Čysly 1:50 - Библия - Пэ Балтитко Романи чиб (Романэс) 2019

⁵⁰ нэ допатя Левитэ́нгэ ша́тра досыкаибна́са и саро́, со трэй ваш ла́кэ, со исын пашы́л ла́тэ; мэк ёнэ тэ лыджа́н ша́тра досыкаибна́са и саро́, со трэй ваш ла́кэ, и тэ дынаринэ́н (тэ служынэн) пашы́л ла́тэ, и пашы́л ша́тра мэк тэ чхувэ́н пэ́скиро ста́но;

Biblija - Pe Baltitko Romani čib (Romanes) 2019

⁵⁰ ne dopatia Lieviténge šátra dosykaibnása i saró, so trej vaš láke, so isyn pašýl láte; mek jone te lydžán šátra dosykaibnása i saró, so trej vaš láke, i te dynarinén (te služynen) pašýl láte, i pašýl šátra mek te čhuvén péskiro stáno;

Čysly 1:50 Referans Kwoze

Vygiiben 38:21

Ѓа́да, исын материалоскиро гиныбэ́н долэ́скэ, со гия́ ваш ша́тра досыкаибна́са (ски́ния откровенияса), кэрдо́ пир Мойза́скиро припхэныбэ́н, и Леви́ты подынэ васт тэл дыкхибэ́н Ифамароскиро, Аароно́скирэ-чхавэ́скиро, рашаскиро.

Čysly 4:15

И ке́ли скэдэлапэ дрэ дром ста́но (таборо (лод)), Ааро́но и лэ́скирэ чхавэ́ учхакирэна сарэ́ свэ́нта штэ́ты и сарэ́ свэнтонэ́-штэтоскирэ предметы, тэды Каафоскирэ чхавэ́ явэ́на, соб (кай) тэ лыджа́н; нэ нашты́ ёнэ тэ чилавэн свэ́нто штэ́то, соб (кай) тэ на мэрэ́н. Далэ́-скэдыибнаскирэ скиниякирэ паша́ исын бангэ́ тэ лыджа́н Каафоскирэ чхавэ́.

Vygiiben 31:18

И ке́ли Дэвэ́л пирияця́ тэ ракирэ́л Мойзаса пэ бэ́рга Синаё, Ёв дыя́ лэ́скэ дуй таблицы (скрижа́ли) досыкаибна́са (откровенияса), барунэ́ скрижа́ли, пэ савэ́ чхиндло́ сыс Дэвлэ́скирэ ангуштэса.

Ниеми́я 13:22

Мэ припхэндем Левитэ́нгэ, соб (кай) ёнэ тэ кэрэнпэ жужэ́ (чыста) и тэ явэ́н тэ рикирэ́н стрэ́га пэ по́рта, ваш дова́, соб (кай) тэ свэнкинэн дывэ́с саватытко. И пал дава́, “Ри́пир пал ма́ндэ, Дэ́вла, и приманг ман пир Пэ́скири лачхэ́-илы́ткима.”

Čysly 20:11

И ґаздыя́ Мо́йза пэ́скиро васт и пэкадя́ дрэ бэ́рга пэ́скирэ кхенингоскирэ дэстэса дуй мо́лы, и тхадыя зорья́са бут пани́, и пинэ́ мануша́ и лэ́нгирэ кхэри́тка мурдала́.

Psalmy 122:4

кай явэ́на Израилёскирэ ро́ды пир Израилёскиро ладо/рэ́ндо (порядко), соб (кай) тэ парикирэ́н Ра́скирэ-Дэвлэ́скирэ лавэ́скэ.

Ниеми́я 13:5

кэрдя́ ваш лэ́скэ бари шту́ба, дрэ сави́ англэды́р чхувэ́нас да́ры марэстыр, ладано и штэклы и дэшэнгири (ме́ра) марэстыр, моля́тыр (виностыр) и ксилэстыр, савэ́ трэй тэ явэ́н пир Зако́но ваш Левитэ́нгэ, багаибнаскирэнгэ и ракхибнарьенгэ, и да́ры ваш рашангэ.

Ниеми́я 12:47

Дрэ дывэса́, ке́ли дживдэ́ Зоровавелё и Неемия, сарэ́ Израильтя́ни дэ́нас лэ́нгирэ хабнытка порцыи багаибнаскирэнгэ пэ кажно дывэ́с, и ёнэ отдэнас обсвэнцындлэ предметы (чы́сы) Левитэ́нгэ, а Леви́ты пиридэнас обсвэнцындлэ предметы Аароно́скэ.

Ниеми́я 12:22

Акэ, исын Леви́ты, шэралэ́ пэ стрэ́чы дрэ дывэса́ Елиашывоскирэ, Иоиадаскирэ, Ехананоскирэ и Иадуёскирэ, савэ́ залыджинэ сыс дрэ зачхиныбэн, и адя́кэ-паць рашая́, ке́ли кралиндя Дариё Персиятыр.

Ниеми́я 12:8

А Леви́ты: Ису́со (Ёхошуа́), Бинуё, Кадмиило, Шэревия, Юда, Матфания, шэрало́ тэ парикирэ́н Дэвлэ́скэ псалмэнца, ёв и лэ́скирэ пша́ла,

Čysly 10:21

Тэ́ньци (после) гинэ́ Каафовоскирэ чхавэ́, савэ́ лыджа́нас приборы свэнтонэ́ штэто́стыр; ша́тра сыс чхуды́ анги́л лэ́нгиро явибэн.

Čysly 2:17

Ке́ли джа́ла скэдыибна́скири ша́тра, то Левитэнгиро ста́но явэ́ла машкира́л дрэ станы. Сыр сыс тэрдэ́, адя́кэ и сыс бангэ́ тэ джа́н, кажно пэ пэ́скиро штэ́то пашы́л пэ́скирэ сцяги (знами).

Čysly 1:53

а Леви́ты сыс бангэ́ тэ чхувэ́н ста́но пашы́л ша́тра досыкаибна́са, соб (кай) тэ на явэ́л холы́ пэ Израилёскирэ-чхавэ́нгиро кхэтаныбэн, и явэ́на тэ тэрдён Леви́ты пэ стрэ́га пашы́л ша́тра досыкаибна́са.”

Sykadyipén 15:5

И пало́ (после) саро́ дава́ мэ дыкхцём Свэ́нто Ша́тра, дрэ Сави́ псирадяпэ Кхангири́.

Čysly 17:7

И чхудя́ Мо́йза дэстэ́ анги́л Ра́скирэ-Дэвлэ́скиро муй, дрэ ша́тра досыкаибна́са (ски́ния).

2 Паралипоменоно 24:6

И кхардя́ кра́ли Иодаёс, лэ́нгирэ шэралэс, и пхэндя́ лэ́скэ: “Со́скэ ту на трэбинэса Левитэндыр, соб (кай) ёнэ тэ янэ́н Юдэя́тыр и Ерусалимо́стыр дыибэ́н, саво́ чхудя́ Мо́йза, Дэвлэ́скиро писха́ри, и скэдыибэ́н Израильёскиро ваш скэдыибна́скири ски́ния?

Čysly 4:3

трия́нда бэршэ́ндыр и пхурэды́р кэ пандждэша́ бэрш, сарэ́н, кон сыс дрэ зор тэ кэрэ́л буты́, соб (кай) тэ бичхавэс тэ кэрэ́н буты́ дрэ скэдыибна́скири ша́тра.

Čysly 8:19

И Мэ дыём Левитэ́н Аароно́скэ и лэ́скирэ чхавэ́нгэ, Израилёскирэ чхавэ́ндыр, соб (кай) ёнэ тэ лыджа́н свэ́нто буты́ пал Израилёскирэ чхавэ́ндэ пашы́л скэдыибна́скири ша́тра и тэ кэрэ́н буты́ ракхибнарьенца ваш Израилёскирэ чхавэ́нгэ, соб (кай) тэ на явэ́л пэ Израилёскирэ чхавэ́ндэ моро́во (мэрибнытка фра́нсы), ке́ли Израилёскирэ чхавэ́ тэ подджан кэ свэ́нто штэ́то.”

Čysly 8:20

И адя́кэ кэрдэ́ Мо́йза и Ааро́но и саро́ Израилёскирэ-чхавэ́нгиро скэдыибэ́н Левитэнца: сыр припхэндя́ Рай Дэвэ́л Мойза́скэ пал Левитэндэ, адя́кэ и кэрдэ́ лэ́нца Израилёскирэ чхавэ́.

Čysly 8:22

Пало́ дава́ загинэ́ Леви́ты тэ кэрэ́н пэ́скирэ бутя́ дрэ скэдыибна́скири ша́тра анги́л Аароностэ и анги́л лэ́скирэ чхавэ́ндэ. Сыр пхэндя́ Рай Дэвэ́л Мойза́скэ пал Левитэндэ, адя́кэ и кэрдэ́ ёнэ лэ́нца.

Čysly 18:5

Адя́кэ дынаринэ́н пэ свэ́нто штэ́то и пашы́л алта́рё, соб (кай) тэ на явэ́л буты́р холы́ пэ Израилёскирэ чхавэ́ндэ;