Čysly 11:25 - Библия - Пэ Балтитко Романи чиб (Романэс) 2019

²⁵ И згия Рай Дэвэ́л дро о́блоко, и ракирдя́ лэ́са, и лыя́ Духо́стыр (Фаностыр), Саво́ сыс пэ лэ́стэ и дыя́ Лэс эфтадашэ пхурыдырэнгэ. И ке́ли мэкця́ пэ лэ́ндэ Ду́хо (Фа́но), то нэ ёнэ лынэ́ тэ ангилпхэнэн (тэ пророчынэн), нэ коригэды́р (позжэ) на пириячнэ.

Biblija - Pe Baltitko Romani čib (Romanes) 2019

²⁵ I zgija Raj Devél dro óbloko, i rakirdiá lésa, i lyjá Duhóstyr (Fanostyr), Savó sys pe léste i dyjá Les eftadaše phurydyrenge. I kiéli mekciá pe lénde Dúho (Fáno), to ne jone lyné te angilphenen (te proročynen), ne korigedýr (pozže) na pirijačne.

Čysly 11:25 Referans Kwoze

Čysly 11:17

Мэ зджава, и Мэ ява́ва тэ ракира́в одо́й ту́са, и Мэ ла́ва Духо́стыр, саво́ исын пэ ту́тэ, и чхува́ва Лэс пэ лэ́ндэ, соб (кай) ёнэ тэ лыджа́н ту́са манушэ́нгиро пхарипэ́н, а соб (кай) ту на екхджино́ тэ лыджас.

1 Kralip 10:10

Ке́ли ёнэ явнэ́ кэ бэ́ргица, ґа́да, джа́ла тысёнцо пророкэнгиро лэ́ндэ и згия пэ лэ́стэ Дэвлэ́скиро Ду́хо, и ёв ангилпхэндя машки́р лэ́ндэ.

Čysly 12:5

И згия Рай Дэвэ́л дро облокоскиро сты́лбо, и тэрдия́ пашы́л скиниякиро загиибэ́н, и кхардя́ Аароно́с и Мариам, и выгинэ́ ёнэ дуйджинэ́.

2 Petr 1:21

пал-дова́ со мануша́ ние́кхвар вагэдыр (ґарэдыр) на ангилпхэнэнас пир пэ́скири во́ля, а дава́ ракирдэ́ свэ́нта Дэвлэ́скирэ мануша́, ке́ли Свэ́нто Ду́хо (Фа́но) лыджия́ лэн.

4 Kralip 2:15

И дыкхнэ́ лэс пророкэ́нгирэ чхавэ́, савэ́ сыс дро Ерихо́но, дура́л, и пхэндлэ́: “Пасия́ ду́хо (фа́но) Илияскиро пэ Елисеёстэ.” И гинэ́ гил лэ́скэ, и поклониндлэпэ лэ́скэ кэ пхув.

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

1 Коринфянэнгэ 14:32

И пророкэ́нгирэ ду́хи кандэ́на пророкэ́н.

Apostolengiri Butý 11:28

и екх лэ́ндыр, савэ́с кхардэ́ “Агаво”, уштыя́ и Свэнтонэ́ Духо́са ангилпхэндя, со явэ́ла бари бокх пир сари́ пхув, и, ґа́да, бокх яця́, ке́ли Клавдиё сыс кхенинго (кесарё).

Psalmy 99:7

Ёв ракирдя́ лэ́нгэ дро сты́лбо облокэндыр: ёнэ рикирэнаспэ кэ Лэ́скиро допхэныбэ́н и кэ стату́то, со Ёв дыя́ лэ́нгэ.

Vygiiben 40:38

пал-дова́ со Ра́скирэ-Дэвлэ́скиро о́блоко сыс тэрдо́ упра́л ша́тра дывэсэ́, и яг сыс раты́ дрэ ла́тэ анги́л якха́ сарэ́ Израилёскирэ кхэрэ́скиро, дрэ сарэ́ лэ́нгирэ дрома́.

Vygiiben 34:5

И гия́ тэлэ́ Дэвэ́л дро о́блоко, и тэрдия́ одо́й пашы́л лэ́стэ, и выпхэндя Лэ́скиро лав Иегова (Яхва́).

Čysly 27:18

И пхэндя́ Рай Дэвэ́л Мойза́скэ: “Лэ пэ́скэ Исусо́с (Ёхошуас), Навиноскирэ чхавэ́с, манушэ́с, дрэ савэ́стэ исын Ду́хо (Фа́но), и чхув пэ лэ́стэ тыро́ васт,

Сэндарьенгири Лылвари́ 3:10

Пэ лэ́стэ сыс Ра́скирэ-Дэвлэ́скиро Ду́хо (Фа́но), и сыс ёв сэндариса Израилёскэ. Ёв выгия́ пэ марибэ́н, и отдыя́ Рай Дэвэ́л дрэ лэ́скирэ васта́ Хусарсафемос, Месопотамиякирэ крали́с, и пиризорьякирдя лэ́скиро васт Хусарсафемос.

Isajos 63:11

Тэ́ньци Лэ́скиро народо пририпирдя ґаратунэ́ Мойза́скирэ дывэса́: “Кай исын Одова́, Саво́ вылыджия́ лэн морёстыр (дэрьявэстыр) чхупнариса, Саво́ чаравэла Лэ́скирэ бакрэ́н? Кай исын Одова́, Саво́ чхудя́ Пэ́скиро Свэ́нто Ду́хо (Фа́но) дро лэ́скиро ило́?

Езэкилё 8:11

А эфтадэша́ (битрияндэнгиро шэл) мурша́, Израилёскирэ-Кхэрэ́скирэ годэ́-пхурэндыр (пхурыдырэндыр) сыс тэрдэ́ анги́л лэ́ндэ, и Езания́ (Иезания), Сафаноскиро чхаво́ сыс тэрдо́ машки́р лэ́ндэ. Кажнонэ́стэ дро васт исын пэ́скири кадила тхувипнаскири, баро́ облако кучонэ́-кхандыпнаскиро ґаздэласпэ упрэ́.

Vygiiben 32:32

отмэк лэ́нгиро грэ́хо лэ́нгэ, а ко́ли над, тэды кхос криг и ман Тырэ́ лылварьятыр, дрэ сави́ Ту зачхиндян.”

Čysly 16:25

И уштыя́ Мо́йза, и гия́ кэ Дафано и Авироно, и пал лэ́стэ гинэ́ Израилёскирэ пхурыдыра́.

Čysly 24:2

И подыкхця́ Валаа́мо, и дыкхця́ Израилё, саво́ сыс тэрдо́ пир пэ́скирэ ро́дыцы (чанга́), и сыс пэ лэ́стэ Дэвлэ́скиро Ду́хо (Фа́но).

Ниеми́я 9:20

И Ту дыя́н лэ́нгэ Пэ́скиро лачхо́ Ду́хо, соб (кай) тэ сыклякирэс лэн и мана пэ́скири на отлэсас лэ́нгирэ мо́стыр и пани́ дыя́н лэ́нгэ тэ пьен.