Avakumo 3:16 - Библия - Пэ Балтитко Романи чиб (Романэс) 2019

¹⁶ Ке́ли мэ шундём, мирэ́ маса́ лынэ́ тэ издран, мирэ́ ушта́ лынэ́ тэ издран локхэс далэ́ занятыр: кирныпэн загия́ дрэ мирэ́ кокалы́; и мэ яцём тэ тринскиравпэ пэ пэ́скиро штэ́то. Нэ ма́нгэ трэй тэ явав штыл дро дывэ́с дарано, ке́ли явэ́ла вэ́рго пэ мирэ́ манушэ́ндэ пэ́скирэ халадэнца.

Biblija - Pe Baltitko Romani čib (Romanes) 2019

¹⁶ Kiéli me šundjom, miré masá lyné te izdran, miré uštá lyné te izdran lokhes dalé zaniatyr: kirnypen zagijá dre miré kokalý; i me jacjom te trinskiravpe pe péskiro štéto. Ne mánge trej te javav štyl dro dyvés darano, kiéli javéla vérgo pe miré manušénde péskire xaladenca.

Avakumo 3:16 Referans Kwoze

Ереме́ё 23:9

Со пал пророкэ́ндэ: ‘Миро ило́ дрэ ма́ндэ пхарадёла, сарэ́ мирэ́ кокалы́ издрана. Мэ сом сы́рбы мато ману́ш, и сыр ману́ш, савэ́с мол (вино) пиризорьякирдя (матькирдя) анги́л Растэ-Дэвлэ́стэ, ваш свэ́нта лава́ Лэ́скирэ Свэнтоматыр.

Avakumo 3:2

Раё Дэ́вла! Мэ шундём Тыри́ зан и дарандыём. Раё Дэ́вла! Кэр нэвэ́стыр Тырэ́ рэ́нды дро амарэ́ часы, кэр адя́кэ, соб (кай) тэ джинэ́н тырэ́ рэ́нды машкира́л амарэ́ часы. На дыкхи́ пэ дова́, со Ту холясыян пэ амэ́ндэ, сыка́в Тыри́ ла́ска.

Дание́лё 10:8

Палдава́ яцёмпэ мэ екхджино́, и дыкха́вас мэ да́ва баро́ дыкхибэ́н, нэ дрэ ма́ндэ на яця́пэ зор, мина пэ миро муй древа́н парудяпэ дара́тыр, на яця́пэ ма́ндэ нисаво́ састыпэн.

Psalmy 119:120

Мири́ лоч (плоть) издрала дара́тыр анги́л Ту́тэ; ма́ндэ исын трашаибэ́н анги́л Тыро́ сэ́ндо.

Psalmy 91:15

Ёв прикхарэла Ман и Мэ отпхэнава лэ́скэ, Мэ ява́ва лэ́са, ке́ли явэ́ла пхаро́ лэ́скэ, Мэ зракха́ва лэс и Мэ ява́ва тэ кутякирав лэс.

Дание́лё 8:27

И мэ, Дание́лё, кхиныём, винасвалыём ада́кицы дывэса́; тэ́ньчи мэ уштыём и лыём тэ кэра́в кралитка рэ́нды (де́лы); нэ мэ дивиндёмпэ наужакирдэс далэ́ дыкхибнаскэ и ние́кх на ґалёлас лэс.

Езэкилё 3:14

И ґаздыя́ ман Ду́хо (Фа́но), и лыя́ ман. И джавас мэ пхарэ́ илэ́са, холя́са, и Ра́скирэ-Дэвлэ́скиро зорало́ васт сыс пэ ма́ндэ.

Luka 21:19

Нэ тумарэ́ вырикирибнаса тумэ́ зракхэна ду́хо (фа́но) ваш чачуно́ джиибэ́н.

Ióvo 30:17

Мирэ́ кокалы́ промардэ дрэ ма́ндэ раты́, и мирэ́ дукха́ ха́на ман би откхиныбнаскиро

Ióvo 30:30

Мири́ цы́па калёла и пэрэ́ла ма́ндыр, мирэ́ кокалы́ пэкэнапэ хачкирибнастыр.

Pritčy 12:4

Куч ромны́ исын сы́рбы коро́на пэ ромэскиро шэро́, нэ кодоя, сави́ ладжакирэла лэс, исын сы́рбы кирныпэн дрэ лэ́скирэ кокалы́.

Pritčy 14:30

Лачхо́ ило́ дэ́ла джиибэ́н масэнгэ, нэ зэвлыныпэ́н кирнякирэла кокалы́.

Ереме́ё 4:19

Миро ди калёла! Миро ди калёла, саро́ миро ило́ дукхала тугатыр! Сыр издрала миро ило́ роибнастыр, ма́нгэ нашты́ тэ явав штыл, пал-дова́ со ту шунэса, миро ди, сыр башавэла ро́го (труба), сыр дэ́на го́дла, кай джа́ла марибэ́н.

Ереме́ё 5:15

Акэ, Мэ яна́ва манушы́тко нацыя пэ тумэ́ндэ дурипнастыр, Израилёскиро кхэр”, – ракирэ́ла Рай Дэвэ́л! “Дава́ исын зоралы́ нацыя, дая́ нацыя исын ґаратуны, савэнгири чиб на джинэ́на тумэ́, и тумэ́ на ґалёна, со ёнэ пхэнэ́на.

Roiben 1:13

Вучипна́стыр Ёв бичхадя́ яг пэ мирэ́ кокалы́, и яг лыя́ зор пэ миро фо́ро; Ёв росчхудя́ фэлы́ ваш мири́ ґэро́й и рискирдя́ ман палэ; Ёв кэрдя́ адя́кэ, соб (кай) мэ тэ явав чхучо́ (пусто), соб (кай) мэ тэ млоснёвав (тэ нашавав зор) саро́ дывэ́с.

Isajos 21:3

Далэ́стыр издрана мирэ́, Исаёскирэ, маса́ пэ трушу́л; мэ мэнчынавапэ, сыр джувлы́, ко́ли ёй биянэ́ла, мэ на латхава штэ́то долэ́стыр, со мэ шунава; мэ пиридживава долэ́стыр, со мэ дыкха́ва.

Ереме́ё 30:7

Пэ биба́хт (бари би́да), явэ́ла баро́ дава́ дывэ́с, со буты́р дасаво нанэ и на явэ́ла, И адя́кэ-паць явэ́ла пхаро́ Яково́скэ, нэ ёв явэ́ла зракхно;

Roiben 1:20

Дыкх, Раё Дэ́вла, сыр бари биба́хт пыя́ пэ ма́ндэ; миро ди исын дрэ траш, миро ило́ рискирдяпэ упрэ́ дрэ ма́ндэ, пал-дова́ со мэ кэравас дова́, со мэ камамас. Яврестыр какана́ курта́ла (мечо) чингирэла шэро́, нэ кхэрэ́ исын сы́рбы мэрибэ́н.

Дание́лё 10:9

И шундём мэ зан лэ́скирэ лавэнгири; и фэ́ни шунавас мэ зан (глос) лэ́скирэ лавэнгири, сыр кашталуно дыёмпэ (замыём) мэ муял и со́мас пашто́ тэлэ́ мо́са кэ пхув.