш тумари́ лоч и ла́киро тырдыпэ́н.

Vygiiben 16:3

и пхэндлэ́ лэ́нгэ Израилёскирэ чхавэ́: “Нэ, ко́ли амэ тэ мэрас Ра́скирэ-Дэвлэ́скирэ вастэ́стыр пэ Египто́скири пхув, ке́ли амэ са́мас бэштэ́ пашы́л пирья масэса, и ке́ли амэ хаям маро́ кэ чалыпэн! Палдава́ со вылыджинэ́ тумэ́ амэн пэ дая́ чхучи́ пхув, соб (кай) саро́ дава́ скэдыибэ́н тэ мулякирэ́н бокхаса.”

Čysly 14:22

сарэ́, савэ́ дыкхнэ́ Мири́ сла́ва и Мирэ́ знаме́нии (ґертыка́), савэ́ Мэ кэрдём дро Еги́пто и пэ чхучи́ пхув, и спробинэнас Ман дэш мо́лы, и на шундлэ́ Мири́ зан,

Čysly 16:13

Нау́што наухтылла (на́доси) дова́, со ту вылыджыян амэн пхувья́тыр, пэ сави́ тхадэ́ла тхуд и авги́н, соб (кай) тэ хасякирэс амэн пэ чхучи́ пхув, и ту буты́р камэ́са тэ явэс тхагариса пэ амэ́ндэ!

Ереме́ё 42:14

‘Над, амэ фэды́р джа́са кэ пхув Египто́скири, кай амэ на ява́са тэ дыкхас марибэ́н, и тэ на шунас рогоскири зан, и тэ на явас бокхалэ́ пэ маро́, и, одо́й амэ ява́са тэ джива́с,’

Vygiiben 16:12

“Мэ шундём Израилёскирэ-чхавэнгири го́дла; пхэн лэ́нгэ: ‘Бэльвэле́ явэ́на тэ хан мас, а пэ зло́ко чалёна марэ́са, и уджинэна, со Мэ сом Рай Дэвэ́л (Яхва́), Дэвэ́л тумаро́.’”

Čysly 11:18

Манушэ́нгэ пхэн: ‘Выжужакирэнпэ кэ атасятуно дывэ́с, и явэ́на тэ хан мас; адя́кэ сыр тумэ́ рондлэ́ анги́л Ра́скирэ-Дэвлэ́скиро шуныбэ́н и ракирдэ́, кон чалякирэла пхэрдэ́с амэн масэса?’ Миштэ́с амэ́нгэ сыс дро Еги́пто, – тэды и дэ́ла тумэ́нгэ Рай Дэвэ́л мас, и тумэ́ явэ́на тэ хан:

Čysly 14:1

И ґаздыя́ го́дла саро́ скэдыибэ́н, и рондлэ́ мануша́ сари́ доя́ рат;

Яви́р Зако́но 9:22

И дрэ Тавера, дрэ Маса́ и дрэ Киброт-Гатаава тумэ́ холякирдэ Рас-Дэвлэ́с.