Čysly 11:20 - Библия - Пэ Балтитко Романи чиб (Романэс) 2019

²⁰ нэ саро́ чхон, пака ёв лэ́ла тэ джал тумарэ́ накхэстыр и ячэ́ла ваш тумэ́нгэ джунгало́ (брыдко), пал-дова́ со тумэ́ бидыкхнэ Рас-Дэвлэ́с, Саво́ сыс машки́р тумэ́ндэ, и рондлэ́ анги́л Лэ́стэ, ракири́: “Ваш со трэиндя́ сыс амэ́нгэ тэ выджас Египто́стыр?”

Biblija - Pe Baltitko Romani čib (Romanes) 2019

²⁰ ne saró čhon, paka jov léla te džal tumaré nakhestyr i jačéla vaš tuménge džungaló (brydko), pal-dová so tumé bidykhne Ras-Devlés, Savó sys maškír tuménde, i rondlé angíl Léste, rakirí: “Vaš so treindiá sys aménge te vydžas Jegiptóstyr?”

Čysly 11:20 Referans Kwoze

Psalmy 106:15

Нэ Дэвэ́л дыя́ лэ́нгэ дова́, со ёнэ мангнэ́, нэ тэ́ньчи Ёв бичхадя́ дукха́ пэ лэ́ндэ.

Čysly 21:5

и ракирдэ́ мануша́ проти Растэ-Дэвлэ́стэ и про́ти Мойзастэ: “Со́скэ тумэ́ вылыджинэ́ амэн Египто́стыр, соб (кай) тэ мэрас амэ́нгэ пэ чхучи́ пхув, пал-дова́ со ада́й нанэ ни маро́, ни пани́, и амарэ́ дескэ яця́ джунгало́ (збрыдиндя) дава́ на́лачхо хабэ́н.”

1 Kralip 10:19

А тумэ́ какана́ мэкнэ́ тумарэ́ Дэвлэ́с, Саво́ зракхэ́ла тумэн сарэ́ тумарэ́ бидатыр и тумарэ́ пиридживипнастыр, и пхэндлэ́ Лэ́скэ: “Крали́с чхув пэ амэ́ндэ.” И адя́кэ тэрдён какана́ анги́л Дэвлэ́стэ пир тумарэ́ ро́дыцы и пир кхэри́тка ро́ды (пле́ми) тумарэ́.”

1 Фесалоникийцэнгэ 4:8

И ко́ли вари-кон на прилэ́ла дава́ сыклякирибэ́н, ёв прилэ́ла на, со манушэ́с, а Дэвлэ́с, Саво́ и дыя́ тумэ́нгэ Пэ́скиро Свэ́нто Ду́хо (Фа́но).

Apostolengiri Butý 13:41

“Ракхэ́нпэ тумэ́, кон дыкхэ́ла бипатывакирэс пэ яви́р манушэ́ндэ, тумэ́ здивинэнапэ и хасёна; пал-дова́ со Мэ кэра́ва дасаво рэ́ндо ваш тумэ́ндэ дрэ тумарэ́ дывэса́, савэ́скэ тумэ́ ние́кхвар на патя́на, ко́ли вари-кон роспхэнэ́ла тумэ́нгэ пал дава́.”

Малахия 1:6

“О чхаво́ кэрэ́ла паты́в пэ́скирэ дадэ́скэ, и о писха́ри лэ́скирэ ра́скэ: ко́ли Мэ сом Дад, кай жа исын хор паты́в Ма́нгэ? Ко́ли Мэ сом Рай Дэвэ́л, кай жа исын паты́в Ма́нгэ?”, – ракирэ́ла янголэ́нгирэ-болыбна́скиро Рай Дэвэ́л тумэ́нгэ, рашая́, савэ́ндэ нанэ дрэ паты́в Миро лав. Нэ тумэ́ пхэнэ́на: “Дро со амэ на сыкаваса паты́в Тырэ́ лавэ́скэ?”

Pritčy 27:7

Чало ди на дыкхэ́ла и пэ авги́н, нэ бокхалэ́ дескэ кажно кирко котэ́р исын гудло́.

2 Kralip 12:10

и адя́кэ на отджала курта́ла тырэ́ кхэрэ́стыр дро ве́ко, пал-дова́, со ту на кандыян ман и лыян ромня́ Урияскирэ Хетеяниноскирья, соб (кай) ёй тэ явэ́л ту́кэ ромня́са.

1 Kralip 2:30

Палдава́ адя́кэ ракирэ́ла Рай Дэвэ́л, Рай Дэвэ́л Израилёскиро: ‘Мэ пхэндём тэды: ‘Тыро́ кхэр и тырэ́-дадэ́скиро кхэр явэ́на тэ псирэ́н анги́л Миро муй дро ве́ко.’ Нэ какана́ ракирдя́ Рай Дэвэ́л: ‘Мэк тэ на явэ́л адя́кэ, пал-дова́ со Мэ прославинава манушэ́н, савэ́ славинэна Ман, а кон на славинэла Ман, одолэ́ явэ́на ладжакирдэ́.

Isúso 24:27

И пхэндя́ Ису́со сарэ́ манушэ́нгэ: “Ѓа́да, дава́ бар явэ́ла тумэ́нгэ якхитконэса, пал-дова́ со ёв шундя́ сарэ́ Ра́скирэ-Дэвлэ́скирэ лава́, савэ́ Ёв ракирдя́ амэ́нца; мэк ёв тэ явэ́л якхитконэса проти тумэ́ндэ, соб (кай) тумэ́ тэ на хохавэн анги́л тумарэ́ Дэвлэ́стэ”.

Vygiiben 16:13

Бэльвэле́ приурняндынэ перепёлы и зачхакирдэ ста́но, а пэ ра́нко сыс пашты пахлын (роса) пашы́л ста́но;

Vygiiben 16:8

И пхэндя́ Мо́йза: “Тумэ́ уджинэна, ке́ли Рай Дэвэ́л бэльвэле́ дэ́ла тумэ́нгэ мас дрэ хабэ́н, а пэ ра́нко маро́, кицы́ тумэ́ камэ́на, пал-дова́ со Рай Дэвэ́л шундя́ го́дла тумари́, сави́ тумэ́ ґаздынэ́ проти Лэ́стэ: а амэ со? Тумари́ го́дла на пэ амэ́ндэ, а пэ Растэ-Дэвлэ́стэ.

Čysly 11:19

на екх дывэ́с тумэ́ явэ́на тэ хан, на дуй дывэса́, на пандж дывэса́, и на дэш дывэса́ и на биш дывэса́,

Čysly 11:21

И пхэндя́ Мо́йза Ра́скэ-Дэвлэ́скэ: “Шовшэла́ тысёнцы сарэ́н адалэ́ манушэ́н, машки́р савэ́ндэ и мэ сом; а Ту ракирэ́са: “Мэ да́ва лэ́нгэ мас, и явэ́на тэ хан саро́ чхон!”

Vygiiben 16:3

и пхэндлэ́ лэ́нгэ Израилёскирэ чхавэ́: “Нэ, ко́ли амэ тэ мэрас Ра́скирэ-Дэвлэ́скирэ вастэ́стыр пэ Египто́скири пхув, ке́ли амэ са́мас бэштэ́ пашы́л пирья масэса, и ке́ли амэ хаям маро́ кэ чалыпэн! Палдава́ со вылыджинэ́ тумэ́ амэн пэ дая́ чхучи́ пхув, соб (кай) саро́ дава́ скэдыибэ́н тэ мулякирэ́н бокхаса.”

Čysly 11:13

каты́р ма́нгэ тэ лав мас, соб (кай) тэ дав сарэ́ адалэ́ манушэ́нгэ? Пал-дова́ со ёнэ ровэна анги́л ма́ндэ и ракирэ́на: ‘Дэ амэ́нгэ тэ хас мас.’

Čysly 14:3

И ваш со Рай Дэвэ́л лыджа́ла амэн пэ дая́ пхув, соб (кай) амэ тэ хасёвас куртала́тыр? Джувля́ амарэ́ и чхавэ́ амарэ́ дорэсэнапэ вэргэ́нгэ; ци нанэ фэды́р тэ рисёвас палэ дро Еги́пто?”

Čysly 14:4

И пхэндлэ́ ёнэ екх екхэ́скэ: “Чхуваса пэ́скэ барыдырэ́с, и рисёваса дро Еги́пто.”

Čysly 16:13

Нау́што наухтылла (на́доси) дова́, со ту вылыджыян амэн пхувья́тыр, пэ сави́ тхадэ́ла тхуд и авги́н, соб (кай) тэ хасякирэс амэн пэ чхучи́ пхув, и ту буты́р камэ́са тэ явэс тхагариса пэ амэ́ндэ!

Čysly 20:4

со́скэ тумэ́ яндлэ́ Ра́скирэ-Дэвлэ́скиро скэдыибэ́н пэ дая́ чхучи́ пхув, соб (кай) тэ мэрас ада́й амэ́нгэ и амарэ́ кхэритконэ́ мурдалэскэ (скотоскэ)?