Avakumo 3:2 - Библия - Пэ Балтитко Романи чиб (Романэс) 2019

² Раё Дэ́вла! Мэ шундём Тыри́ зан и дарандыём. Раё Дэ́вла! Кэр нэвэ́стыр Тырэ́ рэ́нды дро амарэ́ часы, кэр адя́кэ, соб (кай) тэ джинэ́н тырэ́ рэ́нды машкира́л амарэ́ часы. На дыкхи́ пэ дова́, со Ту холясыян пэ амэ́ндэ, сыка́в Тыри́ ла́ска.

Biblija - Pe Baltitko Romani čib (Romanes) 2019

² Rajo Dévla! Me šundjom Tyrí zan i darandyjom. Rajo Dévla! Ker nevéstyr Tyré réndy dro amaré časy, ker adiáke, sob (kaj) te džinén tyré réndy maškirál amaré časy. Na dykhí pe dová, so Tu xoliasyjan pe aménde, sykáv Tyrí láska.

Avakumo 3:2 Referans Kwoze

Psalmy 85:6

Ци явэ́са Ту ўса́ды (сак) тэ холясос пэ амэ́ндэ. Ци явэ́ла Тыри́ холы́ дурэды́р тэ явэ́л пэ сарэ́ ро́ды?

Roiben 3:32

Нэ ко́ли Ёв бичхавэ́ла илэскири дукх, тэды Ёв адя́кэ-паць сыкавэ́ла и жалима, пир-дова́ со барвалы исын Лэ́скири ла́ска:

Avakumo 3:16

Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Filipiicenge 1:6

мэ патя́ва зоралэ́с дро дова́, со Дэвэ́л, Кон лыя́ тэ кэрэ́л дрэ тумэ́ндэ дава́ лачхо́ рэ́ндо, явэ́ла тэ кэрэ́л кэ/жы́ко дова́ Дывэ́с, ке́ли нэвэ́стыр явэ́ла Ису́со Христо́со:

Ереме́ё 10:24

Раё Дэ́вла, пирисыклякир ман кэ дукха́ пир чачипэ́н, нэ на пир Пэ́скиро холякирибэ́н, соб (кай) тэ на явэ́л саро́ ма́нгэ.

Isajos 63:15

Дыкх тэлэ́ болыбна́стыр, подыкх штэто́стыр, кай исын Тыро́ Свэ́нто штэ́то и барипэ́н Тыро́: кай исын зэвлэныпэн и зоралыпэ́н Тыро́? Кай исын Тыро́ лачхипэ́н? Нанэ Ту́тэ тангипэ́н кэ Мэ.

Isajos 54:8

Холясыём Мэ пэ ту́тэ, гарадём ту́тыр Миро муй пэ на́бут, нэ Мэ потангинава тут барэ́ лачхипна́са, – ракирэ́ла Рай Дэвэ́л, Саво́ выкиндя тут.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Joannostir 10:10

Чор явэ́ла ваш екх, соб (кай) тэ чорэл, тэ замарэ́л и тэ роспхагирэл: Мэ явдём ваш дава́, соб (кай) тэ дав лэ́нгэ джиибэ́н пхэрдэ́с дро саро́.

Psalmy 44:1

Хоро́скирэ Дирижоро́скэ. Сыклякирибэ́н Кареескирэ Чхавэ́ндыр.

Заха́рия 1:12

И отпхэнэ́лас Янго́ло Ра́скирэ-Дэвлэ́скиро и пхэндя́: “Раё Дэ́вла, янголэ́нгирэ-болыбна́скиро! Ке́ли ковлёла Тыро́ ило́ кэ Ерусалимо и кэ фо́рья Юда́скирэ, пэ савэ́ Ту холясоса ужэ эфтадэша́ бэрш?”

Ереме́ё 29:10

‘Акэ, со ракирэ́ла Рай Дэвэ́л: ‘Ке́ли кончынэнапэ [проджа́на-р.с.] тумарэ́ эфтадэша́ бэрш дро Вавило́но, тэды Мэ ява́ва кэ тумэ́, и Мэ сполнинава Миро лачхо́ лав ваш тумэ́нгэ, соб (кай) тэ янав палэ тумэн пэ дава́ штэ́то.

Isajos 66:2

Пал-дова́ со саро́ дава́ кэрдя́ Миро васт, и саро́ дава́ сыс, – ракирэ́ла Рай Дэвэ́л. “Акэ, пэ конэ́стэ Мэ подыкхава: пэ одолэ́стэ, кон исын на пхутькирдо, пхагнэ духо́са, кон издрала анги́л Миро лав.

Psalmy 38:1

Давидо́скиро Пса́лмо. Манушэ́нгэ тэ рипирэ́н.

Е́здра 9:8

И, акана́, пэ набаро́ цы́ро (часо) амаро́ Рай Дэвэ́л, амаро́ Дэвэ́л сыкадя́ ла́ска, со Ёв дыя́ амэ́нгэ, ячкирдэ́ манушэ́нгэ, тэ ячаспэ джидэ́, и со Ёв дыя́ амэ́нгэ бидарипнаскиро штэ́то тэ скэдас зор пэ Лэ́скиро свэ́нто штэ́то, соб (кай) Ёв, амаро́ Дэвэ́л, могинэлас тэ дэл дуд (све́то) амарэ́ якхэнгэ, соб (кай) тэ дэл амэ́нгэ на́бут тэ отджидёвав дрэ амари́ наволя.

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Римлянэнгэ 10:16

Нэ на сарэ́ Юды прилынэ́ бахталы́ зан (звесь). Палдава́ Исаё ракирэ́ла: “Раё Дэ́вла! Кон патяндыя дрэ амари́ бахталы́ зан (звесь).”

Дание́лё 9:2

пэ пэ́рво бэрш лэ́скирэ кралипнаскиро, мэ-да, Дание́лё, ґалыём лылварьендыр чысло (гин) бэршуно, пал саво́ сыс лав Ра́скиро-Дэвлэ́скиро кэ проро́ко Ереме́ё, со пал эфтадэша́ бэрш Ерусалимо явэ́ла чхучо́ (пусто).

Isajos 53:1

Кон патяндыя лавэ́скэ, саво́ шундлэ́ амэ́ндыр, конэ́скэ откэрдяпэ Ра́скирэ-Дэвлэ́скиро васт?

Psalmy 78:38

Нэ Ёв исын лачхэ́-илэ́скиро: Ёв отмэкця́ чорипэ́н и на пхагирдя́ лэн. Бут мо́лы Ёв рискирэлас криг Пэ́скири холы́, и Ёв на джангавэлас Пэ́скири бари холын.

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Дание́лё 8:17

И ёв подги́я пашылэды́р кэ штэ́то, кай мэ тэрдиём, и, ке́ли ёв явдя́, то мэ страхадыём и дыёмпэ муял пэ пхув; и ёв пхэндя́ ма́нгэ: “Джин, о чхава манушэ́скиро, со дыкхибэ́н сыкавэ́ла пэ ко́нцо (пэ яго́ро) часо!”

Юдэ́нгэ 12:21

пэ саро́ дава́ сыс адя́кэ дарано тэ дыкхэ́с, со Мо́йза пхэндя́: “Мэ древа́н издрава дара́тыр;

Ióvo 42:5

Мэ шундём пал ту́тэ, со фэ́ни яви́р мирэ́ кана́ шундлэ́ явирэ манушэ́ндыр, нэ акана́ мирэ́ якха́ дыкхэ́на тут.

Psalmy 71:20

Ту дыя́н ма́нгэ тэ пиридживав пхарэ́ и фуй дывэса́; нэ Ту и джидякирэса ман нэвэ́стыр и Ту вылыджаса нэвэ́стыр ман пхувья́кирэ хорипнастыр.

Ереме́ё 10:7

Ци исын вари-кон, саво́ на дарэ́ла Ту́тыр, манушэ́нгирэ Крали́стыр? Пал-дова́ со чачипэ́н исын дро дова́, соб (кай) тэ дарэ́н Ту́тыр; пал-дова́ со машки́р сарэ́ годэ́ манушэ́ндэ дрэ манушы́тка на́цыи, и сарэ́ лэ́нгирэ кралипэна́ нанэ ние́кх, саво́ тэ явэ́л кадасаво́, сыр Ту сан, Раё Дэ́вла!

Ереме́ё 46:28

На дар, Миро писха́ри, Яково’, – ракирэ́ла Рай Дэвэ́л, – ‘Мэ сом ту́са; пал-дова́ со Мэ хасякира́ва сарэ́ на́цыи, кэ савэ́ Мэ традыём тут; нэ Мэ на хасякира́ва тут, нэ Мэ пирисыклякирава тут пир ме́ра, и Мэ сароекх на мэкава тут би сэндоскиро.”

Avakumo 3:1

Па́тери (моли́тва) Авакумоскири, пророкоскири, тэ бага́н тэл балытко струменто.

Psalmy 25:6

Пририпир, Раё Дэ́вла, Пэ́скиро тангипэ́н и лачхэ́-илы́ткима, пал-дова́ со ёнэ джа́на векэнца.