Čysly 11:16 - Библия - Пэ Балтитко Романи чиб (Романэс) 2019

¹⁶ И пхэндя́ Рай Дэвэ́л Мойза́скэ: “Скэ́дэ Ма́нгэ эфтадэша́ муршэ́н Израилёскирэ пхурыдырэндыр, савэ́н ту джинэ́са, со (кай) ёнэ исын пхурыдыра́ и лэ́скирэ дыкхибнаскирэ, и лэ лэн кэ скэдыибна́скири ша́тра, соб (кай) ёнэ тэ ячэн одо́й ту́са.

Biblija - Pe Baltitko Romani čib (Romanes) 2019

¹⁶ I phendiá Raj Devél Mojzáske: “Skéde Mánge eftadešá muršén Izrailjoskire phurydyrendyr, savén tu džinésa, so (kaj) jone isyn phurydyrá i léskire dykhibnaskire, i le len ke skedyibnáskiri šátra, sob (kaj) jone te jačen odój túsa.

Čysly 11:16 Referans Kwoze

Vygiiben 24:1

И пхэндя́ Ёв Мойза́скэ: “Джа́ упрэ́ кэ Рай Дэвэ́л, ту и Ааро́но, Надаво и Авиудо и эфтадэша́ Израилёскирэ пхурыдыра́, и кэрэ́н шэрэ́са (поклонинэнпэ) дура́л.

Vygiiben 24:9

Тэ́ньци гия́ упрэ́ Мо́йза и Ааро́но, Надаво и Авиудо и эфтадэша́ Израилёскирэ пхурыдыра́,

Яви́р Зако́но 16:18

Дрэ сарэ́ тырэ́ кхэра́, савэ́ Рай Дэвэ́л, Дэвэ́л тыро́, дэ́ла ту́кэ, чхув пэ́скэ сэндарьен и ракхибнарьен пир тырэ́ ро́дыцы, соб (кай) ёнэ тэ сэндякирэн манушэ́н чачунэ́ сэндоса;

Яви́р Зако́но 1:15

И лыём мэ шэралэн тумарэ́ родыцэндыр (чангэндыр), муршэ́н мэндронэн и пропатякирдэн, и чхудём лэн барыдырэ́нца пэ тумэ́ндэ, тысёнцэнгирэ барыдырэ́нца, шэлэнгирэ барыдырэ́нца, пандждэшэнгирэ барыдырэ́нца, дэшэнгирэ барыдырэ́нца и дыкхибнаскирэнца пир тумаро́ ро́дыцо.

Džiibén 46:27

Ёза́скирэ чхавэ́, савэ́ бия́ндынэ лэ́стыр дро Еги́пто, сыс дуй дия́. Сарэ́н Яково́скирэ кхэрэ́скирэ манушэ́н, савэ́ явнэ́ дрэ Еги́пто, сыс эфтадэша́.

Luka 10:17

И эфтадэша́ сыкляибны́тка явнэ́ палэ барэ́ радыма́са, ракири́: “Раё Дэ́вла! Кокорэ́ налачхэ́ ду́хи (фаны) кандынэ́ амэн, ке́ли амэ ракирдям Тырэ́ лавэ́са.”

Luka 10:1

Пало́ дава́ Рай Дэвэл выкэдыя́ яви́р эфтадэша́ сыкляибнытконэ́н и бичхадя́ лэн пир дуендэ анги́л Пэ́стэ дро кажно фо́ро и гав, карик Ёв Кокоро́ камдя́ тэ джал.

Езэкилё 8:11

А эфтадэша́ (битрияндэнгиро шэл) мурша́, Израилёскирэ-Кхэрэ́скирэ годэ́-пхурэндыр (пхурыдырэндыр) сыс тэрдэ́ анги́л лэ́ндэ, и Езания́ (Иезания), Сафаноскиро чхаво́ сыс тэрдо́ машки́р лэ́ндэ. Кажнонэ́стэ дро васт исын пэ́скири кадила тхувипнаскири, баро́ облако кучонэ́-кхандыпнаскиро ґаздэласпэ упрэ́.

Vygiiben 4:29

И гия́ Мо́йза Аароноса, и скэдынэ́ ёнэ сарэ́н Израилёскирэ-чхавэ́нгирэ барыдырэ́н,

Яви́р Зако́но 31:28

Скэдэ́н кэ мэ сарэ́н пхурыдырэн пэ тумарэ́ ро́дыцы и дыкхиибнаскирэн (надзирателен) тумарэн, и мэ пхэна́ва лэ́нгэ дро саро́ шуныбэ́н далэ́ лава́, и кхара́ва дро допхэныбэ́н пэ лэ́ндэ болыбэ́н и пхув.

Vygiiben 18:25

и выкэдыя́ Мо́йза сарэ́ Израилёстыр одаримэ манушэ́н, и чхудя́ лэн барыдырэ́нца пэ манушэ́ндэ; тысёнцэнгирэнца, шэлэнгирэнца, пандждэшэнгирэнца и дэшэнгирэнца.

Čysly 11:24

Мо́йза выгия́ и пхэндя́ манушэ́нгэ Ра́скирэ-Дэвлэ́скирэ лава́, и скэдыя́ эфтадэшэ муршэ́н пхурыдырэ манушэ́ндыр, и чхудя́ лэн пашы́л ша́тра.

Ереме́ё 19:1

Адя́кэ пхэндя́ Рай Дэвэ́л ма́нгэ, Еремеёскэ: “Джа́ и кин кхоро́ ґлэятыр, и лэ пэ́са манушэ́нгирэ пхурыдырэн и пхурыдырэ раша́н,

Čysly 16:25

И уштыя́ Мо́йза, и гия́ кэ Дафано и Авироно, и пал лэ́стэ гинэ́ Израилёскирэ пхурыдыра́.