Avakumo 3:13 - Библия - Пэ Балтитко Романи чиб (Романэс) 2019

¹³ Ту ги́ян анги́л тэ зракхэс Тырэ́ манушэ́н, соб (кай) тэ зракхэс Тырэ́ Помакхнэс, Ту пэкадян шэралэс кхэрэ́стыр, кай исын бибахталэ́, Ту росчхудян (розуридян) лэс кэ нангипэ́н шэрэстыр кэ ґэра́. Сэ́ла.

Biblija - Pe Baltitko Romani čib (Romanes) 2019

¹³ Tu gíian angíl te zrakhes Tyré manušén, sob (kaj) te zrakhes Tyré Pomakhnes, Tu pekadian šerales kheréstyr, kaj isyn bibahtalé, Tu rosčhudian (rozuridian) les ke nangipén šerestyr ke ĥerá. Séla.

Avakumo 3:13 Referans Kwoze

Psalmy 110:6

Ёв явэ́ла тэ сэндякирэ́л машки́р Наюды́тка на́цыи; Ёв ячкирэ́ла пэ сарэ́ штэ́ты пир пхув тру́пы; Ёв злэла шэрэ́ барыдырэндэ, кон хулаинэла пир бари пхув.

Psalmy 105:15

ракири́: “На чилавэн Мирэн, Савэ́н Мэ помакхцём. На кэрэ́н чорипэ́н Мирэ́ пророкэнгэ.”

Psalmy 105:26

Дэвэ́л бичхадя́ Мойза́с, Пэ́скирэ писхари́с, и Аронос, конэ́с Ёв выкэдыя́,

Psalmy 99:6

Мо́йза и Ароно сыс машки́р Лэ́скирэ рашандэ и Самуи́ло сыс машки́р одолэ́ндэ, савэ́ приракхэнас лэ́скиро лав: ёнэ кхарэнас Рас-Дэвлэ́с, и Ёв отпхэнэ́лас лэ́нгэ.

Psalmy 77:20

Тыро́ дром сыс пир мо́рё (дэрья́в) и Ту пиригиян барэ́ паня́ и Тырэ́ шпэры (сляды) на джиндлэ́.

Psalmy 68:7

Дэвэ́л дэ́ла кхэр тэ дживэ́н одолэ́нгэ, кон исын екхджинэ, Ёв мэкэ́ла пэ во́ля одолэ́н, кон исын дрэ састыра́: бунтуи́тка мануша́ ячэ́напэ пэ шуки́ пхув.

Psalmy 28:8

Рай Дэвэ́л приракхэла зоралыпнаса Пэ́скирэ манушэ́н, и Ёв зракхэ́ла Пэ́скирэ Помакхнэс.

Psalmy 20:6

Амэ ява́са тэ радынаспэ Тырэ́ зракхибнастыр, и амэ чхуваса амарэ́ сцяги амарэ́ Дэвлэ́скирэ лавэ́са. Мэк Рай Дэвэ́л тэ сполнинэл саро́, пал со ту мангэса.

Isúso 11:12

И сарэ́ далэнгирэ-кральенгирэ фо́рья и сарэ́н кралье́н лэнгирэн лыя́ Ису́со, и домардя́ куртала́са, отдыи лэн совлахакэ, сыр ракирдя́ Мо́йза, Ра́скиро-Дэвлэ́скиро писха́ри;

Isúso 11:8

И отдыя́ лэн Рай Дэвэ́л Израильтянэнгэ дрэ васта́, и домардэ́ ёнэ лэн, и традынэ лэн кэ баро́ Сидоно, и кэ Мисрефоф-Маима, и кэ до́ло Мицфа кэ васто́ко, и пиримардэ лэн адя́кэ, со никонэ́с лэ́ндыр на яця́пэ, кон бы тэ явэ́л джидо́.

Isúso 10:42

сарэ́н кралье́н далэн и лэ́нгири пхув Ису́со лыя́ екхэ молостыр, пал-дова́ со Рай Дэвэ́л, Дэвэ́л Израилёскиро, мардя́пэ пал Израилё.

Isúso 10:24

Ке́ли вылыджинэ́ адалэн кралье́н кэ Ису́со, то Ису́со кхардя́ кэ пэ сарэ́н Израильтянэ́н и пхэндя́ халадэ́нгирэ шэралэнгэ, савэ́ псирдэ́ лэ́са: “Подджан, тэрдён тумарэ́ гэрэнца пэ мэня далэ́ кральенгэ”. Ёнэ подгинэ́ и тэрдинэ́ пэ́скирэ ґэрэ́нца пэ лэ́нгирэ мэня.

Isúso 10:11

Ке́ли ёнэ нашнэ́ Израильтянэндыр пир Вефоронсконэ-бэрга́киро змэкибэн, то Рай Дэвэ́л чхурдыя́ пэ лэ́ндэ болыбна́стыр барэ́ бара́ аж кэ Азеко, и ёнэ помынэ; буты́р сыс одолэ́ндыр, савэ́ мынэ́ барэнгирэ чхуибнастыр, сыр кодолэндыр, савэ́н мулякирдэ́ Израилёскирэ чхавэ́ куртала́са.

Isajos 63:11

Тэ́ньци Лэ́скиро народо пририпирдя ґаратунэ́ Мойза́скирэ дывэса́: “Кай исын Одова́, Саво́ вылыджия́ лэн морёстыр (дэрьявэстыр) чхупнариса, Саво́ чаравэла Лэ́скирэ бакрэ́н? Кай исын Одова́, Саво́ чхудя́ Пэ́скиро Свэ́нто Ду́хо (Фа́но) дро лэ́скиро ило́?

2 Kralip 5:20

И гия́ Дави́до дрэ Ваало-Перацымо, и домардя́ лэн одо́й, и пхэндя́ Дави́до: “Рай Дэвэ́л розмардя́ мирэ́ вэргэ́н анги́л ма́ндэ, сыр розлыджала пани́.” Палдава́ и долэ́ штэтоскэ дыно́ лав Ваало-Перацымо.

Psalmy 137:7

О, Раё Дэ́вла! Ри́пир Эдомоскирэ чхавэ́нгэ пал Ерусалимоскиро дывэ́с, савэ́ пхэндлэ́: “Пхагирэн сарэ́са! Пхагирэн сарэ́са кэ са́мо пхув.”

Isajos 64:1

О, ко́ли б Ту росчхиндян болыбэ́н и ги́ян тэлэ́! Бэ́рги схачинэ б Тырэ́ мо́стыр.

Езэкилё 13:14

Мэ пхагирава тэлэ́ ва́нта, сави́ тумэ́ обмакхэнас блатаса, чхурдава ла пэ пхув, и откэрэлапэ ла́киро фунда́менто, и ёй пэрэ́ла. Тумэ́ хасёна ла́са, и тумэ́ ґалёна, со Мэ сом Рай Дэвэ́л, Дэвэ́л.

Amoso 9:1

Мэ дыкхцём Рас-Дэвлэ́с, Саво́ сыс тэрдо́ пашы́л алта́рё, и пхэндя́ Ёв: “Пэкав пир вударэскиро бэранд (стойка), соб (кай) тэ тринскирэнпэ проги тэл сты́лбы, и розмар лэн пэ шэрэ́ лэ́нгирэ сарэнгирэ. Мэ мулякирава кодолэ́н, савэ́ ячэ́напэ лэ́ндыр куртала́са: ние́кх на нашэла лэ́ндыр, кон прастала криг; и кодова́, кон кэдэлапэ, на зракхэ́лапэ.