Čysly 10:10 - Библия - Пэ Балтитко Романи чиб (Романэс) 2019

¹⁰ и дрэ тумарэ́-радымакиро дывэ́с, и пэ тумарэ́ свэ́нки, и пэ са́мо англыпэ́н (начало) дро чхон башавэн рогэ́нца ваш тумаро́ цэ́ло схачкирибэ́н и ваш раманёно (ми́рно) тумаро́ свэ́нто дыибэ́н и дава́ явэ́ла пал тумэ́ндэ рипирибнаса анги́л тумарэ́ Дэвлэ́стэ. Мэ сом Рай Дэвэ́л, Дэвэ́л тумаро́.”

Biblija - Pe Baltitko Romani čib (Romanes) 2019

¹⁰ i dre tumaré-radymakiro dyvés, i pe tumaré svénki, i pe sámo anglypén (načalo) dro čhon bašaven rogénca vaš tumaró célo shačkiribén i vaš ramanjono (mírno) tumaró svénto dyibén i davá javéla pal tuménde ripiribnasa angíl tumaré Devléste. Me som Raj Devél, Devél tumaró.”

Čysly 10:10 Referans Kwoze

Psalmy 81:3

лэн тэ бага́н гилы́, янэ́н бубно (тамбурино) адари́к, и милонэ-башаибнаскирэ гусли лутаса.

1 Фесалоникийцэнгэ 4:16

пал-дова́ со Рай Дэвэ́л Кокоро́ явэ́ла Болыбна́скирэ Раёстыр и Лэ́скиро явибэн сыкавэ́ла сарэ́нгэ тэ шунэ́н Архангелоскири зан, зоралы́ сыр Дэвлэ́скиро ро́го (труба), и кон пэ́рво мыя́ патяибна́са дрэ Христосо́стэ, отджидёла мулэ́ндыр;

Ниеми́я 12:35

и вари-савэ́ чхавэ́ раша́нгирэ рогэ́нца (трубэнца): Заха́рия, чхаво́ Ёнафаноскиро, чхаво́ Шэмаияскиро, чхаво́ Матфанияскиро, чхаво́ Михеёскиро, чхаво́ Закуроскиро, чхаво́ Асафоскиро;

Е́здра 3:10

Ке́ли кхэра́-кэрибнаскирэ мануша́ чхудэ́ фунда́менто тэл Кхэр (Кхангири́) Ра́скирэ-Дэвлэ́скиро , э рашая́ тэрдинэ́ дрэ лэ́нгирэ урибэна́ рогэ́нца и Леви́ты, чхавэ́ Асафоскирэ, цымбалэнца, тэ шарэ́н Рас-Дэвлэ́с пир статутно упхэныбэ́н крали́стыр Дави-достыр дро Израилё.

2 Паралипоменоно 29:28

И сарэ́ мануша́ дро скэдыибэ́н мангнэпэ и мануша́ багандлэ, и ро́ги башадэ, пака хачолас цэ́ло схачкирибэ́н.

2 Паралипоменоно 29:26

И тэрдинэ́ Леви́ты башаибнытконэ струментэнца Давидоскирэнца и рашая́ рогэ́нца (трубэнца).

Čysly 10:9

и, ке́ли джа́на тумэ́ пэ марибэ́н пэ тумари́ пхув проти вэргостэ, саво́ джа́ла марибна́са пэ тумэ́ндэ, башавэн ґара́ (длу́гэс) тривога, – и тумэ́ явэ́на пририпирдэ анги́л Растэ-Дэвлэ́стэ тумарэстэ, и явэ́на зракхнэ́ тумэ́ вэргэ́ндыр;

Apostolengiri Butý 10:4

Ёв дыкхця сы́гэс пэ лэ́стэ и пиристрахадыи, пхуця́: “Раё Дэ́вла?” Янго́ло отпхэндя́ лэ́скэ: “Тыро́ мангипэ́н и дова́, со ту дэ́са васт чорорэ́ манушэ́нгэ, явнэ́ Дэвлэ́скэ пэ рипирибэ́н.

Матфеё 11:28

Явэ́н кэ мэ сарэ́, савэ́ кхинынэ пхарэ́ бутя́тыр и пхарипнастыр, – и Мэ да́ва откхиныбэн тумэ́нгэ.

Psalmy 89:15

Чачипэ́н и чачуно́ сэ́ндо рикирэ́на Тыро́ троно, лачхэ́-илы́ткима и патяибэ́н джа́на анги́л Ту́тэ.

2 Паралипоменоно 7:6

Рашая́ сыс тэрдэ́ пэ пэ́скиро дынарибэ́н (служба), и Леви́ты багаибнытконэ струментэнца Дэвлэскирэнца, савэ́ кэрдя́ кра́ли Дави́до тэ славинэ́н (тэ барьякирэ́н) Дэвлэ́с, пал-дова́ со ве́чно исын тангипэ́н Лэ́скиро, адя́кэ сыр Дави́до ракирдя́ пирда́л лэ́ндэ; рашая́ пхурдынэ дрэ ро́ги анги́л лэ́стэ и саро́ Израилё сыс тэрдо́.

1 Паралипоменоно 16:42

Пашы́л лэ́ндэ сыс Емано и Идифуно, и, соб (кай) тэ славинэ́н Дэвлэ́с, тэ башавэн пэ ро́ги, цымбалы и яви́р башаибнытка струме́нты; а чхавэ́н Идифуноскирэн ёв чхудя́ пашы́л по́рта.

1 Паралипоменоно 15:28

Адя́кэ саро́ Израилё залыджалас Ра́скирэ-Дэвлэ́скирэ завето́скиро ковчэго радыма́са, пашы́л рогоскири зан и горнэнгири и цымбалэнгири, башави пэ арфы и луты.

1 Паралипоменоно 15:24

Шэвания, Иосафа́то, Нафанаило, Амасаё, Заха́рия, Ване́я и Элиэзеро, рашая́ пхурдынэ рогэ́нца анги́л Дэвлэ́скиро ковчэго. Овед-Эдо́мо и Ехия сыс ракхибна́рья пашы́л ковчэго.

Isúso 4:7

Тумэ́ пхэнэ́на лэ́нгэ: “Дро рипирибэ́н пал дова́, со пани́ Иорданоскиро розгия́пэ анги́л Ра́скирэ-Дэвлэ́скиро завето́скиро ковчэго; ке́ли ёв гия́ пирда́л Иорда́но, тэды пани́ Иорданоскиро розгия́пэ. Адя́кэ бара́ далэ́ явэ́на ваш Израилёскирэ чхавэ́нгэ рипирибнаса пэ ве́ко”.

Čysly 29:1

И дро эфта́то чхон, пэ пэ́рво-чхонэ́скиро дывэ́с, мэк тэ явэ́л тумэ́ндэ свэ́нто скэдыибэ́н; на кэрэ́н нисави́ буты́; мэк тэ явэ́л дава́ тумэ́ндэ радымакиро дывэ́с рогоскирэ зникоса (трубакирэ звукоса).

Левито 23:24

“Пхэн Израилёскирэ чхавэ́нгэ: дрэ эфта́то чхон, пэ англатунэ́-чхонэ́скиро дывэ́с мэк тэ явэ́л тумэ́ндэ откхиныбэн, свэ́нко рогэнгиро (трубэнгиро), свэ́нто скэдыибэ́н;

Vygiiben 28:29

И явэ́ла тэ лыджа́л Ааро́но Израилёскирэ чхавэ́нгирэ лава́ пэ наперстнико, соб (кай) тэ сэндякирэ́л (тэ роспхандэл чачипэ́н) пашы́л лэ́скиро ило́, ке́ли явэ́ла тэ заджа́л андрэ́ свэ́нто штэ́то, ваш кажно рипирибэ́н пал чачипэ́н анги́л Растэ-Дэвлэ́стэ.

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

1 Фесалоникийцэнгэ 4:18

Подрикирэн екх екхэ́с далэ́ лавэ́нца.

1 Коринфянэнгэ 15:52

Екха́тыр, сыр фэ́ни якх марэла, ке́ли башавэла палатуно́ ро́го (горно), мулэ́ отджидёна, соб (кай) ние́кхвар буты́р тэ на мэрэ́н, а амэ сарэ́ парудёваса.

Isajos 27:13

И явэ́ла дрэ дова́ дывэ́с: баро́ роґо (труба) забашавэла и явэ́на одолэ́, кон нашадяпэ пэ пхув Асириякири, конэ́с вытрадынэ́ пэ пхув Египто́скири. Сарэ́ ёнэ пэрэ́на анги́л Растэ-Дэвлэ́стэ тэ дэн паты́в пэ свэ́нто бэ́рга дрэ Ерусалимо.

Psalmy 150:3

Шарэ́н Лэс рого́скирэ башаибна́са, шарэ́н Лэс пэ лута и гусли.

Vygiiben 30:16

и лэ выкиныбнаскиро руп Израилёскирэ чхавэ́ндыр, и мэк лэс дро рэ́ндо пэ скиниякири ша́тра скэдыибна́скири тэ дынаринэ́н; и дава́ явэ́ла ваш Израилёскирэ чхавэ́нгэ дро рипирибэ́н анги́л Растэ-Дэвлэ́стэ, ваш тумарэ́ дия́ тэ выкинэн.”

Čysly 28:11

И дро нэво́ чхон тумаро́, янэ́н цэ́ло схачкирибэ́н Ра́скэ-Дэвлэ́скэ: барэ́ кхэритконэ́ мурдалэстыр (ското́стыр) дуе́н тэрнэн гуруворэ́н, екхэ́с бакрэ́с и эфта́ екхэ-бэршытконэн бакрэ́н би дошакиро,

1 Kralip 20:5

И пхэндя́ Дави́до Ионафаноскэ: “Ѓа́да атася́ явэ́ла нэво́ чхон и трэй ма́нгэ тэ бэшав крали́са пал сками́нд; нэ отмэк ман, и мэ гарадёвава пэ фэ́лда кэ бэльвэ́ль пэ три́то дывэ́с.

4 Kralip 4:23

Ёв пхэндя́: “Палсо́ ту́кэ тэ традэс кэ ёв? Ададывэ́с исын на нэвочхон и на са́вато.” Нэ ёй пхэндя́: “Мишто́.”

Isúso 6:4

И эфта́ рашая́ мэк тэ лыджа́н эфта́ ро́ги (трубы) свэнкитка анги́л ковчэго; а пэ эфта́то дывэ́с обджан пашы́л фо́ро эфта́ мо́лы, и рашая́ мэк тэ трубинэн дрэ ро́ги.

Psalmy 81:4

Пхурдэ́н дро ро́го (труба) пэ нэво́ чхон, пэ пхэрдо́ чхон, дро дывэ́с амарэ́ свэнкоскиро.