Avakumo 2:6 - Библия - Пэ Балтитко Романи чиб (Романэс) 2019

⁶ Ци на лэ́на сарэ́ кадалэ́ мануша́ (конэ́с ёв росчордя) тэ ракирэ́н притча проти лэ́стэ, и тэ высан лавэ́нца лэс, пхэни́: “Бида пэ лэ́стэ, кон прибарьякирэла кэ пэ дова́, со нанэ лэ́скиро – пэ кицы́ дурэды́р дава́ явэ́ла? Бида пэ кадалэстэ, кон обчхувэла пэс сымаденца (залогэнца)?”

Biblija - Pe Baltitko Romani čib (Romanes) 2019

⁶ Ci na léna saré kadalé manušá (konés jov rosčordia) te rakirén pritča proti léste, i te vysan lavénca les, phení: “Bida pe léste, kon pribarjakirela ke pe dová, so nane léskiro – pe kicý duredýr davá javéla? Bida pe kadaleste, kon občhuvela pes symadienca (zalogenca)?”

Avakumo 2:6 Referans Kwoze

Mihiejo 2:4

Дро дова́ дывэ́с мануша́ явэ́на тэ ракирэ́н притча пал тумэ́ндэ, и ёнэ явэ́на тэ ракирэ́н зоралэ́с киркэ ясвэ́нца, и тэ пхэнэ́н: ‘Амэ хасиям сарэ́са, о Дэвэ́л парудя амари́ до́ля [отдыя́ явирэ́нгэ-р.с.]: сыр тэ рисёл амари́ до́ля? Ёв роскэрдя́ амарэ́ фэ́лды машки́р амарэ́ вэргэ́ндэ.’”

Ереме́ё 50:13

Пир Ра́скирэ-Дэвлэ́скиро холякирибэ́н, пэ ла́тэ нико́н на явэ́ла тэ дживэ́л, и ёй явэ́ла сарэ́са чхучи́. Кажно (сва́ко) ману́ш, кон джа́ла пир Вавило́но, явэ́ла тэ путравэл якха́ трашатыр (тэ дивинэлпэ) и явэ́ла тэ дэл шоля (тэ свистинэл), сыр дыкхэ́ла марибны́тка фра́нсы.

Ереме́ё 29:22

И пал лэ́ндэ лэ́нгирэ лава́ явэ́на сыр прокошыбэ́н (арман) машки́р сарэ́ Юдэя́кирэ пленнонэндэ дро Вавило́но, сыр ёнэ явэ́на тэ ракирэ́н: ‘Мэк тэ кэрэ́л адя́кэ ту́кэ Рай Дэвэ́л сыр Сэдэкияскэ и Ахавоскэ, савэ́н Вавилоно́скиро кра́ли пэкця пэ яг;

Čysly 23:7

И проракирдя ёв пэ́скири притча и пхэндя́: “Месопотамиятыр, яндя́ ман о Вала́ко, Моавоскиро кра́ли, васточнонэ бэргэндыр: ‘яв, прокош ма́нгэ Яково́с, яв, кэр фуипэ́н пэ Израилё!’

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

Luka 12:20

Нэ Дэвэ́л пхэндя́ лэ́скэ: ‘Дылыно́ ту сан! Дрэ дая́ рат лэ́на ту́тыр тыро́ джиибэ́н; конэ́скэ дава́ саро́ ячэ́лапэ, со ту скэдыян?’

Avakumo 2:13

Акэ, дава́ нанэ янголэ́нгирэ-болыбна́скирэ Ра́стыр-Дэвлэ́стыр, со манушы́тка на́цыи кэрэ́на буты́ пхарэ́с ваш яг, со кхэри́тка ро́ды (пле́ми) кхинякирэна пэс ивья́ (напра́снэс)?

Avakumo 1:15

Ёнэ, Халдеи, старэна манушэ́н вэндкаса, ёнэ ухтылэна лэн дрэ лэ́нгири кхуды́ (сеть), и ёнэ скэдэ́на лэн дро лэ́нгиро неводо, палдава́ ёнэ древа́н радынэ́напэ, и ёнэ исын весе́ла (лошалэ́).

Езэкилё 32:21

Пэ дова́ свэ́то явэ́на тэ ракирэ́н пал лэ́стэ и пал манушэ́ндэ, савэ́ сыс лэ́са дро доракирибэ́н пэ́рва муршарья-мануша́; ёнэ пынэ́, ёнэ исын паштэ́ одо́й машки́р одолэ́ндэ, савэ́ исын наобчхиндлэ, курта́ла домардя́ лэн.

Isajos 55:2

Со́скэ тумэ́нгэ отдэ́н ловэ́ пал дова́, со нанэ маро́; со́скэ тэ отдэ́н ловэ́ пал дова́, со на чалякэрэла? Шунэ́н акана́ Ман и хан лачхипэ́н; мэк тумаро́ ди тэ явэ́л чало тхулыпнаса.

Isajos 44:20

Ёв ха́ла, хохавэлапэ, хохадо ило́ лыджа́ла явирэ дромэ́са лэс; и нисыр ёв на вырискирэла пэ́скиро ило́, на пхэнэ́ла: “Ци нанэ хохаибэ́н дро Миро чачо́ васт?”

Pritčy 22:16

Кон тасавэла (дукхавэла) чорорэс тэ барьякирэл пэ́скиро барвалыпэ́н; и кодова́, кон дэ́ла барвалэскэ, кадасаво́ ману́ш явэ́ла чороро́.

Psalmy 94:3

О, Раё Дэ́вла, кицы́ явэ́на фуй мануша́, кицы́ явэ́на фуй мануша́ тэ радынэ́нпэ?

Čysly 23:18

Ёв выпхэндя пэ́скиро приме́ро (притча) и пхэндя́: “Ушты́, Вала́ко, Сепфорооскиро чхаво́, шун и зарипир ман.

Isajos 10:13

Ёв пхэнэ́ла: “Мирэ́ зорья́са, мирэ́ годя́са кэрдём мэ да́ва, пал-дова́, со мэ сом годьваро́: Мэ парувава народонэнгирэ рига́ (ме́жы), чорава лэ́нгиро кучипэ́н, Мэ чхурдава тэлэ́ троностыр, сыр зорало́ ману́ш.”

Avakumo 2:12

“Бида пэ лэ́стэ, кон чхувэ́ла фо́ро пэ рат, и кон зачхувэла тва́рдыма/ фо́ро начапипнаса (чорипнаса)!”

Isajos 5:8

Бида тумэ́нгэ, кон кинэла екх кхэр пал яви́р, екх фэ́лда пал яви́р фэ́лда, адя́кэ, со нанэ штэ́то ваш явирэ манушэ́нгэ, адя́кэ, со, сы́рбы тумэ́ сан екхджинэ пэ пхув.

Ереме́ё 17:11

Сыр куропатка, сави́ бэшэ́ла пэ парнорэ, со ёй на чхудя́, адя́кэ-паць исын ману́ш, кон дорэсэ́ла барвалыпэ́н на пир чачипэ́н: дро са́мо машкира́л лэ́скирэ дывэса́ барвалыпэ́н мэкэ́ла лэс и дро ко́нцо (дро яго́ро) ёв явэ́ла дылыно́.