Avakumo 2:8 - Библия - Пэ Балтитко Романи чиб (Романэс) 2019

⁸ Пал-дова́ со ту обчордян бут народы (манушы́тка на́цыи), сарэ́, кон яця́пэ кадалэ́ манушэ́ндыр, явэ́на тэ обчорэн тут пал манушэ́нгиро рат, и пал нахратыма пэ пхув и дро фо́ро, пал сарэ́ манушэ́ндэ, савэ́ дживэ́на пэ дая́ пхув.

Biblija - Pe Baltitko Romani čib (Romanes) 2019

⁸ Pal-dová so tu občordian but narody (manušýtka nácyi), saré, kon jaciápe kadalé manušéndyr, javéna te občoren tut pal manušéngiro rat, i pal nahratyma pe phuv i dro fóro, pal saré manušénde, savé dživéna pe daja phuv.

Avakumo 2:8 Referans Kwoze

Isajos 33:1

Бида ту́кэ одова́, кон исын мижэх чор, конэ́стыр на отлэнас, и чор, конэ́стыр на чорэнас! Ко́ли обчорэса саро́ [мэкэса тэ чорэс-р.с.], ту́тыр отлэна, ко́ли пириячэса тэ чорэс, ту́тыр чорэна.

Avakumo 2:17

Пал-дова́ со чорипэ́н, со ту кэрдя́н Ливаноскэ, учхакирэ́ла тут (пэрэ́ла пэ ту́тэ); мурдала́ (жывотна), со ту трашадян лэн, явэ́на тэ трашавэн тут, пал манушэ́нгиро рат, пал чорипэ́н, со кэрдя́н пхувьякэ, фороскэ, и сарэ́нгэ, кон дживэ́ла дро фо́ро.

Ереме́ё 27:7

И сарэ́ Наюды́тка на́цыи явэ́на тэ дынаринэ́н лэ́скэ, лэ́скирэ чхавэ́скэ, и лэ́скирэ-чхавэ́скирэ чхавэ́скэ анги́л дова́, сыр явэ́ла адя́кэ-паць хасибны́тко дывэ́с лэ́скирэ пхувьякэ. И тэды бут Наюды́тка на́цыи и барэ́ кра́лья тыкнякирэна Вавило́но тэ дынаринэ́н лэ́скэ.

Sykadyipén 6:10

и ёнэ дэ́нас го́дла зоралэ́ заня́са: “Раё, Свэ́нто и Чачуно́! Ци бут амэ́нгэ тэ ужакирас, пака Ту явэ́са тэ сэндякирэс и тэ чхувэ́с ка́ра пал амаро́ рат пэ манушэ́ндэ пир пхув?”

Заха́рия 14:12

И, акэ, савэ́ явэ́на хасибны́тка фра́нсы, савэ́нца хасякирэ́ла Рай Дэвэ́л сарэ́ манушэ́н, со марэнаспэ Ерусалимоса: кажнонэ́стэ вышутёна маса́ лэ́скирэ, сыр ёв ишчо (инкэ́) явэ́ла тэрдо́ пэ пэ́скирэ ґэра́, и якха́ лэ́скирэ билёна дрэ пэ́скирэ ямицы, и чиб лэ́скири вышутёла дро муй лэ́стэ.

Заха́рия 1:15

и барэ́ холынаса холямо́ сом Мэ пэ манушэ́ндэ, савэ́ сыс джидэ́ исын дро спокойныма: пал-дова́ со сыр Мэ со́мас на́бут холямо́, ёнэ кэрдэ́ буты́р.

Avakumo 2:10

Ту придуминдян ладж пэ́скирэ кхэрэ́скэ, ке́ли ту хасякирдян бут народы (манушы́тка на́цыи), и палдава́ ту лыян грэ́хо пэ пэ́скиро ди.

Ереме́ё 51:48

И болыбэ́н и пхув, и саро́, со исын пэ лэ́ндэ, явэ́на тэ дэн го́дла радыма́са пэ Вавило́но, пал-дова́ со мижэх чора (опустошытели) явэ́на пэ лэ́стэ паш-ратитконэ́ (севернонэ) рига́тыр”, – ракирэ́ла Рай Дэвэ́л.

Ереме́ё 51:44

И Мэ пхарэ́с ява́ва тэ сэндякирав Вилос дро Вавило́но, и Мэ вытырдава лэ́скирэ мо́стыр дова́, со ёв накхадя (проглытындя): на́цыи на явэ́на буты́р тэ прастан кэ ёв сы́рбы рэ́ки (лэня́), и ва́нта Вавилоноскири пэрэ́ла.

Ереме́ё 51:24

И Мэ отда́ва Вавилоноскэ и сарэ́нгэ, кон дживэ́ла кэ Халдея, анги́л тумарэ́ якха́, сари́ лэ́нгири биба́хт (фуипэ́н), со ёнэ кэрдэ́ пэ Сио́но”, – ракирэ́ла Рай Дэвэ́л.

Ереме́ё 51:13

Ту, Вавило́но, сан пашы́л бут барэ́ панинга́, конэ́стэ исын баро́ кучипэ́н, тыро́ ко́нцо (яго́ро) явдя́, и ме́ра трэ сквапнымакэ.

Ереме́ё 51:8

Вавило́но екха́тыр (сра́зу) пыя́ и розмардяпэ. Ровэ́н годлэнца пал лэ́стэ; лэн бальзамо пэ лэ́скирэ рискирибэна (раны), сашты́ (могинэ́ла) тэ явэ́л, со ёв састёла.

Ереме́ё 50:37

Курта́ла пэ лэ́нгирэ грэ́ндэ, и пэ марибнаскирэ вурдэна́, и пэ сарэ́ явирэ-родэнгирэ (мешанонэ) манушэ́ндэ, савэ́ исын машки́р лэ́ндэ, и ёнэ ячэ́на сыр джувля́. Курта́ла пэ лэ́нгирэ кучипэна, и лэ́ндыр лэн чорэна.

Ереме́ё 50:28

Шунэ́н манушэ́нгири зан (глос), савэ́ нашэ́на и ракхэнапэ Вавилоно́скирэ пхувья́тыр. Ёнэ подэна зан (звесь) дро Сио́но, со Рай Дэвэ́л, амаро́ Дэвэ́л дукхавэла палэ, Ёв дукхавэла палэ пал Лэ́скири Кхангири́.

Ереме́ё 30:16

Пал-дова́ со сарэ́, кон дукхавэла тут, ёнэ кокорэ́ явэ́на дукхадэ, и сарэ́ тырэ́ вэ́рги, кажно лэ́ндыр джа́ла дро пле́но. Сарэ́, кон чорэла миштыпэ́н ту́тыр, ёнэ кокорэ́ явэ́на обчордэ; и сарэ́, кон рискирэ́ла тыро́ миштыпэ́н, лэ́ндэ кокорэндэ явэ́ла рискирдо миштыпэ́н.’

Isajos 47:6

Холясыём Мэ пэ Миро народо, хасякирдём Мирэ́ чхавэ́н, отдыём лэн дрэ тырэ́ васта́, Вавило́но, а ту на потангиндян лэн; пхуро́ ману́ш лыджия́ тыро́ пхарипэ́н.

Isajos 33:4

И явэ́на тэ кэдэн тумаро́ дорэсыбэ́н, сыр кирмо скэдэ́ла, чхурдэнапэ пэ лэ́стэ, сыр пхакитка скочки (саранча) чхурдэнапэ.

Psalmy 137:8

О, чха́ё Вавилоно́стыр, тут мулякирэна. Тэ явэ́л бахтякирдо́ дова́, кон отплэскирэла палэ́ тумэ́нгэ, пал дова́, со тумэ́ кэрдэ́ амэ́нгэ:

Ереме́ё 50:14

Тэрден тумэ́ тэ марэ́нпэ проти Вавило́но, трусця́л лэ́стэ, сарэ́, савэ́ одтырдэна лу́ко; дэн карье́ дрэ лэ́стэ, на тангинэн (на жалинэн) бустя́, пал-дова́ со ёв кэрдя́ грэ́хо (бизо) проти Растэ-Дэвлэ́стэ.

Езэкилё 28:16

Барэ́ тырэ́ бикныбнастыр дрэ тыро́ андрыпэн загия́ начачипэ́н, ту кэрдя́н грэ́хо; Мэ чхурдыём тут тэлэ́, сыр магирдэс Дэвлэ́скирэ бэрга́тыр, Мэ хасякирдём тут, ракхно херувимо, хачкирдэ́ барэндыр дрэ машкиралыпэн.

Езэкилё 39:10

На явэ́на ёнэ тэ янэ́н кашта́ фэлдатыр, на явэ́на тэ кэдэн лэн дро вэш, нэ явэ́на тэ хачкирэ́н екх мардытка; ёнэ обчорэна долэн, кон лэ́ндыр чорэлас, залэна одолэ́ндыр, кон лэ́ндыр залэлас”, – ракирэ́ла Рай Дэвэ́л, Дэвэ́л.

Amoso 3:10

“Пал-дова́ со ёнэ на джинэ́на, сыр тэ кэрэ́н чачунэ́с, – ракирэ́ла Рай Дэвэ́л, – ‘ёнэ, савэ́ загаравэна кучипэ́н, со яндлэ́ ёнэ дрэ чори, со ёнэ нахратэс чордэ, дрэ лэ́нгирэ барэ́ фэлатиня́ (колова́).’

Авдиёс 1:15

Пал-дова́ со сыг явэ́ла Дывэ́с Ра́скирэ-Дэвлэ́скиро пэ сарэ́ Наюды́тка на́цыи: сыр ту кэрдя́н, адя́кэ и ту́кэ явэ́ла кэрдо́; тырэ́ рэ́нды рисёна пэ тыро́ шэро́.

Pritčy 22:23

пал-дова́ со Рай Дэвэ́л затэрдёла пал лэ́нгиро рэ́ндо, и лэ́ла криг кодолэнгиро ди, савэ́ обчорэна лэн.