Avakumo 2:9 - Библия - Пэ Балтитко Романи чиб (Романэс) 2019

⁹ Бида пэ лэ́стэ, кон дорэсэ́ла барвалыпэ́н бибахталэ́ рэндэ́ндыр пэ́скирэ кхэрэ́скэ, соб (кай) лэ́скэ тэ кэрэ́л гня́зда (ку́фо) вучэ́с, соб (кай) ёв саштынэлас тэ зракхэлпэ бибахталэ́ зорья́тыр.

Biblija - Pe Baltitko Romani čib (Romanes) 2019

⁹ Bida pe léste, kon doreséla barvalypén bibahtalé rendéndyr péskire kheréske, sob (kaj) léske te kerél gniázda (kúfo) vučés, sob (kaj) jov saštynelas te zrakhelpe bibahtalé zorjátyr.

Avakumo 2:9 Referans Kwoze

Ереме́ё 49:16

Трашаибэ́н тыро́ хохадя тумэн и пхутькирибэ́н тырэ́-илэ́скиро притырдынэ тут, саво́ дживэ́ла машки́р скалакирэ шчэлі, и саво́ залэла вучипэ́н бэргицэнгиро! Мэк ту кэрдя́н пэ́скири гня́зда (ку́фо) адя́кэ вучэ́с, сыр о́рло (ки́до), нэ Мэ и одотхы́р тырдава [счхурдава-р.с.] тут тэлэ́,” – ракирэ́ла Рай Дэвэ́л.

Juda 1:11

Бида лэ́нгэ! Пал-дова́ со ёнэ гинэ́ Каиноскирэ дромэ́са и пал барвалыпэ́н ёнэ кокорэ́ отдынэ́ пэс грэхоскэ, сыр Валамо и ёнэ мэрэ́на дро бу́нто, сыр Кареё.

Авдиёс 1:4

На дыкхи́ пэ дова́, со ту ґаздэса пэс сыр о́рло (ки́до), и со ту кэрэ́са пэ́скиро гня́зда (ку́фо) машки́р чэргэня́, нэ и одотхы́р Мэ чхурдава тэлэ́ тут”, – ракирэ́ла Рай Дэвэ́л.

Isajos 28:15

Пал-дова́, со тумэ́ ракирэ́на: “Амэ доракирдямпэ хорэ штэтоса тэл пхув люноса (адоса) и мэрибнаса: ко́ли проджа́ла чхупны, сави́ хасякирла саро́, кэ амэ ёй на доджа́ла, пал-дова́ со хохаибнаса амэ зракхасапэ и начачипнаса пэс закэраса (пхандасапэ).”

Psalmy 52:7

Дэвэ́л хасякирэ́ла тут адя́кэ пэ сарэ́ ве́ки и чхурдэ́ла тут криг и выкушэла тут шатратыр и вырискирэла тут корне́нца (рукхэ́нца) пхувья́тыр, кай дживэ́на мануша́. Сэ́ла.

Psalmy 49:11

Ёв дыкхэ́ла, сыр годэ́ мануша́ мэрэ́на, адя́кэ-паць сыр дылынэ́ кхэтанэ́ бигодякирэнца хасёна, и мэкэ́на пэ́скиро барвалыпэ́н явирэ́нгэ.

Isajos 5:8

Бида тумэ́нгэ, кон кинэла екх кхэр пал яви́р, екх фэ́лда пал яви́р фэ́лда, адя́кэ, со нанэ штэ́то ваш явирэ манушэ́нгэ, адя́кэ, со, сы́рбы тумэ́ сан екхджинэ пэ пхув.

Ереме́ё 51:13

Ту, Вавило́но, сан пашы́л бут барэ́ панинга́, конэ́стэ исын баро́ кучипэ́н, тыро́ ко́нцо (яго́ро) явдя́, и ме́ра трэ сквапнымакэ.

Езэкилё 22:27

Ла́кирэ тхага́рья исын сыр рува́, савэ́ родэ́на хабэ́н, чхувэ́на рат, хасякирэна манушэ́нгиро ди, соб (кай) тэ латхэ́н барвалыпэ́н напатывалэс.

Ереме́ё 17:11

Сыр куропатка, сави́ бэшэ́ла пэ парнорэ, со ёй на чхудя́, адя́кэ-паць исын ману́ш, кон дорэсэ́ла барвалыпэ́н на пир чачипэ́н: дро са́мо машкира́л лэ́скирэ дывэса́ барвалыпэ́н мэкэ́ла лэс и дро ко́нцо (дро яго́ро) ёв явэ́ла дылыно́.

Ереме́ё 22:23

О тумэ́, кон дживэ́ла пэ Лива́но, кон кэрэ́ла гня́зды (ку́фы) пэ кедры, [сыр явэ́ла тут танго-р.с.] ке́ли пэрэ́на дукха́ пэ ту́тэ, сы́рбы пэ джувля́тэ, савьякэ трэй тэ биянэ́л.’

Ереме́ё 51:53

На дыкхи́ пэ дава́, со Вавило́но ґаздэласпэ кэ болыбэ́н, и на дыкхи́ пэ дава́, со ёв зоралякирэлас пэ́скири вучи́ ва́нта, нэ сарое́кх (усае́кх) мижэх чора явэ́на кэ ёв Ма́ндыр” – ракирэ́ла Рай Дэвэ́л.