Avakumo 3:18 - Библия - Пэ Балтитко Романи чиб (Романэс) 2019

¹⁸ нэ мэ усае́кх древа́н ява́ва тэ радынавпэ Ра́стыр-Дэвлэ́стыр, и мэ ява́ва тэ радынавпэ Дэвлэ́стыр, Саво́ зракхэ́ла ман.

Biblija - Pe Baltitko Romani čib (Romanes) 2019

¹⁸ ne me usajékh drieván javáva te radynavpe Rástyr-Devléstyr, i me javáva te radynavpe Devléstyr, Savó zrakhéla man.

Avakumo 3:18 Referans Kwoze

Ióvo 13:15

Ѓа́да, ко́ли Ёв и мулякирэ́ла ман, нэ мэ сароекх ява́ва зоралэ́с тэ патяв дрэ Лэ́стэ, нэ и мэ ява́ва тэ затэрдёвав пал пэ́стэ мирэ́ лавэ́нца анги́л Лэ́стэ.

Filipiicenge 4:4

Радынэ́нпэ ўса́ды (сак) дро тумаро́ екхипэ́н Ра́са-Дэвлэ́са: и мэ нэвэ́стыр пхэна́ва: “Радынэ́нпэ.”

Mihiejo 7:7

Нэ мэ кокоро́ ява́ва тэ дыкха́в пэ Растэ-Дэвлэ́стэ, мэ ява́ва тэ ужакирав Дэвлэ́с, Саво́ ракхэ́ла ман; Миро Дэвэ́л шунэ́ла ман.

Isajos 61:10

Радыма́са мэ ла́ва тэ радынавпэ пал Растэ-Дэвлэ́стэ; явэ́ла тэ радынэ́лпэ зоралэ́с миро ду́хо (фа́но) пал мирэ́ Дэвлэ́стэ, пал-дова́ со Ёв уридя ман дрэ и́ди зракхибнытка, уридя ман чачипнаскирэ урибнаса; сыр пэ тэрнэстэ Ёв чхудя́ вя́нка, сыр тэрня укэдыя.

Isajos 12:2

Акэ, Дэвэ́л исын Миро зракхибэ́н; допатяв Лэ́скэ и на дарав, пал-дова́, со Рай Дэвэ́л исын зор мири́, багаибэн миро – Рай Дэвэ́л; Ёв сыс Миро зракхибэ́н.”

Psalmy 25:5

Лы́джа ман тэ кэра́в пир Тыро́ чачипэ́н, сыкля́кир ман, пал-дова́ со Ту сан Дэвэ́л, Саво́ зракхэ́ла; пэ Ту́тэ исын наде́я со дывэ́с ма́ндэ.

1 Petr 1:8

Савэс тумэ́ ние́кхвар на дыкхнэ́, нэ Ёв исын дро́го тумэ́нгэ, и Савэс кэ дава́ часо на дыкхнэ́, нэ тумэ́ усае́кх патя́на дрэ Лэ́стэ и пир дава́ тумэ́ адя́кэ древа́н радынэ́напэ, со нашты́ тэ пхэнас лавэ́нца, и Савэс тумэ́ прославиндлэ,

Psalmy 27:1

Давидо́скиро Пса́лмо. Рай Дэвэ́л исын миро дуд (свэ́то) и Ёв зракхэ́ла ман; конэ́стыр ма́нгэ тэ страхадёвав? Рай Дэвэ́л приракхэла ман Лэ́скирэ зоралыпнаса; конэ́стыр мэ тэ дарав?

1 Kralip 2:1

И мангдя́пэ Анна и ракирдя́: “Обрадындяпэ миро ило́ дро Растэ-Дэвлэ́стэ; ґаздыи шынг миро дро мирэ́ Растэ-Дэвлэ́стэ; буґлэс росчхакирдэпэ мирэ́ ушта́ пэ мирэ́ вэргэ́ндэ (врогэндэ); пал-дова́ со мэ радынавапэ пал Тыро́ зракхибэ́н.

Vygiiben 15:2

Рай Дэвэ́л исын зоралыпэ́н миро и сла́ва мири́, Ёв сыс миро зракхибэ́н: Ёв исын миро Дэвэ́л, и Мэ славинава Лэс; мирэ́-дадэ́скиро Дэвэ́л, и мэ барьякирава Лэс.

Psalmy 97:12

Радынэ́нпэ Ра́стыр-Дэвлэ́стыр, тумэ́ чачипнаскирэ; парикирэ́н и славинэ́н лэ́скиро Свэ́нто Лав.

Jakov 1:2

Пшала́лэ мирэ́, гинэн пал бари ра́дыма, ке́ли тумэн пропатякирэна пир яви́р (разнэс),

Luka 2:30

Пал-дова́ со Мирэ́ якха́ дыкхнэ́ Тыро́ зракхибэ́н,

Isajos 41:16

Ту явэ́са тэ пирикэдэс (тэ веинэс) лэн пэ балва́л, и балва́л лыджа́ла криг лэн, и рискирибнаскири балва́л сыр вихро роспхурдэла лэн, ту явэ́са древа́н тэ радынэспэ пал Растэ-Дэвлэ́стэ, и ту явэ́са барикано (тэ шарэспэ) Свэнтонэса Израилёса.

Psalmy 85:6

Ци явэ́са Ту ўса́ды (сак) тэ холясос пэ амэ́ндэ. Ци явэ́ла Тыри́ холы́ дурэды́р тэ явэ́л пэ сарэ́ ро́ды?

Psalmy 33:1

Тумэ́, сарэ́ чачипнаскирэ, радынэ́нпэ и бага́н Ра́скэ-Дэвлэ́скэ; дава́ исын мишто́, соб (кай) чачипнаскирэ тэ шарэ́н Лэс.

Psalmy 149:2

Мэк Израилё тэ радынэ́лпэ Кадалэстыр, Кон создыя́ лэс, мэк чхавэ́ Сионо́стыр тэ веселинэнпэ (тэ лошалён) лэ́нгирэ Крали́стыр.

Psalmy 104:34

Мэк тэ явэ́н шука́р и лачхэ́ Лэ́скэ мирэ́ ду́мы, мэ ява́ва тэ радынавпэ Лэ́стыр.

Заха́рия 10:7

Сыр зорало́ мурш явэ́ла Ефре́мо; тэды явэ́ла тэ зрадынэлапэ ило́ лэ́нгиро, сыр моля́тыр (виностыр); и дыкхэ́на дава́ чхавэ́ лэ́нгирэ и ёнэ явэ́на тэ радынэ́нпэ; ра́дыма явэ́ла дро лэ́нгиро ило́ ваш Ра́скэ-Дэвлэ́скэ.

Яви́р Зако́но 12:18

нэ ха дава́ анги́л Растэ-Дэвлэ́стэ, тырэ́ Дэвлэ́стэ, пэ дова́ штэ́то, саво́ выкэдэ́ла Рай Дэвэ́л, тыро́ Дэвэ́л, – ту и тыро́ чхаво́, и тыри́ чхай, и тыро́ писха́ри, и тыри́ писхарица, и Левито, и ману́ш, саво́ явдя́ тэ дживэ́л дрэ тырэ́ кхэра́, и ра́дынпэ анги́л Растэ-Дэвлэ́стэ, тырэ́ Дэвлэ́стэ, пал саро́, со кэрдэ́ тырэ́ васта́.

Vygiiben 15:1

“Багава Мэ Ра́скэ-Дэвлэ́скэ, пал-дова́ со Ёв вучэ́с ґаздыя́пэ; грэс и лэ́скирэ манушэ́с, саво́ сыс бэшто́ уклистэ́, чхурдыя́ дрэ мо́рё (дэрья́в).

Ioil 2:23

Тумэ́, чхаворэ́ Сионоскирэ, радынэ́нпэ, и веселинэнпэ (лошалён) Ра́стыр-Дэвлэ́стыр, тумарэ́ Дэвлэ́стыр, соб (кай) Ёв тэ дэл лачхо́ вэснакиро брышы́нд чачипна́са, и Ёв кэрэ́ла адя́кэ, со явэ́ла брышы́нд, сыр сыс брышы́нд: вэснакиро и пал-лынаскиро (осенякиро) дро пэ́рво чхон.

2 Kralip 6:15

Адя́кэ Дави́до и саро́ Израилёскиро кхэр лыджинэ́ Ра́скирэ-Дэвлэ́скиро ковчэго радыбнаскирэ годла́са и рогоскирэ башаибнаса.

Isajos 25:9

И пхэнэ́на дрэ дова́ дэвэс: “Акэ, Ёв исын амаро́ Дэвэ́л! Пэ Лэ́стэ сыс амаро́ лачхо́ ужакирибэ́н и Ёв зракхця́ амэн! Кадава́ исын Рай Дэвэ́л; пэ Лэ́стэ сыс амаро́ лачхо́ ужакирибэ́н; ла́са тэ радынаспэ Лэ́скирэ Зракхибнастыр.”