Avakumo 2:3 - Библия - Пэ Балтитко Романи чиб (Романэс) 2019

³ Пал-дова́ со дава́ дыкхибэ́н сыкавэ́ла пэ часо (цы́ро), саво́ ишчо (инкэ́) явэ́ла, нэ ёв явэ́ла тэ ракирэ́л пал ко́нцо (яго́ро), и ёв на явэ́ла тэ хохавэ́л. На дыкхи́ пэ дава́, со ёв зарикирэлапэ, ужакир лэс. Пал-дова́ со ёв явэ́ла, соб (кай) тэ на явэ́л, ёв на зарикирэлапэ (на отпарувэлапэ).

Biblija - Pe Baltitko Romani čib (Romanes) 2019

³ Pal-dová so davá dykhibén sykavéla pe časo (cýro), savó iščo (inké) javéla, ne jov javéla te rakirél pal kónco (jagóro), i jov na javéla te xohavél. Na dykhí pe davá, so jov zarikirelape, užakir les. Pal-dová so jov javéla, sob (kaj) te na javél, jov na zarikirelape (na otparuvelape).

Avakumo 2:3 Referans Kwoze

Psalmy 27:14

Рикирэ́н наде́я пэ Растэ-Дэвлэ́стэ, явэ́н муршканэ́ и Ёв зорьякирэла Тумаро ило́; чачо́, рикирэ́н наде́я пэ Растэ-Дэвлэ́стэ.

Езэкилё 12:25

Пал-дова́ со Мэ сом Рай Дэвэ́л, Дэвэ́л, Мэ ракира́ва, и пхэрдякирэлапэ лав, саво́ Мэ ракира́ва, и Мэ на парувава лэс. Дрэ тумарэ́ дывэса́, тумэ́ сан кхэр, кай на кандэ́на никонэ́с, Мэ пхэндём лав и Мэ кэра́ва, со Мэ кама́м”, – ракирэ́ла Рай Дэвэ́л, Дэвэ́л.’”

Psalmy 102:13

Нэ Ту, Раё Дэ́вла, явэ́са ве́чнэс, и сарэ́ ро́ды рипирэна Тыро́ лав.

Дание́лё 10:14

Акана́ мэ явдём тэ пхэна́в джины́ (звесь) ту́кэ, саро́, со явэ́ла тырэ́ манушэ́нца дрэ дывэса́, со явэ́на анги́л, адя́кэ, сыр дыкхибэ́н сыкавэ́ла пэ дуратунэ́ дывэса́.”

Mihiejo 7:7

Нэ мэ кокоро́ ява́ва тэ дыкха́в пэ Растэ-Дэвлэ́стэ, мэ ява́ва тэ ужакирав Дэвлэ́с, Саво́ ракхэ́ла ман; Миро Дэвэ́л шунэ́ла ман.

Isajos 30:18

Палдава́ Рай Дэвэ́л ишчо (инкэ́) ничи́ на кэрэ́ла (ужакирэ́ла), соб (кай) Ёв тэ потангинэл тумэн, ужакирэ́ла, соб (кай) тэ тангинэ́л тумэн; Рай Дэвэ́л исын Дэвэ́л чачипна́скиро; бахталэ́ сарэ́, конэ́стэ исын наде́я пэ Лэ́стэ!

Apostolengiri Butý 1:7

И Ёв отпхэндя́ лэ́нгэ: “На тумаро́ рэ́ндо (де́ло) тэ джинэ́н часо ци дывэса́, савэ́ Дад выкэдыя́ Лэскирэ правоса;

Дание́лё 8:19

и пхэндя́: “Акэ, мэ откэрава (сыкава́ва) ту́кэ, со явэ́ла дрэ палатунэ́ (последня) холякирэ дывэса́; пал-дова́ со дова́ дыкхибэ́н отлыджалапэ кэ упхэндло́ ко́нцо пир часо.

Galatenge 4:2

нэ пака ёв барьёла, пашы́л лэ́стэ псирэ́на ра́зна хулаибнытка и кхэрэ́скирэ барыдыра́ кэ/жы́ко кэ долэ́ бэрша́, савэ́ дад упхэнэла.

Luka 2:25

И, ґа́да, сыс ману́ш, савэ́с кхардэ́ Симеоно; ёв сыс чачуно́ ману́ш и дарэлас Дэвлэ́стыр; ёв ужакирэлас, ке́ли явэ́ла Израилёскиро Зракхибнари, и Ду́хо (Фа́но) Свэ́нто сыс пэ лэ́стэ.

Дание́лё 11:35

Латхэнапэ доша вари-савэ́ и годьварэндэ, соб (кай) тэ спробинэн лэн тэ жужакирэн и тэ парнякирэн кэ дывеса дро ко́нцо (яго́ро); пал-дова́ со ишчо (инкэ́) исын часо кэ упхэндло́ сроко.

Apostolengiri Butý 17:26

и Ёв кэрдя́ саро́ манушы́тко ро́до екхэ манушэ́стыр, соб (кай) мануша́ тэ дживэ́н пир сари́ пхув; Дэвэ́л выкэдыя́ ваш сарэ́ манушэ́нгэ часо и штэ́то ваш джиибэ́н пэ пхув,

Дание́лё 8:17

И ёв подги́я пашылэды́р кэ штэ́то, кай мэ тэрдиём, и, ке́ли ёв явдя́, то мэ страхадыём и дыёмпэ муял пэ пхув; и ёв пхэндя́ ма́нгэ: “Джин, о чхава манушэ́скиро, со дыкхибэ́н сыкавэ́ла пэ ко́нцо (пэ яго́ро) часо!”

Vygiiben 12:41

Сыр прогинэ́ штаршэла́ трия́нда бэрш, дрэ дова́-паць дывэ́с выгинэ́ сарэ́ Ра́скирэ-Дэвлэ́скирэ отря́ды Египто́скирэ пхувья́тыр раты́.

2 Petr 2:3

И кадалэ́ хоханэ́ сыклякирибнарья пал пэ́скири скэмпима явэ́на тэ барвалён тумэ́ндыр пэ́скирэ фрэнтонэ лавэ́нца, сэ́ндо ґара́ ужакирэ́ла лэн и лэ́нгиро хасибэ́н исын насуто.

Дание́лё 11:27

Дуйджинэндэ адалэ́ кралье́ндэ пэ ило́ явэ́ла хохаибэ́н, и пало́ екх сками́нд ёнэ лэ́на тэ хохавэн, ракири́, нэ на явэ́ла ко́фо, пал-дова́ со ко́нцо (яго́ро) отчхувэлапэ пэ часо.

4 Kralip 6:33

Ишчо ёв ракирдя́ лэ́нца, и ґа́да, ману́ш, саво́ сыс бичхадо́, явдя́ кэ ёв и пхэндя́: “Ѓа́да, саво́ фуипэ́н Ра́стыр-Дэвлэ́стыр, со ишчо (инкэ́) ма́нгэ анги́л тэ ужакирав Ра́стыр-Дэвлэ́стыр?”

Дание́лё 9:24

эфтадэша́ куркэ сыс гиндлэ́ ваш тыро́ народо и тыро́ свэ́нто фо́ро, Ерусалимо, соб (кай) учхакирдо тэ явэ́л чорипэ́н и тэ кончынэнпэ грэ́хи и тэ явэ́н выкхослэ бизаконытка рэ́нды (бизаконии), и, соб (кай) тэ явэ́л лыджино ве́чно чачипэ́н, тэ явэ́н запечатымэ дыкхибэ́н и проро́ко, и тэ явэ́л помакхно Свэ́нто-свэнтонэнгиро.

Ереме́ё 27:7

И сарэ́ Наюды́тка на́цыи явэ́на тэ дынаринэ́н лэ́скэ, лэ́скирэ чхавэ́скэ, и лэ́скирэ-чхавэ́скирэ чхавэ́скэ анги́л дова́, сыр явэ́ла адя́кэ-паць хасибны́тко дывэ́с лэ́скирэ пхувьякэ. И тэды бут Наюды́тка на́цыи и барэ́ кра́лья тыкнякирэна Вавило́но тэ дынаринэ́н лэ́скэ.

2 Petr 3:9

Дэвэ́л на зарикирэлапэ тэ кэрэ́л дова́, пал со Ёв дыя́ лав, сыр вари-савэ́ мануша́ гинэ́на, со дава́ явэ́ла на сыг, нэ Ёв ґара́ вырикирэ́ла тумэн, и на камэ́ла, соб (кай) вари-кон тэ хасёл, нэ соб (кай) сарэ́ тэ рисён кэ Дэвэ́л.

Isajos 8:17

Палдава́ мэ допатява Ра́скэ-Дэвлэ́скэ, Саво́ гарадя Пэ́скиро муй Яково́скирэ (Израилёскирэ) кхэрэ́стыр, мэ патя́ва Лэ́скэ.

Софония 3:8

“Палдава́ ужакирэн Ман”, – ракирэ́ла Рай Дэвэ́л, – “кэ/ жы́ко дава́ дывэ́с, дро саво́ Мэ ява́ва тэ бангякирав. Миро припхэныбэ́н исын дасаво, соб (кай) тэ кэдав кхэтанэ́ кралипэна́ тэ вычхував пэ лэ́ндэ Мири́ холы́, сари́ Мири́ бари холын; пал-дова́ со Мирэ́-зэвлыныпнаскири яг похала сари́ пхув.

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

Isajos 7:4

Пхэн лэ́скэ: ‘Дыкх и яв штыл, на андырша, мэк тэ на дарэл тыро́ ило́ дуе далэндыр дэстэндыр, савэ́ хачона, Рецыноскирэ и Сириянэнгирэ и Ремалияскирэ чхавэ́скирэ холя́тыр, сави́ лыя́ тэ хачол пэ ту́тэ.’

Езэкилё 30:9

Дро кодова́ дывэ́с явэ́на Ма́ндыр мануша́, савэ́ лыджа́на звесь (нэвипэн), ёнэ потрадэна пэ па́рмы (корабли), соб (кай) тэ страхакирэн биракхибнаскирэ, Ефиоплянэн, явэ́ла лэ́ндэ траш, сыр дрэ Египто́скиро дывэ́с, акэ, ёв джа́ла.”