Čysly 10:29 - Библия - Пэ Балтитко Романи чиб (Романэс) 2019

²⁹ И пхэндя́ Мо́йза Ховавоскэ, Рагуилоскирэ чхавэ́скэ, Мадианитяниноскэ, Мойза́скирэ састрэскэ [сэмэнцакэ-р.с.]: “Амэ джа́са анги́л пэ дова́ штэ́то, пал саво́ Рай Дэвэ́л пхэндя́: ‘Тумэ́нгэ Мэ да́ва лэс’, джа́ амэ́нца, амэ кэра́са ту́кэ лачхипэ́н, пал-дова́ со Рай Дэвэ́л лачхипэ́н пхэндя́ пал Израилё.”

Biblija - Pe Baltitko Romani čib (Romanes) 2019

²⁹ I phendiá Mójza Xovavoske, Raguiloskire čhavéske, Madianitianinoske, Mojzáskire sastreske [semencake-r.s.]: “Ame džása angíl pe dová štéto, pal savó Raj Devél phendiá: ‘Tuménge Me dáva les’, džá aménca, ame kerása túke lačhipén, pal-dová so Raj Devél lačhipén phendiá pal Izrailjo.”

Čysly 10:29 Referans Kwoze

Džiibén 12:7

И Дэвэ́л сыкадыя́ Аврамоскэ, и пхэндя́: “Дая́ пхув Мэ да́ва тырэ́ родо́скэ, саво́ явэ́ла анги́л.” И ёв кэрдя́ алта́рё одо́й Ра́скэ-Дэвлэ́скэ, Саво́ сыкадыя́ лэ́скэ.

Сэндарьенгири Лылвари́ 4:11

Хеверо Кенеянино, отгия́ тэды Кенеянинэндыр, Ховавоскирэ чхавэ́ндыр, Мойза́скирэ сэмэнцатыр, и чхудя́ пэ́скири ша́тра пашэ́ дэмбы дрэ Цаанимо на́дур Кедесостыр.

Vygiiben 3:1

Мо́йза ракхця́ бакрэ́н Иофоростэ, Мадиамитянэнгирэ рашастэ, саво́ сыс лэ́скиро састро (тестё). Екхвар традыя́ ёв кхэритконэ́ мурдалэ́н (ското) дур пэ чхучи́ (пусто) пхув, и явдя́ кэ Дэвлэ́скири бэ́рга Хориво.

Vygiiben 2:18

И явнэ́ ёнэ кэ Рагуило, лэ́нгиро дад, и ёв пхэндя́: “Со тумэ́ адя́кэ сыг явнэ́ ададывэ́с?”

Džiibén 32:12

Ту пхэндя́н: “Мэ ява́ва тэ дав васт (тэ помогинав) ту́кэ, и тырэ́ – чхавэ́нгиро ро́до кэра́ва, сыр морёскиро (дэрьявэ́скиро) пра́хо, саво́ тэ на гинэс, пал-дова́, со лэс бут.”

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Юдэ́нгэ 6:18

Дэвэ́л кэрдя́ адя́кэ пир дуй чачипэна́: Дэвэ́л на парувэла пхэндло́ лав и на хохавэла. Амэ́нгэ, савэ́ чхурдыямпэ кэ Ёв тэ ухтыласпэ пал наде́я, со сыс дыны́ амэ́нгэ, явэ́ла зорало́ подыно васт (помошш) тэ зракхаспэ.

Titoske 1:2

дава́ чачипэ́н дэ́ла наде́я пэ ве́чно джиибэ́н, пал саво́ Дэвэ́л дыя́ лав амэ́нгэ анги́л, сыр свэ́то сыс создыно́, а Дэвэ́л ние́кхвар на хохавэла,

Apostolengiri Butý 7:5

Ёв на дыя́ лэ́скэ мэкно́ миштыпэ́н ни пэ екх пиро́ (стопа) гэрьякиро барипнаса, нэ Ёв дыя́ лав лэ́скэ тэ дэл дая́ пхув сыр лэ́скири и со лэ́скирэ-чхавэ́нгирэ родо́скэ чхавэ́ явэ́на хулая́ пэ ада́я пхув, ке́ли дро дова́ часо Авраамостэ сарэ́са на сыс чхаворэ́н.

Ереме́ё 50:5

Ёнэ явэ́на тэ пхучэнпэ дром пэ Сио́но, и ёнэ явэ́на тэ рискирэ́н пэ́скирэ муя́ кэ ёв, ракири́: ‘Явэ́н и ла́са тэ кхэтанякираспэ кэ Рай Дэвэ́л вечнонэ заветоса, саво́ на бистрэлапэ.

Isajos 2:3

И джа́на бут народэнгирэ мануша́ и пхэнэ́на: “Явэ́н, ґаздасапэ пэ Ра́скирэ-Дэвлэ́скири бэ́рга, дро Яково́скирэ-Дэвлэ́скиро Кхэр, Ёв высыклякирэла амэн, и амэ ява́са тэ псирас Лэ́скирэ дромэ́нца,” пал-дова́, со выджа́ла Зако́но Сионо́стыр, а лав Ра́скирэ-Дэвлэ́скиро – Ерусалимо́стыр.

Psalmy 34:8

Лэ́скиро Янго́ло обджала трусця́л и ракхэ́ла сарэ́н, конэ́стэ исын трашаибэ́н анги́л Растэ-Дэвлэ́стэ и зракхэ́ла лэн.

1 Kralip 15:6

И пхэндя́ Са́уло Кинеянэнгэ: “Джа́н, отджан, выджа́н Амаликоскирэ манушэ́ндыр, соб (кай) ма́нгэ тэ на вымарав тумэн лэ́са, пал-дова́ со тумэ́ кэрдэ́ баро́ лачхипэ́н сарэ́нгэ Израильтянэнгэ, келё ёнэ гинэ́ Египто́стыр.” И отгинэ́ Кинеяни Амаликоскирэ манушэ́ндыр.

Сэндарьенгири Лылвари́ 1:16

И Иофороскирэ-Кенеяниноскирэ чхавэ́, Мойза́скирэ састрэскирэ, гинэ́ форо́стыр Пальм Юда́скирэ чхавэ́нца пэ Юдаскири чхучи́ пхув, сави́ исын пэ паш-дывэ́с (пэ юго) Арадостыр, и явнэ́ и лынэ́ тэ дживэ́н машки́р манушэ́ндэ.

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Vygiiben 18:27

И отмэкця́ Мо́йза пэ́скирэ састрэс, и ёв гия́ пэ пэ́скири пхув.

Vygiiben 18:1

И шундя́ Иофоро, Мадиамитянэнгиро раша́й, Мойза́скиро састро, пал саро́, со кэрдя́ Рай Дэвэ́л ваш Мойза́скэ и ваш Израилё, Пэ́скирэ манушэ́нгэ, ке́ли вылыджия́ Рай Дэвэ́л Израилё Египто́стыр,

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Džiibén 15:18

Дро дова́ дывэ́с Рай Дэвэ́л кэрдя́ заве́то Аврамоса, и пхэндя́: “Тырэ́-чхавэ́нгирэ чхавэ́нца Мэ да́ва дая́ пхув, Египто́скирэ рэка́тыр (лэня́тыр) кэ бари рэка (лэнь), рэка (лэнь) Евфрато,

Džiibén 13:15

пал-дова́ со сари́ пхув, сави́ ту дыкхэ́са, Мэ да́ва ту́кэ и тырэ́ родо́скэ пэ ве́ки,

Vygiiben 6:4

и Мэ чхудём завето Миро лэ́нца, соб (кай) лэ́нгэ тэ дав Ханаанэнгири пхув, пэ сави́ ёнэ дживдэ́.

Vygiiben 18:12

И яндя́ Иофоро, Мойза́скиро састро, цэ́ла схачкирибэна и свэ́нта дыибэна́ (жэртвы) Дэвлэ́скэ; и явдя́ Ааро́но и сарэ́ Израилёскирэ пхурыдыра́ тэ хан маро́ Мойза́скирэ састрэса анги́л Дэвлэ́стэ.

Čysly 10:28

Ѓа́да, сыс гиибнытко (порядко) Израилёскирэ чхавэ́нгиро пир лэ́нгирэ отря́ды. И ёнэ гинэ́ дро дром.

Яви́р Зако́но 4:40

и ракх Лэ́скирэ упхэныбэна́ и Лэ́скирэ припхэныбэна́, савэ́ мэ ракира́ва акана́ ту́кэ, соб (кай) шука́р тэ явэ́л ту́кэ и тырэ́ чхавэ́нгэ пало́ (после) ту́тэ, и, соб (кай) ту бут часо (цы́ро) тэ явэс пэ доя́ пхув, сави́ Рай Дэвэ́л, тыро́ Дэвэ́л, дэ́ла ту́кэ пэ саро́ джиибэ́н.”

Яви́р Зако́но 30:5

и янэ́ла тут Рай Дэвэ́л, Дэвэ́л тыро́, пэ пхув, сави́ сыс тырэ́-дадэнгири, и ту дорэсэса ла, и Ёв бахтякирэ́ла тут, и создэла ту́тыр буты́р манушэ́н, сыр сыс тырэ́ дадэндэ.

Psalmy 95:1

Явэ́н тэ багас зоралэ́с Ра́скэ-Дэвлэ́скэ, явэ́н тэ багас зоралэ́с радыма́тыр бэргакэ, сави́ зракхэ́ла амэн;

Psalmy 100:1

Парикираса Дэвлэ́скэ далэ́ Псалмоса. Бага́н и радынэ́нпэ зоралэ́с, сари́ пхув, Ра́скэ-Дэвлэ́скэ!

Džiibén 17:8

и Мэ да́ва ту́кэ и тырэ́-чхавэ́нгирэ родо́скэ пало́ ту́тэ Мэ да́ва дая́ пхув, пир сави́ ту псирэса, сари́ Ханаано́скири пхув, сыр тыро́ миштыпэ́н пэ ве́ко; и Мэ ява́ва лэ́нгиро Дэвэ́л.”

Vygiiben 2:21

Мойза́скэ сыс пир ило́ тэ дживэ́л далэ́ манушэ́стэ; и ёв отдыя́ палоро́м пал Мойзастэ пэскирья́ чха Сепфора.