Авдиёс 1:3 - Библия - Пэ Балтитко Романи чиб (Романэс) 2019

³ Тыро́ пхутькирдо ило́ хохадя тут, кон дживэ́ла машки́р шчэ́ли пэ бэ́рги, конэ́скиро кхэр исын вучо́; ту, саво́ ракирэ́ла дро пэ́скиро ило́: ‘Кон счхурдэла тэлэ́ ман?’

Biblija - Pe Baltitko Romani čib (Romanes) 2019

³ Tyró phut'kirdo iló xohadia tut, kon dživéla maškír ščéli pe bérgi, konéskiro kher isyn vučó; tu, savó rakiréla dro péskiro iló: ‘Kon sčhurdela telé man?’

Авдиёс 1:3 Referans Kwoze

Ереме́ё 49:16

Трашаибэ́н тыро́ хохадя тумэн и пхутькирибэ́н тырэ́-илэ́скиро притырдынэ тут, саво́ дживэ́ла машки́р скалакирэ шчэлі, и саво́ залэла вучипэ́н бэргицэнгиро! Мэк ту кэрдя́н пэ́скири гня́зда (ку́фо) адя́кэ вучэ́с, сыр о́рло (ки́до), нэ Мэ и одотхы́р тырдава [счхурдава-р.с.] тут тэлэ́,” – ракирэ́ла Рай Дэвэ́л.

Pritčy 29:23

Кон пхутёла, кодова́ пэрэ́ла тэлэ́, нэ напхутькирдо дро ду́хо (фа́но) ману́ш дорэсэ́ла паты́в.

Isajos 16:6

Амэ шундя́м пал Моавоскиро пхутькирибэ́н, пал баро́ лэ́скиро пхутькирибэ́н, пал лэ́скирэ шарибэна и холы́, ёв пхэнэ́ла хоханэ́ лава́.

4 Kralip 14:7

Ёв вымардя дэш тысёнцы Идумеянэн пэ Лондо до́ло, и лыя́ Села марибна́са, и дыя́ ла́кэ лав Иокофеило, саво́ ячэ́лапэ и кэ дава́ дывэ́с.

Малахия 1:4

Ко́ли Эдо́мо (Исаво́скирэ радостыр) пхэнэ́ла: “Амэ сам роспхагирдэ́ дрэ руи́ны, нэ амэ нэвэ́с чхуваса пхагирдэ́ штэ́ты”, – адя́кэ пхэнэ́ла янголэ́нгирэ-болыбна́скиро Рай Дэвэ́л: “Ёнэ нэвэ́с чхувэ́на пхагирдо́, нэ Мэ пхагирава тэлэ́ дава́. Э мануша́ явэ́на тэ кхарэ́н дава́ штэ́то ‘Злыднитко Пхув,’ и пэ кадалэ́ манушэ́ндэ Рай Дэвэ́л ўса́ды (сак) явэ́ла дрэ нарадыма.”

Ереме́ё 49:4

Со́скэ ту барьякирэса пэс долэнца? Джин, со ёнэ ростхадэнапэ ратэ́са, ту, бунтуи́тко чхай Амоноскири! Сави́ гарадёла пал пэ́скиро кучипэ́н тэ зракхэлпэ, пхэни́: ‘Кон явэ́ла проти ма́ндэ?’

Pritčy 18:12

Ману́ш задэлапэ анги́л хасякирибэн, и напхутькирибэн янэ́ла паты́в.

Pritčy 16:18

Пхутькирибэ́н исын усады (сак) кэ хасибэ́н, ману́ш, саво́ задэлапэ, сыг пэрэ́ла.

2 Паралипоменоно 25:12

и дэш тысёнцы джидэн лынэ́ Юда́скирэ чхавэ́ дро пле́но; и яндлэ́ лэн пэ бэрга́киро вучипэ́н, и чхурдынэ́ тэлэ лэн бэргакирэ вучипна́стыр, и сарэ́ ёнэ розмардэпэ кэ екх.

2 Паралипоменоно 25:11

А Ама́сия лыя́ пэс дрэ васта́, и лыджия́ пэ́скирэ манушэ́н, и гия́ пэ Лондо до́ло, и домардя́ Сеироскирэ чхавэ́н дэш тысёнцы;

Ióvo 20:6

Мэк лэ́скири пышныма тэ ґаздэлпэ кэ болыбэ́н, и лэ́скиро шэро́ тэ тырдэлпэ кэ о́блоки,

Ереме́ё 21:13

Акэ, Мэ сом проти ту́тэ долоскири джиибна́скири, ска́ла лошчынакири’, – ракирэ́ла Рай Дэвэ́л, – тумэ́нгэ, кон ракирэ́ла: ‘Кон явэ́ла пэ амэ́ндэ? Ци заджа́ла дрэ штэ́ты, кай амэ дживаса?’

Ереме́ё 37:9

Адя́кэ ракирэ́ла Рай Дэвэ́л: ‘На хохавэн пэс’, ракири́: ‘Халде́и, чачэс, гинэ́ амэ́ндыр пэ́скэ’, нэ ёнэ на джа́на пэ́скэ.

Ереме́ё 48:28

Тумэ́, савэ́ дживэ́на кэ Моа́во, ячкирэн фо́рья и дживэ́н пэ скалы. Явэ́н сы́рбы голумбы, савэ́ кэрэ́на гня́зды (ку́фы) пэ скалакирэ рига́, кай заджа́на дрэ гэбар (пешчэра).

Džiibén 36:8

И яця́ тэ дживэ́л Иса́во пэ бэ́рга Сеиро, Иса́во, ёв адя́кэ-паць кхардяпэ Эдо́мо (Едомо).

Езэкилё 28:16

Барэ́ тырэ́ бикныбнастыр дрэ тыро́ андрыпэн загия́ начачипэ́н, ту кэрдя́н грэ́хо; Мэ чхурдыём тут тэлэ́, сыр магирдэс Дэвлэ́скирэ бэрга́тыр, Мэ хасякирдём тут, ракхно херувимо, хачкирдэ́ барэндыр дрэ машкиралыпэн.