Čysly 11:10 - Библия - Пэ Балтитко Романи чиб (Романэс) 2019

¹⁰ О Мо́йза шундя́, со мануша́ ровэнас дрэ пэ́скирэ чэ́карья (семействы), кажно (сва́ко) пашы́л пэ́скирэ шатракирэ вудара́; и зоралэ́с захачи́я Ра́скирэ-Дэвлэ́скири холы́, и смэнтно сыс ваш Мойза́скэ.

Biblija - Pe Baltitko Romani čib (Romanes) 2019

¹⁰ O Mójza šundiá, so manušá rovenas dre péskire čékarja (siemieistvy), kažno (sváko) pašýl péskire šatrakire vudará; i zoralés zahačíia Ráskire-Devléskiri xolý, i smentno sys vaš Mojzáske.

Čysly 11:10 Referans Kwoze

Psalmy 78:21

Палдава́ Рай Дэвэ́л шундя́ дава́, и Ёв древа́н холя́сыя, Лэ́скири холы́ росхачия пэ Израилёскирэ манушэ́ндэ и адя́кэ-паць холякирибэ́н ґаздыя́пэ пэ лэ́ндэ,

Marko 10:14

Нэ ке́ли Ису́со дыкхця́ дава́, Ёв холя́сыя и пхэндя́: “Мэкэ́н чхаворэ́н кэ Мэ; и на тэрдён пэ дром лэ́ндэ, пал-дова́ со Кралипэ́н дро Болыбна́скиро Раё явэ́ла лэ́нгиро.

Marko 3:5

Тэды Ису́со облыджия лэн холямэ́ дыкхибнаса, и тугиндя пал лэ́нгирэ пхарэ́ илэ, и пхэндя́ калекаскэ: “Протырдэ тыро́ васт!” Ёв протырдыя́, и васт лэ́скиро яця́ састо́ сарэ́са.”

Ереме́ё 17:4

И тумэ́ кокорэ́ отдэна мэкно́ миштыпэ́н, саво́ Мэ отдыём тумэ́нгэ: и Мэ кэра́ва адя́кэ, со тумэ́ явэ́на тэ дынаринэ́н тумарэ́ вэргэ́нгэ пэ пхув, сави́ тумэ́ на джинэ́на: пал-дова́ со тумэ́ росхачкирдэ Мирэ́ – холякири яг; ёй явэ́ла тэ хачол пэ сарэ́ ве́ки.

Isajos 5:25

Пал дова́ захачола Ра́скирэ-Дэвлэ́скири холы́ пэ Лэ́скиро народо, протырдэла Ёв Пэ́скиро васт пэ лэ́ндэ, и Ёв чилавэ́ла лэн адя́кэ, со бэ́рги издрана, а лэ́нгирэ тру́пы явэ́на вычхурдынэ пэ вули́цы (га́сы) сыр гнэё. И на пириячэ́ла Лэ́скири холы́, и васт Лэ́скиро явэ́ла протырдыно.

Psalmy 139:21

О, Раё Дэ́вла! Ци мэ бидыкхава одолэ́н, савэ́ бидыкхэна Тут? Ци на ячнэ́ джунгалэ́ (на брыдиндлэ) ма́нгэ одолэ́, кон ґаздэ́лапэ пэ Ту́тэ?

Psalmy 106:25

а ёнэ зэмбиндлэ холямэс дрэ пэ́скирэ ша́тры; ёнэ на шундлэ́ Ра́скирэ-Дэвлэ́скири зан.

Psalmy 78:59

Дэвэ́л шундя́ дава́, Ёв холя́сыя, и Ёв традыя́ криг Израилё дур Пэ́стыр:

Яви́р Зако́но 32:22

пал-дова́ со яг захачи́я дрэ холы́ Мири́, и ёй хачкирэ́ла кэ преисподнё кэ са́мо нижнё лю́но (адо), и ха́ла пхув и со исын пэ ла́тэ, и хачкирэ́ла бэ́рги.

Čysly 21:5

и ракирдэ́ мануша́ проти Растэ-Дэвлэ́стэ и про́ти Мойзастэ: “Со́скэ тумэ́ вылыджинэ́ амэн Египто́стыр, соб (кай) тэ мэрас амэ́нгэ пэ чхучи́ пхув, пал-дова́ со ада́й нанэ ни маро́, ни пани́, и амарэ́ дескэ яця́ джунгало́ (збрыдиндя) дава́ на́лачхо хабэ́н.”

Čysly 16:27

И отгинэ́ ёнэ сарэ́ ригэ́ндыр Кореёскирэ шатрэндыр, Дафаноскирэ и Авироноскирэ; а Дафано и Авироно выгинэ́ и тэрдэ́ сыс пашы́л пэ́скирэ шатрэнгирэ вудара́ пэ́скирэ джувле́нца, и пэ́скирэ чхавэ́нца, и пэ́скирэ тыкнэ́ чхаворэнца.

Čysly 12:3

Мо́йза сыс ману́ш ковлэдыр (смиренэдыр) сарэ́ манушэ́ндыр пэ пхув.

Čysly 11:1

Мануша́ лынэ́ дро саро́ шуныбэ́н тэ жалинэнпэ Ра́скэ-Дэвлэ́скэ; и Рай Дэвэ́л шундя́, и росхачия Лэ́скири холы́, и захачи́я пэ лэ́ндэ Раскири-Дэвлэ́скири яг, и лыя́ Ёв тэ хасякирэ́л станоскиро яго́ро (краё).

Čysly 11:9

И ке́ли пахлын (роса) зджа́ла пэ ста́но раты́, тэды зджа́ла пэ лэ́стэ и манна.

Čysly 11:11

И пхэндя́ Мо́йза Ра́скэ-Дэвлэ́скэ: “Ваш со Ту мэнчынэса Тырэ́ писхари́с? И со́скэ мэ на латхём тангипэ́н анги́л Тырэ́ якха́, со Ту чхудя́н пэ ма́ндэ саро́ адалэ́-манушэ́нгиро пхарипэ́н?

Čysly 12:9

И росхачия Ра́скирэ-Дэвлэ́скири холы́ пэ лэ́ндэ, и Ёв отгия́.